أيث-فيليـپـي 3:12 - ثريفيث 2020

¹² وَار يدْجِي شَا صَافِي طّْفغ مَارَّا ثِمسْڒَايِين نِّي نِغ صَافِي وَار ذَايِي بُو شَا ن ڒْعِيب؛ لَّا، نش عَاذ تْحَاوَاڒغ اَذ طّْفغ ثِمسْڒَايِين نِّي إِي زِي ذَايِي يطّف عِيْسَى لْمَسِيح.

أيث-فيليـپـي 3:12 交叉參考

أَسڒْمذ ن سِيذِيثْنغ عِيْسَى لْكِتَاب ن مَتَّى 5:48

إِڒِيث نِيشَان قَاع، أَمشْنَاو مَامش يدْجَا بَابَاثْوم ذݣ وجنَّا.

ڒخذايم 9:15

ينَّا-ٱس سِيذِيثْنغ: "لَّا رُوْح، قَا اَرْيَاز-أَ ذ نش إِي ث يخْضَرن اَث سّكّغ حمَا اَذ يسِّيوض يسم ينُو إِ ينِّي وَار يدْجِين شَا زِي أَيث-إِسْرَائِيل، ذ يزدْجِيذن نْسن، ذ يسْرَائِيلِيْين.

1 أيث-كورينث 13:10

مِين يدْجَان قَاع يكْمَاڒ اَذ د يبَان ذَانِيتَا، سّنِّي مِين يدْجَان ذ اَنقْصِي اَذ يودَّر نتَّا.

1 أيث-كورينث 13:12

أَقَا ڒخُّو نْخزَّر ذݣ يِجّن ن ثِيسِيث وَار ثصْفِي شَا، مَاشَا منْبَعْد أَ نمْࢲر مْلِيح قَارَا ذِي قَارَا. ڒخُّو مِين سّْنغ ذ اَنقْصِي إِݣ يدْجَا، منْبَعْد اَذ سّْنغ نش ثِمسْڒَايِين مَارَّا، كِيف-كِيف مَامّش تْوَاسّْنغ نش ذَانِيتَا.

1 أيث-كورينث 9:24

مَا وَار ثسِّينم شَا ثَازْڒَا نِّي يتݣّن ذِي لْملْعَب؟ مَارَّا تَازّْڒن وَلَكِن يجّن وَاهَا إِي غَا يربْحن لْجَائِزَا. أَمنِّي ؤُڒَا ذ كنِّيو يتْخصَّا اَذ تَازْڒم بَاش اَت ثْربْحم.

22 أيث-كورينث 13:9

لِأَنَّا نْفَرّح مڒْمِي مَا نضْعف، كنِّيو تِيڒِيم ثْجهْذم. ذ مَانَايَا مِيخف نْرزُّو ذِي ثْࢲَادْجِيث نّغ اَذ تْصڒْحم نِيشَان.

22 أيث-كورينث 7:1

إِذن آي يمْعِيزّن ينُو، وَامِي ذَانغ يعَاهذ أَربِّـي خ ثْمسْڒَايِين-أَ لَابُد أَ نسِّيصْفَا يخف نّغ زِي مَارَّا مِين ذَانغ يسخْنِيزن ذِي دَّات ذ اَرُّوْح حمَا أَ نِيڒِي ذ صَّالِحِين بْڒَا اَخطِّي س ثِيݣّْوْذِي ن أَربِّـي.

أيث-ݣلاطيا 5:17

لِأَنَّا مِين ثْرزُّو طَّبِيعَا ثَعفَّانْت نّغ نتَّا ضد ن مِين يرزُّو أَرُّوْح يقدّْسن. أُو اَمنِّي مِين يرزُّو أَرُّوْح يقدّْسن نتَّا ضد ن مِين ثْرزُّو طَّبِيعَا ثَعفَّانْت نّغ. تْعَارَّاضن إِ وَايَاوْيَا سّنِّي وَار تݣّم شَا ثِمسْڒَايِين-أَ إِي ثخْسم اَذ تݣّم.

أيث-ؤفسوس 1:4

شُوْف، ئِخْضَر-اَنغ ذِي لْمَسِيح قْبڒ مَا د يخْڒق دُّنشْت-أَ بَاش أَ نِيڒِي نصْفَا بْڒَا ڒْعِيب زَّاثس.

أيث-ؤفسوس 4:12

نِثْنِي اَذ سْوجْذن إِ صَّالِحِين اَذ خذْمن شّْغڒ ن أَربِّـي بَاش جْمَاعث ن لْمَسِيح اَذ تجْهذ.

أيث-فيليـپـي 1:1

نش ذ بُوْلُس اَكِذِي تِيْمُوْتَاوُس نشِّين ذ يخدَّامن ن عِيْسَى لْمَسِيح. نْتَارِي ثَبْرَات-أَ إِ صَّالِحِين ن عِيْسَى لْمَسِيح إِي يدْجَان ذِي ثنْذِينْت ن فِيلِيـپِّـي ذ اَرُّوْيَاس نْسن ذ نُّيَاب نْسن.

أيث-فيليـپـي 3:16

وَلَكِن مِين نسّن عَاذ نِيشَان لَابُد اَذَايس نطّف مْلِيح.

أيث-فيليـپـي 3:3

شُوْف، ذ نشِّين إِݣ يدْجَان ذ طَّهَارث نِّي ن صَّح. يعْنِي نْعبّذ س أَرُّوْح ن أَربِّـي، غِير نْتفْتَخَر س عِيْسَى لْمَسِيح، وَار نتْرِيجِي شَا اَڒ لْحَسَانَات نّغ.

