2 تيموتاوس 3:15 - ثريفيث 2020

¹⁵ أَقَا زِي ثمْࢲِي نّش ثسّْنذ عَاوذ ثِيْرَا يدْجَان مُقدّْسِين زمَّرنْت اَش د اَرّنْت ذ مِيغِيس عْلَاحْسَاب مَامش إِي غَا ثْنجْمذ س لْإِيمَان نِّي يدْجَان ذِي عِيْسَى لْمَسِيح.

2 تيموتاوس 3:15 交叉參考

أَسڒْمذ ن سِيذِيثْنغ عِيْسَى لْكِتَاب ن مَتَّى 22:29

ئِنْدق-د عِيْسَى ينَّا-ٱسن: "كنِّيو ثخْضَام ڒَاحقَّاش وَار ثسِّينم شَا لْكِتَاب ؤُڒَا ذ جّْهذ ن أَربِّـي.

لوقا 1:15

مِينْزِي اَذ يِيڒي ذ اَمقّْرَان غَار سِيذِي أَربِّـي. أَذ تِيڒِي لَابُد عمَّارْص اَذ يسو اَمَان ن وضِيڒ نِغ ذ وَامَان ن يمنْدِي. أَذ يِيڒِي يعمَّر س اَرُّوح يقدّْسن حتَّا ذݣ وعدِّيس ن يمَّاس.

لوقا 2:40

عِيْسَى يتمْغَار يتجْهِيذ يتْشَار س ڒفْهَامث، خَاس اَرْضَا ن أَربِّـي.

لوقا 24:27

ذِنِّي يبْذَا-يَاسن عِيْسَى زِي شَّرِيعَا ن مُوْسَى ذ لْكُتُب ن مَارَّا لْأَنْبِيَا يسفْهم-يثن مِين خَاس يُوْرِين ذِي مَارَّا لْكُتُب نِّي.

لوقا 24:32

نَّان إِ وَايَاوْيَا: "نشِّين نسْحِسَّا شَان ڒْحَاجث ثشَّاث ذݣ وُوْڒَاون نّغ وَامِي تُوْغَاث يسَّاوَاڒ اَكِذْنغ ذݣ وبْرِيذ يسفْهم-اَنغ لْكُتُب."

لوقا 24:45

ڒخْدّنِّي يرْزم عِيْسَى ڒَعْقُوْڒَاث نْسن حمَا اَذ فهْمن لْكُتُب.

يوحنا 5:47

مڒَا كنِّيو وَار ثُوْمِينم شَا زِي مِين يُوْرَا، مَامّش غَا ثݣّم اَذ تَامْنم ذݣ وَاوَاڒ ينُو؟"

ڒخذايم 10:43

مَارَّا لْأَنْبِيَا شهّْذن خَاس نَّان قَا مَارَّا يِنِّي زَّايس غَا يَامْنن اَذ تْوَاغْفَرنْت ڒْمُعْصِيَاث نْسن س يِيسم نّس."

ڒخذايم 13:29

وَامِي ݣِّين مَارَّا مِين تُوْغَا خَاس ؤُرِين لْأَنْبِيَا، سهْوَان-ث-يذ زِي ثحْنَاشْت سرْسن-ث ذݣ ونْضڒ.

ڒخذايم 16:1

يُوْوض بُوْلُس غَار ثنْدِينْت ن دِرْبَا ذ ثنْدِينْت ن لِيْسْتْرَا، يُوْفَا ذِنِّي يجّن ن ومحْضَار قَّارن-اَس تِيْمُوْتَاوُس. يمَّاس نتَّاث ذ ثَئِسْرَائِيلِيث ذ ڒْمُوْمْنَا، بَابَاس ذ اَيُوْنَانِي.

ڒخذايم 17:2

يُوْذف بُوْلُس غَار ثمْزِيذَا نِّي مَامّش يتݣّ ڒبْدَا. ثْڒَاثَا ن سِيمَانَاث كُڒ نْهَار ن سّبْث ن لْعِبَادَا يتمْنَاقَاش اَكِذْسن يقَّار-اَسن مِين يُوْرِين ذِي لْكُتُب.

ڒخذايم 26:24

بُوْلُس نتَّا اَقَاث عَاذ يسَّاوَاڒ يتْذَافَاع خ يِيخف نّس، ئِكَّر لْوَالِي فَسْتُوْس ينَّا-ٱس س جّْهذ: "آ بُوْلُس، شك مَا ثفْلِيپَّـاذ؟ ثْغُوْرِي نّش ثمْغَار قَا ثسْبُوْهڒِي-يِش!"

