أيث-فيليـپـي 3:20 - ثريفيث 2020

²⁰ نشِّين لَّا، لْجِنْسِيَا نّغ اَقَات ذݣ وجنَّا. سّنِّي إِي د غَا يَاس ونِّي إِي نتْرَاجَا إِي ذَانغ غَا يسْنجْمن يعْنِي سِيذِيثْنغ عِيْسَى لْمَسِيح.

أيث-فيليـپـي 3:20 交叉參考

أَسڒْمذ ن سِيذِيثْنغ عِيْسَى لْكِتَاب ن مَتَّى 19:21

ينَّا-ٱس عِيْسَى: "مڒَا ثخْسذ اَذ تݣّذ كُڒْشِي نِيشَان، رُوْح زنْز مَارَّا مِين غَارك ذ اَݣْڒَا صدّق-يث خ ڒْمُسَاكِين. سّنِّي اَغَارك يِيڒِي يجّن ن ڒْكنْز ذݣ وجنَّا، ڒخْدّنِّي أَرَاح-د شك ذْفَار-اَيِي-د."

لوقا 12:21

أَمنِّي إِي غَا يِيڒِي ونِّي يجمّْعن اَݣْڒَا إِ يِيخف نّس وَاهَا وَار يجمّع شَا إِ أَربِّـي."

لوقا 14:14

سَّعْذ نّش عْلَاحقَّاش وَار غَارْسن مِينْزِي ش غَا خدْجْسن. أَتَاف اَذَاش يتْوَاخْڒف ذِي نْهَار نِّي خْمِي د غَا كَّرن زِي ڒْموْث يِنِّي يدْجَان نِيشَان."

ڒخذايم 1:11

نَّان-اَسن: "آي يرْيَازن ن ثْمُوْرْث ن لْجَلِيل، مَايمِّي عَاذ ثْبدّم ذَانِيتَا تْخزَّرم ذݣ وجنَّا؟ قَا عِيْسَى-يَا وَانِيتَا إِي ذَاوم يتْوَارْفْعن غَار وجنَّا، مَامّش ث ثࢲْرِيم يݣَعّذ غَار وجنَّا اَمنِّي إِي د غَا يذْوڒ."

1 أيث-كورينث 1:7

س مَانَايَا وَار ذَاوم ثْنقِّيص ؤُڒَا ذ يجّن ن لْقُدْرَا رُوْحِيَا خْمِي تْرَاجَام اَذ د يمظْهَار سِيذِيثْنغ عِيْسَى لْمَسِيح.

1 أيث-كورينث 15:48

مَامّش إِي يدْجَا بْنَاذم نِّي يتْوَاصنّْعن زݣ وشَاڒ، أَمنِّي عَاوذ إِي دْجَان يِوْذَان يتْوَاصنَّاعن زݣ وشَاڒ. وَا مَامّش إِي يدْجَا بْنَاذم نِّي ن وجنَّا، أَمنِّي عَاوذ إِي دْجَان يِوْذَان ن وجنَّا.

22 أيث-كورينث 4:18

وَار نسْرُوْسِي شَا ثِيطَّاوِين نّغ ذِي مِن نتْوَاڒَا، نْسْرُوْسَا-ثنْت ذِي مِن وَار نتْوِيڒِي شَا. لِأَنَّا مِن نتْوَاڒَا ذغْيَا يتْرَاح، مِن وَار نتْوِيڒِي شَا ذ ونِّي إِݣ يتْدُوْمَان إِ ڒبْدَا.

22 أيث-كورينث 5:8

وَار نْتفْشِيڒ شَا، لَّا! مَعْلِيش نشِّين مڒَا نْتَاݣّْوَاج زِي دَّات-أَ ن دُّنشْت-أَ اَتَاف نشِّين نتْعِيش اَك سِيذِيثْنغ.

أيث-ݣلاطيا 4:26

وَلَكِن ثَنْدِينْت ن لْقُدْس إِي يدْجَان ذݣ وجنَّا اَقَات حُرّ، نتَّاث ذ يمَّاثْنغ.

أيث-ؤفسوس 2:19

إِذن، ڒخُّو كنِّيو وَار ثقِّيمم شَا ذ يبَرَّانِيْين نِغ ذ يمزْذَاغ. لَّا، ڒخُّو كنِّيو ذ يمْعَاشَرن اَك صَّالِحِين يعْنِي يُوْشَا-ٱوم أَربِّـي لْجِنْسِيَا اَكِذْسن ثْذوْڒم ذ ڒحْبَاب ن ثدَّارْث ن أَربِّـي.

أيث-ؤفسوس 2:6

ثُمَّا يسكَّر-اَنغ-د اَك لْمَسِيح يسْغِيم-اَنغ ذݣ يمُوْشَان ن وجنَّا س عِيْسَى لْمَسِيح.

أيث-فيليـپـي 1:10

حمَا اَذ تِيخْضَرم مِين يدْجَان ذ اَصبْحَان حمَا اَذ تِيڒِيم ثصْفَام بْڒَا ڒْعِيب غَار نْهَار ن لْمَسِيح.