أيث-فيليـپـي 3:8

ذ صَّح حسّْبغ ثِمسْڒَايِين-أَ قَاع ذ ثَخْصَارْث خ سَّبَاب ن لْقِيمَا ثَمقّْرَانْت بَاش اَذ سّْنغ عِيْسَى لْمَسِيح نتَّا ذ سِيذِي. خ سَّبَاب نّس إِي خْصَرغ ثِمسْڒَايِين-أَ قَاعِين، حسْبغ-ثنْت ذ زّْبڒ بَاش اَذ ربْحغ عِيْسَى لْمَسِيح.

1 أيث-سلونيك 5:15

أَرّم-د ڒْبَاڒ نْوم، ئِتْخصَّا ؤُڒَا ذ يجّن وَار يتْخدْجِيس شَّرّْ س شَّرّْ نّغْنِي؛ لَّا، ڒبْدَا رزُّوْث مِين يدْجَان ذ اَصبْحَان جَارَاوم ذ جَار يِوْذَان مَارَّا.

2 أيث-سلونيك 2:13

فَا آي أَيثْمَا إِي خف يعِيزّ سِيذِيثْنغ، لَابُد أَ نْشكَّر أَربِّـي خَاوم مِينْزِي يخْضَر-يكنِّيو ذ يمزْوُوْرَا نِّي يعْنِي ذ يِنِّي إِي تْوَاسْنجْمن س ڒْخذْمث نِّي يسِّيصْفَان ن أَرُّوْح يقدّْسن ذ يِجّن تِّقث نْوم ذِي لْحَقِيقَا.

1 تيموتاوس 5:10

لَابُد اَذ تِيڒِي مَعْرُوْفَا س لْحَسَانَاث نّس يعْنِي مڒَا ثربَّا ثَارْوَا نّس، تْرحَّاب س ينوْجِيون، ثْسِيڒِيذ يضَارن ن صَّالِحِين، تْعَاوَان يِنِّي يتْزيَّارن، ثْذفَّار مَارَّا ثِمسْڒَايِين ثِصبْحَانِين.

1 تيموتاوس 6:19

أَمنِّي إِي غَا خمْڒن اَݣْڒَا إِ يِيخف نْسن اَم يِجّن ن دْسَاس يجهْذن إِ ثُوْذَارْث إِي د غَا يَاسن بَاش اَذ طّْفن مْلِيح ذِي ثُوْذَارْث نِّي إِي يدْجَان ذ ثُوْذَارْث ن صَّح.

يعيبرانيين 12:14

ݣّث لْمجْهُوْد بَاش اَذ تْعِيشم ذِي ڒهْنَا اَك مَارَّا يوْذَان أُو بَاش اَذ تِيڒِيم ثصْفَام. بْڒَا أَ نِيڒِي نصْفَا وَار ذِنِّي حَدّ إِي غَا يࢲرن مَاوْلَانَا.

يعيبرانيين 12:23

ثْقَارّْبم-د غَار يِنِّي يتْمُوْنن ذِي ڒفْرَاحث يعْنِي غَار جْمَاعث ن يِنِّي يخْضَر أَربِّـي إِي د يخڒْقن ذ يمزْوُوْرَا يسمَاون نْسن تْوَازمّن ذݣ وجنَّا. ثْقَارّْبم-د غَار أَربِّـي ونِّي يدْجَان ذ ڒْقَاضِي خ مَارَّا يوْذَان. ثْقَارّْبم-د غَار اَرُّوْحَاث ن صَّالِحِين يَارِّي-ثن أَربِّـي بْڒَا ڒْعِيب.

يعيبرانيين 13:21

أَذَاوم يذبَّر أَربِّـي مَارَّا ثِمسْڒَايِين ثِصبْحَانِين بَاش اَذ تݣّم ڒْخَاضَر نّس. أَذَايْنغ يخْذم مِين ذَاس يتعْجِيبن زَّاثس، س سِيذِيثْنغ عِيْسَى لْمَسِيح إِي غَار غَا ثِيڒِي لْعَظَمَا إِ ڒبْدَا ن ڒبْدَاث. آمِين.

ثبرات غار يعقوب 3:2

مَارَّا إِذْنغ نْتݣّ اَطَّاس ن لْغَالَط. مڒَا شَان يِجّن وَار يخطِّي شَا ذݣ وَاوَاڒ نّس قَاع، أَتَاف وَانِيتَا ذ يجّن ن بْنَاذم نِيشَان يكْمَاڒ. ئِزمَّر اَذ يحْكم خ دَّات نّس مَارَّا.

1 بطرس 5:10

أَتَاف اَذ تْوَاعدّْبم شْوَايْت ن ڒْوقْث ڒخْدّنِّي اَكنِّيو يسْريّح أَربِّـي نّغ إِي ذِي يدْجَا مَارَّا اَرْضَا ذ نتَّا إِي ذَاوم د يڒَاغَان غَار لْعَظَمَا نّس وَار يفنِّين شَا ذِي لْمَسِيح. أَكنِّيو يسْبدّ، أَكنِّيو يسجْهذ، أَكنِّيو يݣّ خ دْسَاس.

2 بطرس 3:18

لَّا، أَذ تْمَارْنِيم ذِي اَرْضَا ذ ڒفْهَامث ن سِيذِيثْنغ عِيْسَى لْمَسِيح إِي ذَانغ يسنْجَامن. أَغَارس ثِيڒِي لْعَظَمَا زِي ڒخُو حتَّا اَڒ نْهَار نِّي وَار يفنِّين شَا عمَّارْص. آمِين.