18 أَمنِّي عَاوذ ؤُڒَا ذ كنِّيو يتْخصَّا اَكِذِي ثْفَرْحم س يِجّن ن ڒفْرَاحث.
فَلِيهَذَا نِّيغ-اَوم وَار تفْشِيڒث شَا عْلَاحْسَاب اَعدّب ينُو خَاوم ڒَاحقَّاش مَانَايَا اَكنِّيو ينْفع.
نش فَرّْحغ اَكِذْوم س يِجّن ن ڒفْرَاحث مَعْلِيش مڒَا فرّْغن-اَيِي-د وَاهَا اَم يِجّن ن صّذْقث ن يذَامّن خ دْبِيحث نْوم إِي تْقدَّامم كنِّيو س لْإِيمَان نْوم.
تْمنِّيغ س عِيسَى لْمَسِيح اَذَاوم د سّكّغ تِيْمُوْتَاوُس ذغْيَا بَاش خْمِي ذَايِي د غَا يَارّ ڒخْبَار خَاوم اَذَايِي يسْفَرح.
ڒخُّو آي أَيثْمَا اَذ كمّْڒغ، فَرْحث س سِيذِيثْنغ! وَار غَارِي بُو لْمُشْكِل اَذَاوم عَوْذغ ثِمسْڒَايِين-أَ س ثِيرَا، كنِّيو عَاوذ اَزَّايْسنْت تْوَاحْضَام زِي لْخَطَر.
فَرّْحث ڒبْدَا س سِيذِيثْنغ! أَذَاوم ينِيغ اَوَاڒ-أَ عَاوذ، فَرّْحث!
