أيث-فيليـپـي 3:18 - ثريفيث 2020

¹⁸ لِأَنَّا ذِنِّي اَطَّاس ن يِنِّي يݣُّوْرن ذ ڒْعَذْيَان خ صَّلِيب ن لْمَسِيح. أَوَاڒ-أَ نِّيغ-اَوم-ث زِي قْبڒ، ڒخُّو تْعَوَاذغ-اَوم-ث س يمطَّاون ينُو.

أيث-فيليـپـي 3:18 交叉參考

لوقا 19:41

وَامِي عْڒَاين اَذ يَاوض غَار ثنْدِينْت ن لْقُدْس، ئِࢲْرِي-ت يبْذَا يتْرُو خَاس.

ڒخذايم 20:19

خدّْمغ إِ سِيذِي أَربِّـي بْڒَا تَّكبُّر، س يمطَّاون ينُو كِّينْت خَافِي ڒمْحَاين وَامِي خَايِي شِيْطّْنن يسْرَائِيلِيْين.

أيث-روما 9:2

يعْنِي، ئِسْحرّق-اَيِي يجّن ن ڒحْرِيق اَطَّاس ذݣ وُوْڒ ينُو وَار يتْكمِّيڒ شَا خ سَّبَاب ن ڒْقُوْم ينُو، يعْنِي يِنِّي يدْجَان زِي لْأُمَّا ينُو. مَعْلِيك زمَّرغ نش، أَذ تْوَانعْڒغ اَذ تْوَاحَرّْمغ زِي لْمَسِيح بَاش نِثْنِي وَار تْوَانعِّيڒن شَا وَار تْوَاحَرِّيمن شَا زِي لْمَسِيح.

1 أيث-كورينث 1:18

شُوْف، أَوَاڒ ن صَّلِيب نتَّا ذ ثُوْبُّوْهْڒِيَا وَاهَا غَار يِنِّي وَار ينجّْمن شَا، وَلَكِن غَار نشِّين ينجّْمن اَوَاڒ-أَ نتَّا ذ جّْهذ ن أَربِّـي.

1 أيث-كورينث 6:9

مَا وَار ثسِّينم شَا بلِّي يِنِّي وَار يُوْمِينن شَا وَار زْمَّرن اَذ وَارْثن ڒْمُلْك ن أَربِّـي؟ وَار خدّْعم شَا يخف نْوم. يِنِّي يتݣّن لْفَسَاد، ذ يِنِّي يعبّْذن لْأَصْنَام، ذ يِنِّي يزنَّان، ذ يحَنْجِيرن يفسّْذن اَك يرْيَازن، ذ يرْيَازن يفسّْذن اَك يرْيَازن،

22 أيث-كورينث 11:13

شُوْف، يرْيَازن اَم يِيْنَا تَارَّان يخف نْسن ذ اَرُّسُل خدّْمن ذ يغدَّارن، سْنعْمِيڒن ذ اَرُّسُل ن لْمَسِيح.

22 أيث-كورينث 11:29

مڒَا شَان يِجّن يضْعف، نش مَا وَار تضْعِيفغ شَا؟ مڒَا شَان يِجّن يتْوَاسُوْفغ زݣ وبْرِيذ، نش مَا وَار ذَايِي يتقّس شَا وُوْڒ ينُو؟

22 أيث-كورينث 2:4

لِأَنَّا ؤُرِيغ-اَوم-ت-يد س يِجّن ن ؤُزِيَّار ذ يِجّن ن وخِيّق زݣ وُوْڒ ينُو ذ وَاطَّاس ن يمطَّاون. وَار يدْجِي بُو نِّيغ-اَوم-ت حمَا اَكنِّيو سْخيّْقغ؛ لَّا، حمَا اَذ تسّْنم مشْحَاڒ ثمْغَار ڒمْحِبّث ينُو غَارْوم.

أيث-ݣلاطيا 1:7

وَلَكِن وَار ذِنِّي بُو شَان ن لإِنْجِيل نّغْنِي. غِير ذِنِّي شَان يِوْذَان إِي كنِّيو يسْخرْوَاضن رزُّوْن اَذ سْعوّْجن لإِنْجِيل ن لْمَسِيح.