أيث-روما 1:2

لْإِنْجِيل-أَ إِي زِي يوْعذ أَربِّـي ذِي زْمَان س يِيڒس ن لْأَنْبِيَا نّس ذِي لْكِتَاب لْمُقدّس.

أيث-روما 16:26

ڒخُّو يبَان-د مَانَايَا إِ يِوْذَان يتْوَاسّن س لْكُتُب ن لْأَنْبِيَا. أَربِّـي يعْنِي ونِّي يتْدُوْمَان إِ ڒبْدَا يُوْمَر اَزَّايس اَمْنن مَارَّا ڒݣْنُوْس اَذَاس طَاعن.

أيث-روما 2:27

يعْنِي ونِّي يخدّْمن س مِين ذَايس ذِي شَّرِيعَا ن مُوْسَى، وَاخَّا وَار يݣِّي شَا طَّهَارث ذِي دَّات، أَخَاش يحْكم شك إِي غَار يدْجَا لْكِتَاب نِّي ذ طَّهَارث. مَايمِّي؟ لِأَنَّا شك ثْعصِّيذ شَّرِيعَا.

1 أيث-كورينث 1:21

ئِسْبُوْهڒِي-ت س ڒفْهَامث ن مِين نتْبشَّار نشِّين. مَامّش؟ س ڒفْهَامث-أَ ن أَربِّـي يعْجب-اَس اَذ يسنْجم يِنِّي يتَامْنن، وَلَكِن يوْذَان ن دُّنشْت-أَ وَار زمَّرن اَث سّْنن س ڒفْهَامث نْسن.

أيث-ؤفسوس 6:4

آي يبَابَاثن، وَار سغْضَابم شَا يحنْجِيرن نْوم، ربَّام-ثن خ تَّرْبِيّث ذ وسڒْمذ ن سِيذِيثْنغ.

1 تيموتاوس 4:13

حتَّا ٱڒ د غَا يَاسغ نش سْخدَّام يخف نّش مْلِيح س ثْغُوْرِي ن لْكُتُب ذ وحدّث ذ وسڒْمذ.

2 تيموتاوس 1:1

نش ذ بُوْلُس ذ يجّن ن اَرَّسُوْل ن عِيْسَى لْمَسِيح س ڒْخَاضَر ن أَربِّـي عْلَاحْسَاب لْوَعذ نِّي إِي ذَانغ يوْعذ خ ثُوْذَارْث نِّي يدْجَان ذِي عِيْسَى لْمَسِيح.

2 تيموتاوس 1:5

عقْڒغ خ لْإِيمَان نّش بْڒَا نِّفَاق ونِّي يدْجَان ذ اَمزْوَارُو ذِي حنَّاش لْوِيزَا ذ يمَّاش أَنِيسَا. ڒخُّو تيّْقغ ذ صَّح بلِّي اَقَاث ذَايش ؤُڒَا ذ شك.

2 بطرس 3:16

ئِتَارِي مَانَايَا ذِي مَارَّا ثِبْرَاثِين نّس يسَّاوَاڒ خ ثْمسْڒَايِين-أَ. ذِي ثبْرَاثِين نّس ذِنِّي شَا ن ثْمسْڒَايِين قسْحنْت اَثنْت ثْفهْمم. ثِمسْڒَايِين نِّي سْعوَّاجن-ثنْت شَان يِوْذَان يقفْڒن وَار تجْهِيذن شَا ذِي لْإِيمَان نْسن، وَا اَمنِّي عَاوذ إِي تݣّن إِ لْكُتُب نّغْنِي. سْخدَّامن مَانَايَا إِ ڒفْنَا نْسن.

لواحي ن يوحنا 19:10

وْضِيغ-اَس غَار يضَارن نّس حمَا اَذَاس سجّْذغ. ئِنْدق-د ينَّا-ٱيِي: "لَّا! قَا نش ذ ڒْعَبْذ اَم نش اَم شك اَم اَيْثْمَاش إِي طّْفن خ مِينْخف يشْهذ عِيْسَى. سجّذ-اَس إِ أَربِّـي! ڒَاحقَّاش مِينْخف يشْهذ عِيْسَى نتَّا ذ اَرُّوْح ن لْأَنْبِيَا."