16 يِيْنَا تْبشَّارن س ڒمْحِبّث نْسن وَامِي سّْنن تْوَاخْضَرغ بَاش اَذ دَافْعغ خ لْإِنْجِيل.
مڒَا بشَّرغ س ڒْخَاضَر ينُو، أَتَاف اَذَايِي يجَازَا أَربِّـي. مڒَا وَار يدْجِي بُو س ڒْخَاضَر ينُو، يعْنِي اَتَاف تݣّغ يجّن ن لْمسْؤُلِيَا بزّز خَافِي وَاهَا.
أَقَا نشِّين مَاشِي اَم خَربِّي ن يِوْذَان يتݣّن تِّجَارَا ذݣ وَاوَاڒ ن أَربِّـي، نشِّين ذِي لْمَسِيح نسَّاوَاڒ س وُوْڒ يصْفَا زِي أَربِّـي أُو زَّاث إِ أَربِّـي.
حمَا اَذ تِيخْضَرم مِين يدْجَان ذ اَصبْحَان حمَا اَذ تِيڒِيم ثصْفَام بْڒَا ڒْعِيب غَار نْهَار ن لْمَسِيح.
آي أَيثْمَا رزُّوْغ اَذ تسّْنم مِين ذَايِي يوقْعن، مَانَاينِّي ذ صَّح يخدّم إِ لْإِنْجِيل بَاش اَذ يتنْتَشَر.
ڒَاحقَّاش ثْشَرّْشم اَكِذِي ذِي لْإِنْجِيل زِي نْهَار اَمزْوَارُو اَڒ ڒخُّو.
غَارِي ڒْحَقّ اَذَايْوم فكَّرغ اَمنِّي ڒَاحقَّاش اَقَا كنِّيو غَارِي ذݣ وُوْڒ ينُو. أَقَا مَارَّا ثْشَرّْشم اَكِذِي ذِي اَرْضَا ن ڒْخذْمث-أَ وَاخَّا اَقَايِي ذِي ڒحْبس نِغ تْذَفَاعغ خ لْإِنْجِيل ذ ڒْحَقّ إِي ذَايس.
أَمَّا تِيْمُوْتَاوُس نتَّا ثسّْنم-ث ملْتَازم س يِيخف نّس، ئِخدّم اَكِذِي ذِي لْإِنْجِيل اَم يِجّن ن وحَرْمُوْش يخدّم اَك بَابَاس.
آ أَيث-فِيلِيـپِّـي، وَامِي فّْغغ نش زِي لْإِقْلِيم ن مَسِيدُوْنْيَا ثسّْنم قَا ذ كنِّيو وَاهَا زِي مَارَّا ثِجُمَاع ن ڒْمُوْمِنِين إِي كِذِي يشَرْشن ذِي لْمُعَاوَنَا. مَانَاينِّي يوْقع وَامِي يَالَّاه بْذِيغ تْبشَّارغ س لْإِنْجِيل ذِي جْوَايه نِّي.
وَاه، تتَّارغ ؤُڒَا ذ شك آي اَمْعَشَار ينُو ن صَّح، عَون ثِمْغَارِين-أَ إِي كِذِي يخدّْمن فُوْس ذݣ وفُوْس ذِي لْإِنْجِيل، أَكِذْسنْت عَاوذ كْرِيمُو ذ يمْعَشَارن ينُو نّغْنِي. ئِسمَاون نْسن مَارَّا اَقَاثن ذِي لْكِتَاب ن ثُوْذَارْث.
