2 تيموتاوس 1:1 - ثريفيث 2020

¹ نش ذ بُوْلُس ذ يجّن ن اَرَّسُوْل ن عِيْسَى لْمَسِيح س ڒْخَاضَر ن أَربِّـي عْلَاحْسَاب لْوَعذ نِّي إِي ذَانغ يوْعذ خ ثُوْذَارْث نِّي يدْجَان ذِي عِيْسَى لْمَسِيح.

2 تيموتاوس 1:1 交叉參考

يوحنا 10:28

تِيشّغ-اَسن ثُوْذَارْث ن ڒبْدَا عمَّارْص وَار فنِّين شَا، وَار ثن يخطّف ؤُڒَا ذ يجّن زݣ وفُوْس ينُو.

يوحنا 17:3

ثُوْذَارْث ن ڒبدَا ذ ثَا يعْنِي اَش سّْنن بلِّي شك ذ أَربِّـي نِيشَان وَاحْذش، أَذ سّْنن عَاوذ عِيْسَى لْمَسِيح يعْنِي ونِّي إِي ثسّكّذ.

يوحنا 5:24

أَقَا تسْڒَام ڒْحَقّ: ونِّي يتْسْڒَان إِ وَاوَاڒ ينُو يتَامن زݣ ونِّي ذَايِي د يسّكّن، أَغَارس ثِيڒِي ثُوْذَارْث ن ڒبْدَا وَار يتِيذف شَا ذِي لْعِقَاب، نتَّا اَذ يمُوْتِّي زِي ڒْمُوْث غَار ثُوْذَارْث.

يوحنا 6:40

مِين يخس بَابَا؟ يخس بلِّي كُڒ ونِّي يࢲْرِين مِّيس يُوْمن زَّايس، أَغَارس ثِيڒِي ثُوْذَارْث ن ڒبْدَا نش اَثِيذ سكَّرغ ذِي نْهَار اَنݣَّارُو."

يوحنا 6:54

ينَّا-ٱسن: "ونِّي غَا يشّن دَّات ينُو اَذ يسو يذَامّن ينُو، أَغَارس ثِيڒِي ثُوْذَارْث إِ ڒبْدَا نش اَثِيذ سكَّرغ ذِي نْهَار اَنݣَّارُو.

أيث-روما 1:1

نش ذ بُوْلُس اَخدَّام ن عِيْسَى لْمَسِيح، يݣَّا-ٱيِي-د أَربِّـي اَذ يڒِيغ ذ اَرَّسُوْل. تْوَاخْضَرغ حمَا ٱذ خْبَرغ س لْإِنْجِيل ن أَربِّـي،

أيث-روما 5:21

أُو مَامّش ثحْكم ڒْمُعْصِيّث ثُوْوِي-د ڒْموْث، أَمنِّي إِي خَانغ يحْكم اَرْضَا وَامِي ذَانغ يسمْصْڒَاح أَربِّـي اَكِذس يُوْوِي-د ثُوْذَارْث ن ڒبْدَا خ وفُوْس ن سِيذِيثْنغ عِيْسَى لْمَسِيح.

أيث-روما 6:23

أَقَا اَخدْجس ن ڒْمُعْصِيّث نتَّا ذ ڒْموْث، وَلَكِن لْهَادِيَا ن أَربِّـي نتَّاث ذ ثُوْذَارْث ن ڒبْدَا ذِي سِيذِيثْنغ عِيْسَى لْمَسِيح.

1 أيث-كورينث 1:1

ثَبْرَات-أَ زَّايِي نش بُوْلُس اَكِذِي ؤُمَاثْنغ سَاسْتِين. ئِڒَاغَا-ٱيِي-د أَربِّـي س ڒْخَاضَر نّس حمَا اَذ يڒِيغ ذ اَرَّسُوْل ن عِيْسَى لْمَسِيح.

22 أيث-كورينث 1:1

ثَبْرَات-أَ زَّايِي نش بُوْلُس إِݣ يدْجَان ذ اَرَّسُوْل ن عِيْسَى لْمَسِيح س ڒْخَاضَر ن أَربِّـي، أَكِذِي ؤُمَاثْنغ تِيْمُوْتَاوُس. تَارِيغ إِ جْمَاعث ن ڒْمُوْمِنِين ن أَربِّـي يِنِّي يدْجَان ذِي ثنْدِينْت ن كُوْرِينْث ذ مَارَّا ڒْمُوْمِنِين صَّالِحِين عَاوذ إِݣ يدْجَان ذِي لْإِقْلِيم ن ؤُخَايَا اَمن-ثكْمَاڒ.

22 أيث-كورينث 1:20

لِأَنَّا نتَّا ذَايس إِي يقَّار أَربِّـي <وَاه> إِ مَارَّا ثِمسْڒَايِين إِي يعَاهذ أَربِّـي. س مَانَايَا زِي عِيْسَى نقَّار <آمِين> إِ لْعَظَمَا ن أَربِّـي.

أيث-ݣلاطيا 3:26

ذِي عِيْسَى لْمَسِيح اَقَا كنِّيو مَارَّا إِذْوم ذ ثَارْوَا ن أَربِّـي س لْإِيمَان.

أيث-ݣلاطيا 3:28

وَار ذِنِّي لَّا اَئِسْرَائِيلِي نِغ ذ اَيُوْنَانِي. وَار ذِنِّي لَّا يسْمغ نِغ ذ ونِّي يدْجَان حُرّ. وَار ذِنِّي لَّا اَرْيَاز لَّا ثَمْغَارْث. أَقَا كنِّيو مَارَّا إِذْوم ثْمُوْنم ذ يجّن ذِي عِيْسَى لْمَسِيح.

