12 آي أَيثْمَا رزُّوْغ اَذ تسّْنم مِين ذَايِي يوقْعن، مَانَاينِّي ذ صَّح يخدّم إِ لْإِنْجِيل بَاش اَذ يتنْتَشَر.
مَانَايَا اَغَارْوم يِيڒِي ذ يجّن ن لْفُوْرْصَا إِ شْهَاذث.
ڒْمُوْمِنِين نِّي يمسْفْرَاقن تْرَاحن زݣ ومْشَان غَار ومْشَان تْبشَّارن س وَاوَاڒ ن أَربِّـي.
فَا نشِّين نسّن بلِّي مَارَّا مِين يتوْقِيعن قَاع يتَارَّا-ث أَربِّـي ذ تِّيسِير إِ يِنِّي إِي ث يتخْسن، يعْنِي ذ يِنِّي ؤُمِي إِي د يڒَغَا عْلَاحْسَاب لْغَرَض نّس.
وَلَكِن ذِي مَارَّا مَانَايَا نشِّين نتْوَاحْسَاب كْتَار زِي لْأَبْطَال خ وفُوْس ن ونِّي إِي ذَانغ يخْسن.
ڒَاحقَّاش ثْشَرّْشم اَكِذِي ذِي لْإِنْجِيل زِي نْهَار اَمزْوَارُو اَڒ ڒخُّو.
غَارِي ڒْحَقّ اَذَايْوم فكَّرغ اَمنِّي ڒَاحقَّاش اَقَا كنِّيو غَارِي ذݣ وُوْڒ ينُو. أَقَا مَارَّا ثْشَرّْشم اَكِذِي ذِي اَرْضَا ن ڒْخذْمث-أَ وَاخَّا اَقَايِي ذِي ڒحْبس نِغ تْذَفَاعغ خ لْإِنْجِيل ذ ڒْحَقّ إِي ذَايس.
أَمَّا تِيْمُوْتَاوُس نتَّا ثسّْنم-ث ملْتَازم س يِيخف نّس، ئِخدّم اَكِذِي ذِي لْإِنْجِيل اَم يِجّن ن وحَرْمُوْش يخدّم اَك بَابَاس.
آ أَيث-فِيلِيـپِّـي، وَامِي فّْغغ نش زِي لْإِقْلِيم ن مَسِيدُوْنْيَا ثسّْنم قَا ذ كنِّيو وَاهَا زِي مَارَّا ثِجُمَاع ن ڒْمُوْمِنِين إِي كِذِي يشَرْشن ذِي لْمُعَاوَنَا. مَانَاينِّي يوْقع وَامِي يَالَّاه بْذِيغ تْبشَّارغ س لْإِنْجِيل ذِي جْوَايه نِّي.
وَاه، تتَّارغ ؤُڒَا ذ شك آي اَمْعَشَار ينُو ن صَّح، عَون ثِمْغَارِين-أَ إِي كِذِي يخدّْمن فُوْس ذݣ وفُوْس ذِي لْإِنْجِيل، أَكِذْسنْت عَاوذ كْرِيمُو ذ يمْعَشَارن ينُو نّغْنِي. ئِسمَاون نْسن مَارَّا اَقَاثن ذِي لْكِتَاب ن ثُوْذَارْث.
فَلِيهَذَا خْسغ يرْيَازن ذِي مَارَّا يمُوْشَان اَذ ࢲَّادْجن اَذ يْسِين يفَاسّن نْسن يصْفَان غَار وجنَّا بْڒَا مَا ٱذ تْعصّْبن بْڒَا مَا ٱذ تْمنْغَان.
خ لْإِنْجِيل-أَ إِي تْوَاعدَّابغ نش قنّن-اَيِي س سْنَاسڒ اَم يِجّن ن لْمُجْرِيم. وَلَكِن اَوَاڒن ن أَربِّـي لَّا، وَار زمَّرن اَثن قنّن س سْنَاسڒ.
ذ سِيذِيثْنغ إِي كِذِي يبدّن غَار وغزْذِيس ينُو يُوْشَا-ٱيِي جّْهذ حمَا زَّايِي نش اَذ يتْوَابشَّر لْإِنْجِيل يكْمَاڒ اَث سْڒن مَارَّا يِنِّي وَار يدْجِين شَا زِي أَيث-إِسْرَائِيل، سّنِّي نش فڒْثغ زݣ ؤُقمُّوْم ن سّْبَاع.
