أيث-فيليـپـي 3:9 - ثريفيث 2020

⁹ حمَا اَذَايِي اَفن ذَايس بْڒَا شَا ن صُّلْح اَك أَربِّـي إِي د يتَاسن زَّايِي نش وَاهَا عْلَاحْسَاب شَّرِيعَا. لَّا، صُّلْح نِّي ينُو اَك أَربِّـي يتَاس-د س لْإِيمَان ينُو زِي لْمَسِيح، يعْنِي صُّلْح نِّي يتَاس-د زِي أَربِّـي يتَاس-د س لْإِيمَان.

أيث-فيليـپـي 3:9 交叉參考

أَسڒْمذ ن سِيذِيثْنغ عِيْسَى لْكِتَاب ن مَتَّى 9:13

رُوْحم رْزُوْم خ ڒْمَعْنَا ن لْأَيَا إِي يقَّارن: خْسغ اَذ تْرحْمم يوْذَان، وَار خْسغ بُو اَذ تْغَرْصم إِ ڒبْهَايم." ينَّا-ٱسن: "وَار د ؤُسِيغ شَا اَذ ڒَاغِيغ إِ يِنِّي يدْجَان نِيشَان، ؤُسِيغ-د اَذ ڒَاغِيغ إِ يِنِّي يعْصَّان!"

أيث-روما 1:17

أَربِّـي يسْبيّن-اَنغ-د ذِي لْإِنْجِيل مَامّش غَا نمْصْڒَاح اَكِذس، مَانَايَا س لإِيمَان وَاحْذس. مَامّش يقَّار لْكِتَاب: <ونِّي يدْجَان نِيشَان اَذ يعِيش س لإِيمَان.>

أيث-روما 10:10

لِأَنَّا س وُوْڒ نّش شك تَامْنذ، أَش يسمْصْڒَاح أَربِّـي اَكِذس. أُو س وقمُّوْم نّش شك ثْشهّْذذ، شك ثْنجْمذ.

أيث-روما 16:7

سِيوْضم-اَسن سْڒَام إ أَنْدْرُوْنِي ذ يُوْنْيَاس ڒحْبَاب ينُو، يِنِّي تُوْغَا اَكِذِي ذِي ڒحْبس. نِثْنِي مَعْرُوْفِين جَار اَرُّسُل، ؤُمْنن زِي لْمَسِيح قْبڒ مَا ٱذ اَمْنغ نش.

أيث-روما 5:21

أُو مَامّش ثحْكم ڒْمُعْصِيّث ثُوْوِي-د ڒْموْث، أَمنِّي إِي خَانغ يحْكم اَرْضَا وَامِي ذَانغ يسمْصْڒَاح أَربِّـي اَكِذس يُوْوِي-د ثُوْذَارْث ن ڒبْدَا خ وفُوْس ن سِيذِيثْنغ عِيْسَى لْمَسِيح.

أيث-روما 8:1

إِذن فَا ڒخُّو، وَار يدْجِي بُو لْحِسَاب ذ لْعِقَاب خ يِنِّي يدْجَان ذ يجَّن اَك عِيْسَى لْمَسِيح.

أيث-روما 8:3

شُوْف، أَربِّـي يݣَّا مِين وَار ثْزمَّر اَذ تݣّ شَّرِيعَا ن مُوْسَى، مَايمِّي؟ عْلَاحْسَاب ضُّعف ن دَّات نّغ إِي ذَاس يكّْسن جّْهذ إِ شَّرِيعَا. أَربِّـي، وَامِي إِي د يسّكّ مِّيس يمثّل-يث-يذ اَم دَّات ن بْنَاذم يعْصَان، ئِسّكّ-يث-يذ ذ لْفِدْيَا خ ڒْمُعْصِيّث نّغ. أَمُّو يحَاسب يعَاقب ڒْمُعْصِيّث إِݣ يدْجَان ذِي دَّات ن بْنَاذم

1 أيث-كورينث 1:30

أُو نتَّا ذ سَّبَاب إِي زِي ثدْجَام كنِّيو ذِي عِيْسَى لْمَسِيح. ئِݣِّي-ث أَربِّـي نتَّا ذ ڒفْهَامث نّغ، يعْنِي نتَّا ذَايس صُّلْح نّغ ذ وصفِّي نّغ ذ وفكِّي نّغ.

22 أيث-كورينث 5:17

س مَانَايَا، ونِّي يدْجَان ذِي لْمَسِيح اَقَا يتْوَاخْڒق-د ذ جْذِيذ؛ مِين يدْجَان ذ اَقْذِيم يعْذُو يُوْسَا-د مِين يدْجَان ذ جْذِيذ.