أيث-فيليـپـي 1:27

لْمُهِيم، سُوْيُورث يخف نْوم ذݣ يِجّن ن وبْرِيذ يتِيشّن لْقِيمَا إِ لْإِنْجِيل ن لْمَسِيح. ثُمَّا وَاخَّا نش ؤُسِيغ-د اَكنِّيو ࢲرغ نِغ غَابغ خَاوم اَتَاف اَخَاوم سْڒغ ڒخْبَار بلِّي ثُوْݣُّوْرم نِيشَان خ يِجّن ن اَرَّاي، ثْخدّْمم فُوْس ذݣ وفُوْس خ سَّبَاب ن لْإِيمَان إِي يدْجَان ذِي لْإِنْجِيل،

أيث-كولوس 1:5

لْإِيمَان-أَ ذ ڒمْحِبّث-أَ تَاسن-د زِي لْأَمَال نِّي يتْوَاخمّْڒن إِ كنِّيو ذݣ وجنَّا. تُوْغَا ثسْڒِيم خَاس ذݣ وَاوَاڒ ن ڒْحَقّ يعْنِي ذِي لْإِنْجِيل إِي غَارْوم د يُوْضن. ذِي مَارَّا دُّنشْت-أَ لْإِنْجِيل-أَ يتَارو يتمْغَار، مَامش عَاوذ يخدّم جَارَاوم زݣ وَامِي إِي ذَاس ثسْڒِيم ثْفهّْمم ذ صَّح اَرْضَا ن أَربِّـي.

1 أيث-سلونيك 1:10

حمَا اَذ تْرَاجَام مِّيس إِي د غَا يَاسن زݣ وجنَّا ونِّي إِي د يسكَّر أَربِّـي زݣ يمتِّينن يعْنِي عِيْسَى إِي ذَانغ يسنْجَامن زݣ وغْضَاب نِّي إِي د غَا يَاسن.

1 أيث-سلونيك 4:16

لِأَنَّا سِيذِيثْنغ اَقَا اَذ د يهْوَا س يِيخف نّس زݣ وجنَّا س يِجّن ن ثْغُوْيّث ثمْغَر ذ يِجّن ن ثْمِيجَّا ن لْمَلَاك نِّي اَمقّْرَان ذ زَّامَّار نِّي يتْصُوْضن ن أَربِّـي، ڒخْدّنِّي يمتِّينن تُوْغَا يُوْمْنن زِي لْمَسِيح اَذ د كَّرن ذ يمزْوُوْرَا.

2 تيموتاوس 4:8

سَّا ٱڒ ثْسَاونْت يتْرَاجَا-اَيِي يجّن ن تَّاج ن صُّلْح اَݣ أَربِّـي ونِّي إِي ذَايِي غَا يُوْش سِيذِيثْنغ إِي يدْجَان ذ لْقَاضِي نِيشَان؛ أَذَايِي-ث يُوْش ذِي نْهَار نِّي ن لْحِسَاب. مَاشِي اَذَايِي-ث يُوْش إِ نش وَاهَا؛ لَّا، أَث يُوْش إِ مَارَّا يِنِّي يتخْسن نْهَار نِّي إِي ذِي د غَا يمظْهَار.

ثبرات غار تيتوس 2:13

أُو نشِّين غِير نتْرَاجَا لْأَمَال نِّي يتْوَابَرْكن يعْنِي نْهَار نِّي إِي ذَايس د غَا ثْمظْهَار لْعَظَامَا ن أَربِّـي اَمقّْرَان ذ وْمْسنْجم نّغ عِيْسَى لْمَسِيح.

يعيبرانيين 12:22

وَلَكِن كنِّيو ثْقَارّْبم-د غَار وذْرَار ن صِيَان يعْنِي ثَنْدِينْت ن أَربِّـي يدَّرن ذ لْقُدْس ن وجنَّا، ذَايس اَڒَاف ن ؤُرُوْفَاث ن لْمَلَائِكَاث.

يعيبرانيين 9:28

أَمُّو لْمَسِيح، يتْوَاقدّم ذ دْبِيحث يجّن ن ثْوَاڒَا بَاش اَذ يَارْبُو ڒْمُعْصِيَاث ن وَاطَّاس ن يِوْذَان. ثُمَّا اَذ د يهْوَا وِيس مَرّْثَاين. مَايمِّي؟ مَاشِي عْلَاحْسَاب ڒْمُعْصِيّث ن يِوْذَان عَاوذ؛ لَّا، أَذ د يهْوَا بَاش اَذ يسنْجم يِنِّي إِي ث يتْرَاجَان.

لواحي ن يوحنا 1:7

أَقَا يُوْسَا-د اَك وسيْنُو، أَث ࢲرنْت مَارَّا ثِيطَّاوِين ذ يِوْذَان نِّي إِي ث يشُوْكّن. أَخَاس حزْنن مَارَّا ڒْقُوْم ن ثْمُوْرْث. وَاه، آمين.