أيث-فيليـپـي 3:10 - ثريفيث 2020

¹⁰ رزُّوْغ اَذ سّْنغ لْمَسِيح ذ جّْهذ نّس وَامِي د يكَّر زِي ڒْموْث. أَذ سّْنغ عَاوذ ثَمْعَشَارْث نِّي خْمِي غَا نْشَرش اَكِذس س وعدّب نِّي إِي خَاس يكِّين نتَّا، أَ نذْوڒ اَمشْنَاو نتَّا س ڒْموْث نّس.

أيث-فيليـپـي 3:10 交叉參考

أَسڒْمذ ن سِيذِيثْنغ عِيْسَى لْكِتَاب ن مَتَّى 20:23

ينَّا-ٱسن: "وَاه، أَتَاف اَذ تسْوم زِي ڒْكَاس ينُو. وَلَكِن اَغِيمِي خ وفُوْسِي ينُو ذ وࢲڒْمَاض ينُو وَار يدْجِي بُو ذ نش إِي ث غَا يُوْشن، أَذ يمُّوْش إِ يِنِّي ؤُمِي ثن يسوْجذ بَابَا."

يوحنا 10:18

ؤُڒَا ذ يجّن وَار زَّايِي ت يتكّس شَا؛ لَّا، نش تْصدَّاقغ ثُوذَارْث ينُو س ڒْخَاضَر ينُو. غَاري جّْهذ حمَا اَت صدّْقغ. غَاري جّْهذ حمَا اَتِيد اَرّغ عَاوذ. أَمُّو إِي ذَايِي يوصَّا بَابَا."

يوحنا 17:3

ثُوْذَارْث ن ڒبدَا ذ ثَا يعْنِي اَش سّْنن بلِّي شك ذ أَربِّـي نِيشَان وَاحْذش، أَذ سّْنن عَاوذ عِيْسَى لْمَسِيح يعْنِي ونِّي إِي ثسّكّذ.

أيث-روما 8:17

أُو نشِّين مڒَا اَقَانغ ذ ثَارْوَا ن أَربِّـي، أَتَاف أَ نْوَارث. يعْنِي أَ نْوَارث زِي أَربِّـي، أَ نْوَارث اَك لْمَسِيح. وَلَكِن يخصَّا-يَانغ أَ نْشَرش اَكِذس ذݣ وعدّب نّس حمَا أَ نْشَرش اَكِذس عَاوذ ذِي لْعَظَمَا نّس.

أيث-روما 8:29

لِأَنَّا يِنِّي إِي تُوْغَا يسّن-يثن زِي قْبڒ، ئِزمّم-يثن زِي قْبڒ حمَا اَذ يڒِين خ صِّيفث ن مِّيس اَذ يڒِين اَم نتَّا. أَمُّو اَذ يِيڒِي نتَّا ذ مِّيس اَمنْزُو ن وَاطَّاس ن أَيثْمَاس.

أيث-روما 8:36

مَامّش يقَّار لْكِتَاب: <نشِّين خ سَّبَاب نّش شك نتْوَاجَاه ڒْموْث نْهَار يكْمَاڒ. نشِّين نتْوَاحْسَاب اَمشْنَاو يحُوْڒِيْين ؤُمِي غَا غَرْصن.>

22 أيث-كورينث 1:10

ئِسنْجم-اَنغ-د زݣ يِجّن ن ڒْموْث ذ ثَعفَّانْت أُو نتَّا عَاذ اَقَا يسنْجَام-اَنغ. نْتݣّ ذَايس لْأَمَال نّغ بلِّي عَاذ اَذَانغ يسنْجم وَامِي كنِّيو ذَانغ تْعَاوَانم س ثْࢲَادْجِيث نْوم. ثُمَّا اَطَّاس ن يِوْذَان اَذ سْݣَعّْذن صُّوْت نْسن غَار أَربِّـي اَث شكَّرن خ لْبَرَكَا نِّي إِي ذَانغ غَا يُوْش خْمِي إِي غَا ثسْتَاجب اَطَّاس ن ثْࢲَادْجِيث نْسن خَانغ.

22 أيث-كورينث 1:5

لِأَنَّا مَامّش اَعدّب ن لْمَسِيح يتنْفيَّاض-د يتَاذَاف ذِي ثُوْذَارْث نّغ اَمنِّي عَاوذ س لْمَسِيح يتنْفيَّاض-د ومْعَاوَان نّغ.

22 أيث-كورينث 13:4

وَاه، نتَّا يتْوَاصلّب خ صَّلِيب س ضُّوْعف، وَا إِنَّمَا يتدَّر س جّْهذ ن أَربِّـي. أَمنِّي ؤُڒَا ذ نشِّين. نضْعف اَم ضُّوْعف نّس نتَّا، وَا إِنَّمَا جَارَاوم نْتدَّر اَكِذس نتَّا س جّْهذ ن أَربِّـي.

