13 أَمَّا يرْيَازن يعفَّانن ذ يرْيَازن يشمَّاثن نِثْنِي اَذ ارْنِين ذِي ثُوْعُوْفّْنَا وَاهَا، نِثْنِي اَذ شمّْثن اَذ تْوَاشمّْثن.
نتْقدَّام-اَوم يخف نّغ لِأَنَّا يوْذَان تْوقَّرن-اَنغ سْبهْدَاڒن-اَنغ؛ قَّارن ذَايْنغ ڒْبَاطڒ سمْغَارن-اَنغ؛ تَارَّان-اَنغ ذ يغشَّاشن وَلَكِن نشِّين وَار ذَاينغ بُو يخَرِّيقن؛
فَا يقَّار أَرُّوْح يقدّْسن نِيشَان بْڒَا شّكّ ذݣ وُوْسَّان-أَ ينݣُّوْرَا اَذ سمْحن شَا ن يِوْذَان ذِي لْإِيمَان نِيشَان اَذ ݣّن اَرَّاي إِ جْنُوْن يغدَّارن ذ مِين سڒْمَاذن شَّيَاطِين.
مَامّش يَانِيس ذ يَامْپْـرِيس نِّي تْعَارَّاضن إِ مُوْسَى، أَمنِّي عَاوذ ؤُڒَا ذ يرْيَازن-أَ تْعَارَّاضن إِ لْحَقِيقَا. ڒَعْقُوْرَاث نْسن عوّْجن، لْإِيمَان نْسن يخْوَا.
شُوْف، نشِّين عَاوذ تُوْغَا ذَايْنغ يجّن ن ڒقْفَاڒث، وَار نتْطِيعِي شَا، نتْوَاشمّث، حكّْمنْت خَانغ اَطَّاس ن لْأَنْوَاع ن شّهَاوَاث ذ زّْهُو. تُوْغَا نتْعِيش ذݣ يِجّن ن ڒقْبَاحث ذ ڒحْسذ، عِيفّن-اَنغ يِوْذَان، نتْعِيفَّا اَيَاوْيَا.
شُوْف، ئِثَرَّاسن-أَ مڒَا تُوْغَا سّْنن سِيذِيثْنغ عِيْسَى لْمَسِيح اَروْڒن زِي ڒوْسخ ن دُّنشْت-أَ سّنِّي عَاوذ عقْبن-د حْنُوْنّْضن ذَايس يذْوڒ يحكّم خَاسن، أَتَاف اَنݣَّارُو نْسن يقْسح كْتَار زݣ ومزْوَارُو نْسن.
مِين يدْجَان مُهِم قَاع؟ ئِتْخصَّا أُو لَابُد اَذ تْفهْمم بلِّي ذِي ڒِيَّام نِّي ينݣُّوْرَا اَذ يڒِين مُوْجُوْدِين يوْذَان إِي يضحّْشن خَاوم، أَذ ضحْشن اَذ ذفَارن شّهَاوَاث نْسن أُو صَافِي.
ئِمنْضَار-د زݣ وجنَّا بُو-سبْعَا-يَا يزدْجِيفن اَمقّْرَان، يعْنِي فِيغر نِّي ذِي زْمَان ونِّي ؤُمِي قَّارن إِبْڒِيس نِغ ذ شِّيطَان يعْنِي ونِّي يخدّْعن مَارَّا دُّنشْت. ئِمنْضَار-د غَار ثْمُوْرْث، منْضَارن-د اَكِذس شَّيَاطِين نّس.
ئِخدّع يمزْذَاغ ن ثْمُورْث س لْمُعْجِزَاث نِّي إِي ذَاس يتْوَاسمْحن اَثنْت يݣّ زَّاث إِ ڒْوَحْش اَمزْوَارُو. يُوْمَر يمزْذَاغ ن ثْمُوْرْث اَذ صنْعن يجّن ن لْأَصْنَام اَم ڒْوَحْش نِّي إِي ذِي يدْجَا وجَرِّيح ن سِّيف وَلَكِن نتَّا يدَّر.
عمَّارْص اَذَايم ثْشعّڒ ثْفَاوْث ن ڒْقنْدِيڒ. عمَّارْص اَذَايم تسْڒَان إِ صُّوْت ن مُوْڒَاي ذ ثْسْڒِيث. أَقَا يسبَّابن نّمْ تُوْغَا دْجَان ذ يمقّْرَانن ن ثْمُوْرْث، س سِّحر نّمْ ثْخذْعذ مَارَّا ڒݣْنُوْس.
