18 أَقَا لْكِتَاب يقَّار: وَار ذَاس تݣّ بُو ثَشْمَانْت إِ ؤُفُوْنَاس نِّي يتْصَرْوَاثن. أَقَا عَاوذ اَخدَّام غَارس ڒْحَقّ اَذ يتْخَاڒس.
وَار دبَّرم بُو وقْرَاب خ وبْرِيذ ؤُڒَا ذ ثْنَاين يتْشَامِّيرن، ؤُڒَا ذ ثِسِيڒَا، ؤُڒَا ذ اَعكَّاز. مِينْزِي ونِّي يتْبشَّارن غَارس ڒْحَقّ اَذ يتْخَاڒس اَغْرُوْم نّس.
قِّيمم ذِي ثدَّارْث نِّي، شّم سْوم زِي مِين غَارْسن مِينْزِي ونِّي يتْبشَّارن غَارس ڒْحَقّ اَذ يتْخَاڒس. وَار تْرَاحم شَا زِي ثدَّارْث غَار ثدَّارْث.
أَقَا لْكِتَاب يقَّار: <مَارَّا ونِّي زَّايس غَا يَامْنن وَار ث يتْخِيِّيب شَا.>
أَربِّـي وَار ينْكَر شَا شَّعْب نّس تُوْغَا يسّن-يثن زِي قْبڒ. مَا وَار ثسِّينم شَا كنِّيو مِين يقَّار لْكِتَاب خ نَّبِي إِلْيَاس؟ وَامِي يشثْشَا غَار أَربِّـي زِي أَيث-إِسْرَائِيل ينَّا-ٱس:
مَامش يقَّار لْكِتَاب: <أُوْشَا يُوْمن بْرَاهِيم زِي أَربِّـي، ئِكَّر أَربِّـي يسمْصْڒَاح-يث اَكِذس س لْإِيمَان نِّي.>
أَقَا يقَّار-اَس لْكِتَاب إِ فِيرْعُوْن: <ݣِّيغ-اَش ذ اَزدْجِيذ حمَا اَذَايك د سْمظْهَارغ جّْهذ ينُو، حمَا اَذ يتْوَاسّن يِيسم ينُو ذِي مَارَّا دُّنشْت.>
أَمنِّي ؤُڒَا ذ يِنِّي يتْبشَّارن س لْإِنْجِيل، يُوْمَر خَاسن سِيذِيثْنغ اَذ كسِّين شَّارْض نْسن زِي لْإِنْجِيل.
زِي قْبڒ يخْبَار-د أَربِّـي ذِي لْكِتَاب اَذ يسْمصْڒَاح اَكِذس س لْإِيمَان يِنِّي وَار يدْجِين شَا زِي أَيث-إِسْرَائِيل. عْلَاحْسَاب مَانَاينِّي يبشَّر زِي قْبڒ بْرَاهِيم س لإِنْجِيل ينَّا-ٱس قَا اَذ تْوَابَرْكن مَارَّا ڒݣْنُوْس خ سَّبَاب نّش.
اَوَاڒ ن لْكِتَاب يقَّار: <أَرُّوْح نِّي إِي ذَايْنغ يݣَّا أَربِّـي يْعِيزّ خَاس اَطَّاس.> مَا تْغِير-أَوم اَوَاڒ نِّي وَار غَارس بُو ڒْمَعْنَا؟