أيث-ݣلاطيا 2:20

تْوَاصلّْبغ اَك لْمَسِيح. سَّا اَڒ ثْسَاونْت مَاشِي ذ نش إِ غَا يدَّرن؛ لَّا، ذ لْمَسِيح إِي غَا يدَّرن ذَايِي. ثُوْذَارْث-أَ إِي دَّرغ ڒخُّو ذِي دَّات ينُو، أَقَا دَّرغ-ت س لْإِيمَان ينُو زِي مِّيس ن أَربِّـي إِي ذَايِي يحِبّن يصدّق خَافِي يخف نّس.

أيث-ݣلاطيا 6:17

سَّا اَڒ ثْسَاونْت يتْخصَّا وَار ذَايِي يتݣّ حَدّ تَمَارَا ڒَاحقَّاش دَّات ينُو ذَايس لْأَثَار ن عِيْسَى.

أيث-ؤفسوس 4:13

أَڒ غَا نِيڒِي مَارَّا ذ يجّن ذِي لْإِيمَان أُو ذِي ثُوْسْنَا خ مِّيس ن أَربِّـي. أَڒ غَا نِيڒِي مَارَّا عَاوذ نمْغر يعْنِي ذ يرْيَازن اَم ڒَعْبَر نِّي يكْمَاڒ ن ڒْقدّْ ن لْمَسِيح.

أيث-فيليـپـي 3:8

ذ صَّح حسّْبغ ثِمسْڒَايِين-أَ قَاع ذ ثَخْصَارْث خ سَّبَاب ن لْقِيمَا ثَمقّْرَانْت بَاش اَذ سّْنغ عِيْسَى لْمَسِيح نتَّا ذ سِيذِي. خ سَّبَاب نّس إِي خْصَرغ ثِمسْڒَايِين-أَ قَاعِين، حسْبغ-ثنْت ذ زّْبڒ بَاش اَذ ربْحغ عِيْسَى لْمَسِيح.

أيث-كولوس 1:24

ڒخُّو نش فَرّْحغ خ مِينْخف تْعدَّابغ عْلَاحْسَاب كنِّيو. لِأَنَّا ذِي دَّات-أَ ينُو كسِّيغ ڒْحَقّ ينُو زِي مِين عَاذ ينقّْصن زݣ وعدّب نِّي ن لْمَسِيح عْلَاحْسَاب دَّات نّس يعْنِي جْمَاعث ن ڒْمُوْمِنِين.

أيث-كولوس 2:13

فَا كنِّيو تُوْغَا ثمُّوْثم س وُوْڒَاون نْوم عْلَاحْسَاب ڒْمُعْصِيَاث ذ طَّبِيعَا نْوم وَار يطهَّارن شَا، وَلَكِن أَربِّـي يسدَّر-د كنِّيو اَك لْمَسِيح وَامِي ذَانغ يغْفَر قَاع ڒْمُعْصِيَاث نّغ.

أيث-كولوس 3:1

إِذن فَا وَامِي تْوَاسْنكَّارم كنِّيو اَك لْمَسِيح أُو لَابُد اَذ ترْزُوْم س وُوْڒَاون نْوم ثِمسْڒَايِين نِّي يدْجَان ذݣ وجنَّا مَانِي يقِّيم لْمَسِيح غَار وفُوْسِي ن أَربِّـي.

1 بطرس 1:3

أَذ يتْوَابَرك أَربِّـي، بَابَاس ن سِيذِيثْنغ عِيْسَى لْمَسِيح إِي ذَانغ يُوْشِين س اَرَّاحْمث نّس ثَمقّْرَانْت اَد نخْڒق ذ جْذِيذ غَار يِجّن ن لْأَمَال يدَّرن وَامِي د يسكَّر عِيْسَى لْمَسِيح زݣ يمتِّينن.

2 بطرس 1:13

نش مڒَا عَاذ قِّيمغ دَّرغ ذِي دَّات ينُو، تْحسَّابغ-ث ذ لْوَاجِب اَكنِّيو سْفكَّرغ خ مَانَايَا.

1 يوحنا 2:3

مَامّش غَا نݣّ نشِّين أَ نفْهم بلِّي نسّن-يث؟ قَا ث نسّن مڒَا نتْطَاعَا-ٱسنْت إِ ڒُوْصِيَاث نّس.

1 يوحنا 2:5

وَلَكِن ونِّي إِݣ يتْطَاعَان إِ وَاوَاڒ نّس، أَقَا وَانِيتَا ذ صَّح ثجِّيون زَّايس ڒمْحِبّث ن أَربِّـي. مَامّش غَا نݣّ نشِّين أَ نسّن إِلَّا نْزدّغ ذَايس؟

لواحي ن يوحنا 1:18

نش ذ ونِّي يدَّرن. تُوْغَا مُّوْثغ، ڒخُّو نش دَّرغ إِ ڒبْدَا ن ڒبْدَاث. غَارِي ڒمْفَاتَاح ن ڒْموْث ذ لْأَخِرَا.