16 ذ نتَّا وَاحْذس إِي وَار يتْمتِّين عمَّارْص، ئِزدّغ ذݣ يِجّن ن نُّوْر إِي وَار يزمَّر حَدّ اَغَارس د يقَارّب يعْنِي ونِّي ؤُمِي عمَّارْص وَار ث يࢲْرِي بْنَاذم وَار يزمَّر اَث يࢲر. ذ نتَّا إِي غَا يِيڒِي ؤُوقَّر ذ جّْهذ إِ ڒبْدَا. آمِين.
اَزدْجِيذ نّغ اَغَارس ثِيڒِي لْعَظَمَا إِ ڒبْدَا ن ڒبْدَاث، ونِّي عمَّارْص اَذ يفْنَا عمَّارْص اَذ يمّث ونِّي وَار ث يتْوِيڒِي حَدّ ونِّي يدْجَان ذ أَربِّـي وَاحْذس. آمِين.
ؤُڒَا ذ يجّن وَار يࢲْرِي أَربِّـي عَمَّارْص. مِّيس وَاحْذس إِݣ يدْجَان ذݣ وُوْڒ ن بَابَاس ذ نتَّا إِي ذَانغ د يسْمظْهَارن سِيذِي أَربِّـي.
ذ وَا ذ اَوَاڒ إِي زَّايس نتْسْڒَا نتْبشَّار-يكنِّيو زَّايس يعْنِي أَربِّـي ذ نُّوْر وَار ذَايس بُو ثَادْجسْت.
مِّيس نتَّا ذ صِّفث ن أَربِّـي ونِّي وَار نْزمَّر شَا نشِّين اَث نْࢲر. نتَّا ذ اَمنْزُو يحكّم خ قَاع مِين د يتْوَاخڒْقن.
وَار يدْجِي ؤُڒَا ذ يجّن يࢲْرَا بَابَا إِلَّا ونِّي إِي د يُوْسِين زِي أَربِّـي، ذ نتَّا إِݣ يࢲْرِين بَابَا.
زِي سّنِّي اَڒ ثْسَاونْت وَار ذِنِّي تِيڒِي بُو دْجِيڒث، وَار تحْذِيجِين شَا ثْفَاوْث ن ڒفْنَار نِغ ذ ثْفَاوْث ن ثْفُوْشْت ڒَاحقَّاش سِيذِي أَربِّـي نتَّا اَخَاسن يݣّ ثْفَاوْث نّس. أَذ حكْمن إِ ڒبْدَا ن ڒبْدَاث.
"آ مَوْلَانَا آ سِيذِي أَربِّـي نّغ، ذ شك إِي يسْذَاهدْجن لْعَظَمَا ذ ؤُوقَّار ذ جّْهذ، ڒَاحقَّاش شك ثْخڒْقذ كُڒْشِي، س ڒْخَاضَر نّش تْوَاخڒْقنْ-د اَقَاثن دْجَان."
يݣَّا زَّايْنغ يجّن ن لْممْلَكَا ذ ڒْفُقَهَا إِ أَربِّـي بَابَاس. أَغَارس ثِيڒِي لْعَظَمَا ذ ڒحْكَام إِ نتَّا إِ ڒبْدَا، آمِين.
يعْنِي أَربِّـي ونِّي يدْجَان وَاحْذس يسنْجَام-اَنغ. أَغَارس ثِيڒِي لْعَظَمَا ذ ثُوْعْڒَات ذ لْقُوَّا ذ سُّلْطَا س عِيْسَى لْمَسِيح سِيذِثْنغ يعْنِي قْبڒ إِ مَارَّا زْمَانَاث إِي يعْذُوْن أُو ذ ڒخُّو أُو ذ ڒبْدَا ن ڒبْدَاث. آمِين.
أَغَارس ثِيڒِي لْعَظَمَا ذِي جْمَاعث ن ڒْمُوْمِنِين أُو عَاوذ ذِي عِيْسَى لْمَسِيح زِي لْجِيل غَار لْجِيل إِ ڒبْدَا ن ڒبْدَاث. آمِين!
قَّارنْت: "آمِين! لْحَمد ذ لْعَظَمَا ذ لْحِكْمَا ذ شُّكر ذ ؤُوقَّار ذ ثْزمَّار ذ جّْهذ إِ أَربِّـي نّغ إ ڒبْدَا ن ڒبْدَاث. آمِين!"
عِيْسَى لْمَسِيح نتَّا ذ يجّن، أَمشْنَاو إِضنَّاظ اَمشْنَاو نْهَارَا اَمشْنَاو إِ ڒبْدَا.
سْڒِيغ إِ يِجّن ن ثْمِيجَّا زِي لْعَرْش ثقَّار س جّْهذ: "أَقَا ثَزدِّيغْث ن أَربِّـي اَك يِوْذَان، أَذ يزْذغ جَارَاسن اَذ يڒِين ذ شَّعْب نّس. أَربِّـي س يِيخف نّس اَكِذْسن يِيڒِي، أُو عَاوذ اَذ يِيڒِي ذ أَربِّـي نْسن.
ينَّا-ٱس عِيْسَى: "قَاع ڒْوقْث-أَ إِي كِوم كِّيغ عَاذ وَار ذَايِي ثسِّينذ شَا آ فِيلِيپَّـاس؟ ونِّي إِي ذَايِي يࢲْرِين، يࢲْرَا بَابَا. مَايمِّي ذَايِي ثتَّارذ اَذَاوم د سْمظْهَارغ بَابَا؟
ئِقَّار سِيذِي أَربِّـي: "نش ذ لْأَلِف نش ذ لْيَاء. نش ذ ونِّي إِݣ يدْجَان، تُوْغَا دْجِيغ، عَاذ اَذ د اَسغ، زمَّرغ إِ كُڒْشِي."
ئِنْدق-د عِيْسَى ينَّا-ٱسن: "أَقَا تسْڒَام ڒْحَقّ: قْبڒ مَا ٱذ يِيڒِي بْرَاهِيم، نش دْجِيغ."
لْعَظَمَا إِ أَربِّـي بَابَاثْنغ إِ ڒبْدَا ن ڒبْدَاث. آمِين.
مَارَّا ثِمُوْشَا ثِيصبْحَانِين ذ لْهَدِيَاث يكمْڒن تكّنْت-يد زݣ وجنَّا، تَاسنْت-يد زِي أَربِّـي بَابَاس ن نُّوْر. نتَّا وَار يتْبدِّيڒ شَا اَم ثِيڒِي نِّي إِݣ يݣُّوْرن.
وَلَكِن مڒَا نݣُّوْر ذِي نُّوْر مَامّش يدْجَا نتَّا ذِي نُّوْر، أَتَاف نْتمْعَاشَر اَك وَايَاوْيَا اَتَاف يذَامّن ن مِّيس عِيْسَى سِّيصْفَان-اَنغ زِي مَارَّا ڒْمُعْصِيَاث.
وَار ذِنِّي حَدّ عمَّارْص يࢲْرَا أَربِّـي. وَلَكِن نشِّين مڒَا نتْخس اَيَاوْيَا اَتَاف أَربِّـي يزدّغ ذَايْنغ، ڒمْحِبّث نّس ثجِّيون زَّايْنغ.