أيث-ݣلاطيا 2:14

وَامِي ثن ࢲْرِيغ وَار ݣُّوْرن شا نِيشَان عْلَاحْسَاب لْحَقِيقَا إِي يدْجَان ذِي لإِنْجِيل، نِّيغ-اَس إِ بُطْرُس زَّاثْسن مَارَّا: شك ذ اَئِسْرَائِيلِي وَلَكِن تْعِيشذ اَمشْنَاو ييُوْنَانِيْين، يعْنِي مَاشِي اَمشْنَاو اَئِسْرَائِلِي. مَامّش غَا ثݣّذ اَذ تْزيَّارذ خ ييُوْنَانِيْين بَاش اَذ عِيشن اَمشْنَاو يسْرَائِيلِيْين؟

أيث-ݣلاطيا 2:21

نش ؤُݣِيغ اَذ سْبطّْڒغ اَرْضَا ن أَربِّـي. شُوْف، مَعْلِيك بْنَاذم يمصْڒَاح اَك أَربِّـي س شَّرِيعَا ن مُوْسَى، أَتَاف يمُّوْث لْمَسِيح خ ڒْبَاطڒ وَاهَا.

أيث-ݣلاطيا 5:21

ذ ڒحْسذ ذ وَاطَّاس ن شْرب ذ لْمَدلَّا ن سّكْرَا ذ مِين يتْشَابَّاهن ذِي مَانَايَا. عدْجْمغ-اَوم-د ڒخُّو مَامش تُوْغَا ذَاوم عڒْمغ زِي قْبڒ: يِنِّي يتݣّن ڒخْذَايم-أَ وَار تْوَارِيثن شَا ڒْمُلْك ن أَربِّـي.

أيث-ݣلاطيا 6:12

يِنِّي يرزُّوْن اَذ فْتَخَرن زِي دَّات، يعْنِي مِين وَار يدْجِين شَا زِي أَرُّوْح يقدّْسن، نِثْنِي تْبسَّاڒن خَاوم بَاش اَذ تݣّم طَّهَارث ن مُوْسَى. مَايمِّي؟ غِير رزُّوْن نِثْنِي وَار تْعدِّيبن شَا خ سَّبَاب ن صَّلِيب ن لْمَسِيح.

أيث-ݣلاطيا 6:14

وَلَكِن نش عمَّارْص اَذ فْتَخَارغ إِلَّا زِي صَّلِيب ن سِيذِيثْنغ عِيْسَى لْمَسِيح. زِي صَّلِيب نّس إِي زِي ثتْوَاصلّب دُّنشْت إِ نش، أُو زَّايس عَاوذ نش إِي زِي تْوَاصلّْبغ إِ دُّنشْت.

أيث-ؤفسوس 4:17

أَقَا مِين ذَاوم قَّارغ ذ ؤُزِيَّار-أَ إِي خَاوم تْزيَّارغ ذِي سِيذِيثْنغ، يعْنِي أُو لَابُد وَار ثݣُّوْرم شَا مَامّش ݣُّوْرن ڒݣْنُوْس س ڒَعْقُوْڒ نْسن يخْوَان.

أيث-فيليـپـي 1:4

كُڒ ثْوَاڒَات تْࢲَادْجِيغ خَاوم ذِي ثْࢲَادْجِيث ينُو س يِجّن ن ڒفْرَاحث ذ ثَمقّْرَانْت

1 أيث-سلونيك 4:6

عْلَاحْسَاب مَانَايَا يتْخصَّا لَابُد ؤُڒَا ذ يجّن وَار يضدْجم ؤُمَاس وَار ث يتْغشِّي شَا لِأَنَّا ذ سِيذِيثْنغ إِݣ يتْخدْجَاسن خ مَارَّا ثِمسْڒَايِين-أَ مَامّش ذَاوم ث ننَّا قْبڒ نعْڒم-اَوم خَاس.

2 أيث-سلونيك 3:11

لِأَنَّا نتْسْڒَا بلِّي ذِنِّي ڒبْعَاض زَّايْوم تْبَاعن فَرْق-شّْغڒ. وَار خدّْمن شَا شّْغُوْڒَاث نْسن، نِثْنِي تَاذْفن ذِي شّْغُوْڒَاث ن مِيدّن وَاهَا.

2 بطرس 2:10

خَاصَّتَان يِنِّي يݣُّوْرن ذݣ وبْرِيذ ن شّهْوث إِݣ يسخْنِيزن بْنَاذم ذ يِنِّي يتْسحْقَارن سُّلْطَا. ئِثَرَّاسن-أَ ذَايْسن زْعَامث ن تَّكبُّر، وَار تݣّْوْذن شَا اَذ ينِين اَوَاڒن وَار يحْڒِين خ لْمخْلُوْقَاث ن وجنَّا.

ثبرات زي يهوذا 1:13

نِثْنِي ݣِّين اَم ڒمْوَاج ن ڒبْحَر شَّاثنْت س ڒفْضِيحث ن ؤُكُوْفُّو نْسنْت. نِثْنِي ݣِّين اَم شَان يثْرَان يفّْغن زݣ ؤُمْشَان نْسن ݣُّوْرن غَار يِجّن ن ثَادْجسْت ذ ثَبرْشَانْت إِݣ يتْوَاسْوجْذن إِ ڒبْدَا ن ڒبْدَاث.