8 أُوْشَا ثَمْزِيذَا ثَمقّْرَانْت ثْعمَّر س دّخَّان ن لْعَظَمَا ن أَربِّـي ذ جّْهذ نّس. وَار يزمَّر حَدّ اَذ يَاذف غَار ثمْزِيذَا ثَمقّْرَانْت حتَّا اَڒ غَا كمّْڒنْت سبْعَا-يَا ن ڒْمُصِيبَاث إِي د غَا سهْوَانْت سبْعَا ن لْمَلَائِكَاث نِّي.
مشْحَاڒ يمْغَر وَاݣْڒَا ن ڒفْهَامث ذ ثُوْسْنَا ن أَربِّـي! وَار تْوَاشرّْحن لْأَحْكَام نّس، وَار تْوَافهّْمن يبْرِيذن نّس.
أَذ تْوَاعَاقْبن س يِجّن ن لْخَرَاب وَار يفنِّين شَا، أَذ تْوَاحَرّْمن زݣ وغمْبُوْب ن سِيذِيثْنغ ذ لْعَظَمَا ن جّْهذ نّس.
ࢲْرِيغ يجّن ن لْعَلَامَا نّغْنِي ذ ثَمقّْرَانْت ذݣ وجنَّا يسْذهَّاشن، يعْنِي سبْعَا ن لْمَلَائِكَاث غَارْسنْت سبْعَا ن لْمُصِيبَاث ثِنݣُّوْرَا، زَّايْسنْت إِي غَا يتْوَاكمّڒ ؤُغْضَب ن أَربِّـي.
ذَايس لْعَظَمَا ن أَربِّـي، نُّوْر نّس اَمشْنَاو ثَزْرُوْت ثَصبْحَانْت، أَمشْنَاو ثَزْرُوْت ن لْيَشب ثصْفَا اَطَّاس.
