4 ئِتْخصَّا كُڒ يجّن زَّايْوم وَار يخزَّر شَا مِين ث يتْهِيمَان وَاهَا. ئِتْخصَّا-ث عَاوذ اَذ يخْزَر مِين يتْهِيمَان إِ يِنّغْنِي.
ونِّي إِي غَا يَاوِين يجّن زݣ يمزْيَانن-أَ إِي زَّايي يتَامْنن غَار ڒْمُعْصِيّث، حْسن إِ نتَّا اَذَاس شدّن يجّن ن وزْرُو ن ثْسِيرْث س وسْغُوْن غَار يِيري نّس اَذ يتْوَاغْرق ذِي ڒَادْجغ ن ڒبْحَر.
فَرْحث اَك يِنِّي يفَرّْحن، تْرُوْث اَك يِنِّي يتْرُوْن.
فَا نشِّين إِݣ يجهْذن يتْخصَّا-يَانغ أَ نَارْبُو ضُّعف ن يِنِّي وَار يجْهِيذن شَا، مَاشِي أَ نݣّ مِين ذَانغ يتعْجِيبن إِ يِيخف نّغ أُو صَافِي.
وَار رزُّوْث شَا ڒْخِير إِ يِيخف نْوم، رْزُوْم-ث إِ وَاجَّار نْوم.
مڒَا شَان يِجّن يضْعف، نش مَا وَار تضْعِيفغ شَا؟ مڒَا شَان يِجّن يتْوَاسُوْفغ زݣ وبْرِيذ، نش مَا وَار ذَايِي يتقّس شَا وُوْڒ ينُو؟
وَار نسْرُوْسِي وَالُو ذݣ وبْرِيذ إِ حَدّ بَاش اَث نغْضڒ حمَا وَار تِيفن بُو ڒْعِيب ذِي ڒْخذْمث نّغ.
مَارَّا رزُّوْن مِين ذَاسن يتْهِيمَان إِ يِيخف نْسن وَاهَا، مَاشِي مِين يتْهِيمَان إِ عِيسَى لْمَسِيح.
ڒُوْصِيّث ن وزدْجِيذ يزدْجِيذن إِي د يُوْسِين ذِي لْكِتَاب ثقَّار: "أَذ تخْسذ اَجَّار نّش اَمشْنَاو يخف نّش." كنِّيو اَذ تݣّم مْلِيح مڒَا ثْخدّْمم زَّايس.