أيث-ؤفسوس 3:6

ڒْمَعْنَا-يَا ينُوْفَّرن ثَانِيتَا، مِين ثعْنَا؟ أَقَا ؤُڒَا ذ يِنِّي وَار يدْجِين شَا زِي أَيث-إِسْرَائِيل اَذ وَرْثن زِي أَربِّـي اَك أَيث-إِسْرَائِيل س لْإِنْجِيل. نِثْنِي ذ يجّن ن جْمَاعث، مَارَّا اَذ شَرْشن ذِي مِين يوْعذ أَربِّـي ذِي لْمَسِيح.

1 تيموتاوس 6:19

أَمنِّي إِي غَا خمْڒن اَݣْڒَا إِ يِيخف نْسن اَم يِجّن ن دْسَاس يجهْذن إِ ثُوْذَارْث إِي د غَا يَاسن بَاش اَذ طّْفن مْلِيح ذِي ثُوْذَارْث نِّي إِي يدْجَان ذ ثُوْذَارْث ن صَّح.

2 تيموتاوس 1:10

أَرْضَا-يَا قَا يمظْهَار-د ڒخُّو وَامِي د يمظْهَار عِيْسَى لْمَسِيح ونِّي إِي ذَانغ يسنْجَامن ونِّي يسْبطّْڒن ڒْموْث. ڒخُّو س وفُوْس ن لْإِنْجِيل يُوْوِي-د ثُوْذَارْث غَار نُّوْر ذ ثنِّي وَار يفنِّين شَا.

2 تيموتاوس 1:13

مثّل تَّعْلِيم نِّي نِيشَان إِي ثسْڒِيذ زَّايِي، أَكِذس إِي غَا يِيڒِي يجّن ن لْإِيمَان ذ يِجّن ن ڒمْحِبّث إِي يدْجَان ذِي عِيْسَى لْمَسِيح.

2 تيموتاوس 1:9

ئِسنْجم-اَنغ يڒَاغَا-يَانغ-د س يِجّن ن ؤُڒَاغِي مُقدّس. وَار ذَانغ د يڒَاغِي شَا عْلَاحْسَاب لْحَسَانَاث نّغ؛ لَّا، ئِڒَاغَا-يَانغ-د عْلَاحْسَاب لْغَرَض نّس نتَّا ذ اَرْضَا نّس إِي ذَانغ د يُوْشَا ذِي عِيْسَى لْمَسِيح قْبڒ مَا ٱذ تبْذَا ڒْوقْث ن دُّنشْت-أَ قَاع.

2 تيموتاوس 2:1

إِذن فَا شك آ مِّي، سْجهّذ يخف نّش ذِي اَرْضَا نِّي يدْجَان ذِي عِيْسَى لْمَسِيح.

2 تيموتاوس 2:10

خ مَانَايَا نش صبَّارغ خ مَارَّا ثِمسْڒَايِين عْلَاحْسَاب يِنِّي يتْوَاخْضَرن حمَا ؤُڒَا ذ يِيْنَا اَذ نجّْمن س وفُوْس ن عِيْسَى لْمَسِيح، أَكِذس يجّن لْعَظَمَا إِي وَار يفنِّين شَا.

2 تيموتاوس 2:3

إِڒِي اَكِذِي ذݣ وعدّب اَم وعسْكَارِي اَصبْحَان ن عِيْسَى لْمَسِيح.

2 تيموتاوس 3:15

أَقَا زِي ثمْࢲِي نّش ثسّْنذ عَاوذ ثِيْرَا يدْجَان مُقدّْسِين زمَّرنْت اَش د اَرّنْت ذ مِيغِيس عْلَاحْسَاب مَامش إِي غَا ثْنجْمذ س لْإِيمَان نِّي يدْجَان ذِي عِيْسَى لْمَسِيح.

ثبرات غار تيتوس 1:2

لْإِيمَان-أَ ذ ثُوْسْنَا-يَا ثْبدَّا خ لْأَمَال ن ثُوْذَارْث نِّي وَار يفنِّين عمَّارْص، ثنِّي إِي زِي يوْعذ أَربِّـي يعْنِي ونِّي وَار يسْخرِّيقن شَا. ئِوْعذ س ثُوْذَارْث نِّي قْبڒ مَا ٱذ بْذَان زْمَانَاث قَاع.

ثبرات غار تيتوس 1:4

تَارِيغ ثَبْرَات-أَ إِ تِيتُوْس ونِّي إِي يدْجَان اَم ممِّي ذ صَّح ذِي لْإِيمَان-أَ إِي ذِي نْشَرّش. أَكِذش يِيڒِي اَرْضَا ذ ڒهْنَا زِي أَربِّـي بَابَاثْنغ ذ عِيْسَى لْمَسِيح ونِّي إِي ذَانغ يسْنجْمن.

يعيبرانيين 9:15

فَلِيهَذَا نتَّا لْمَسِيح يتْشَفَاع جَارَانغ ذ أَربِّـي س يِجّن ن ڒْعَهذ ذ جْذِيذ بَاش يِنِّي ؤُمِي د يڒَاغَا أَربِّـي اَتَاف اَذ اَوِين لْوَارث إِي زِي ثن يوْعذ يتْدُوْمَان إِ ڒبْدَا. لِأَنَّا لْمَسِيح يمُّوْث ذ لْفِدْيَا حمَا اَذَاسن يضْڒق اَذ يڒِين حُرّ زِي ڒْمُعْصِيَاث إِي ݣِّين سْوَادَّاي إِ ڒْعَهذ نِّي اَمزْوَارُو.

1 يوحنا 2:25

مِينْزِي ذَانغ يوْعذ؟ ئِوْعذ-اَنغ س ثُوْذَارْث ن ڒبْدَا ن ڒبْدَاث.