22 أيث-كورينث 5:21

تُوْغَا وَانِيتَا وَار غَارس بُو ڒْمُعْصِيّث يَارِّي-ث أَربِّـي ذ ڒْعِيذ نّغ حمَا اَذَانغ يَارّ نِيشَان اَك أَربِّـي.

أيث-ݣلاطيا 2:16

إِنَّمَا، نسّن بلِّي بْنَاذم وَار يتْوَاسمْصْڒَاح شَا اَك أَربِّـي يعْنِي مڒَا يطَاع إِ شَّرِيعَا ن مُوْسَى؛ لَّا، مَانَايَا إِلَّا س لْإِيمَان زِي عِيْسَى لْمَسِيح. خ مَانَايَا ؤُڒَا ذ نشِّين نُوْمن زِي عِيْسَى لْمَسِيح بَاش أَ نمْصْڒَاح اَك أَربِّـي س لْإِيمَان نِّي إِي زِي نُوْمن، مَاشِي س طَّاعَا ن شَّرِيعَا ن مُوْسَى. لِأَنَّا ؤُڒَا ذ يجّن ن بْنَاذم وَار يتْوَاسمْصْڒَاح شَا اَك أَربِّـي س طَّاعَا ن شَّرِيعَا نِّي.

أيث-فيليـپـي 3:6

عْلَاحْسَاب زْعَامث ينُو نش تُوْغَا تْعدَّابغ جْمَاعث ن ڒْمُوْمِنِين ن لْمَسِيح. عْلَاحْسَاب لْقَوَانِين إِي يدْجَان ذِي شَّرِيعَا تُوْغَايِي س بْڒَا ڒْعِيب.

2 تيموتاوس 1:9

ئِسنْجم-اَنغ يڒَاغَا-يَانغ-د س يِجّن ن ؤُڒَاغِي مُقدّس. وَار ذَانغ د يڒَاغِي شَا عْلَاحْسَاب لْحَسَانَاث نّغ؛ لَّا، ئِڒَاغَا-يَانغ-د عْلَاحْسَاب لْغَرَض نّس نتَّا ذ اَرْضَا نّس إِي ذَانغ د يُوْشَا ذِي عِيْسَى لْمَسِيح قْبڒ مَا ٱذ تبْذَا ڒْوقْث ن دُّنشْت-أَ قَاع.

ثبرات غار تيتوس 3:5

ڒخْدّنِّي يسنْجم-اَنغ مَاشِي عْلَاحْسَاب لْحَسَانَاث نِّي إِي نݣَّا؛ لَّا، تُوْغَا عْلَاحْسَاب اَرَّاحْمث نّس نتَّا. ئِسِّيْرذ-اَنغ س وَامَان ن ؤُخْڒَاق ذ جْذِيذ، يَارَّا-ٱنغ ذ جْذِيذ س وفُوْس ن أَرُّوْح يقدّْسن.

يعيبرانيين 6:18

ثْنَاين ن ثْمسْڒَايِين-أَ وَار تْوَابدِّيڒنْت شَا، أَربِّـي وَار يزمَّر اَخَاسنْت يسْخَرّق. زِي ثْنَاين ن ثْمسْڒَايِين-أَ اَزَّايْسنْت إِي غَا نتْوَاشجّع نشِّين إِي نَرْوڒ بَاش اَغَارس نْنُوْفَّر. زَّايْسنْت إِي غَا نطّف س جّْهذ ذِي لْأَمَال إِي ذَانغ يتْوَابشَّرن.

ثبرات غار يعقوب 3:2

مَارَّا إِذْنغ نْتݣّ اَطَّاس ن لْغَالَط. مڒَا شَان يِجّن وَار يخطِّي شَا ذݣ وَاوَاڒ نّس قَاع، أَتَاف وَانِيتَا ذ يجّن ن بْنَاذم نِيشَان يكْمَاڒ. ئِزمَّر اَذ يحْكم خ دَّات نّس مَارَّا.

2 بطرس 1:1

نش ذ سِمْعَان بُطْرُس ذ يجّن ن ڒْعَبْذ ن عِيْسَى لْمَسِيح ذ اَرَّسُوْل نّس. تْسكِّيغ-د ثَبْرَات-أَ إِ يِنِّي يقبْڒن نّفْس لْإِيمَان اَم ونِّي إِي نقْبڒ نشِّين س صُّلْح نِّي ن أَربِّـي ذ عِيْسَى لْمَسِيح ونِّي إِي ذَانغ يسنْجَامن.

1 يوحنا 3:4

مَارَّا ونِّي يقِّيمن يعصَّا نتَّا يتْرزَّا ڒُوْصِيَاث. وَاه، ڒْمُعْصِيّث نتَّاث ذ ثَرزِّيث ن ڒُوْصِيَاث.