1 تيموتاوس 4:14 - ثريفيث 2020

¹⁴ وَار تْفرَّاط شَا ذِي لْقُدْرَا نِّي إِي ذَاش يمُّوْشن عْلَاحْسَاب اَوَاڒ نِّي اَصبْحَان إِي خَاش نَّان لْأَنْبِيَا وَامِي اَيْرَاو ن يمقّْرَانن ن جْمَاعث ن ڒْمُوْمِنِين سرْسن خَاش يفَاسّن نْسن.

1 تيموتاوس 4:14 交叉參考

ڒخذايم 11:30

أَمنِّي إِي ݣِّين جَارَاسن، ؤُشِين لْمُعَاوَنَا نِّي إِ بَرْنَابَا ذ شَاوُل اَت سِّيوْضن إِ يمقّْرَانن ن جْمَاعث ن ڒْمُوْمِنِين إِي يدْجَان ذِنِّي.

ڒخذايم 13:3

وَامِي ࢲُوْمّن ࢲُّوْدْجن، ڒخْدّنِّي سرْسن خَاسن يفَاسّن نْسن سّكّن-ثن.

ڒخذايم 19:6

وَامِي خَاسن يسرْس بُوْلُس يفَاسّن نّس، ئِهْوَا-د خَاسن أَرُّوْح يقدّْسن. بْذَان سَّاوَاڒن س لُّغَاث وَار يدْجِين بُو نْسن، سَّاوَاڒن س مِينْزِي عڒْمن زِي أَربِّـي.

ڒخذايم 22:5

أَرَّايس ن ڒْفُقَهَا ذ مَارَّا جْمَاعث ن يمقّْرَانن ن أَيث-إِسْرَائِيل نِثْنِي ذ ڒشْهُوْذ خ مَانَاينِّي. ؤُشِين-اَيِي اَرُّخْصَاث اَثنْت سِّيوْضغ غَار اَيثْمَاثْسن ذِي ثنْدِينْت ن دِمَشق. رُوْحغ ذِنِّي اَذ طّْفغ يوْذَان ن وبْرِيذ-أَ اَثن د اَوِيغ غَار لْقُدْس بَاش اَذ تْوَاعَاقْبن.

ڒخذايم 6:6

سبْعَا-يَا ن صَّحَابَا قدّْمن-ثن غَار اَرُّسُل، ࢲُّوْدْجن خَاسن سرْسن خَاسن يفَاسّن نْسن بَرَكن-ثن.

ڒخذايم 8:17

ثُمَّا بُطْرُس ذ يُوْحَنَّا سرْسن خَافْسن يفَاسّن نْسن أُوْشَا يمُّوْش-اَسن أَرُّوْح يقدّْسن.

1 أيث-سلونيك 5:19

وَار تْسخْسَايم شَا أَرُّوْح يقدّْسن.

1 تيموتاوس 1:18

آ وُلِدِي تِيْمُوْتَاوُس، أَذَاش ؤُشغ لْمَسْؤُلِيَا-يَا ثَانِيتَان عْلَاحْسَاب اَوَاڒن نِّي إِي خَاش نَّان لْأَنْبِيَا زِي قْبڒ بَاش خْمِي خَاسن غَا ثْعقْڒذ اَتَاف اَذ تْمنْغذ مْلِيح اَمنْغِي-يَا اَصبْحَان،

1 تيموتاوس 4:15

طبّق ثِمسْڒَايِين-أَ، سلّم-اَسنْت يخف نّش قَاع بَاش اَذ ࢲرن مَارَّا يوْذَان نَّجَاح نّش.

1 تيموتاوس 5:17

ئِمقّْرَانن ن جْمَاعث ن ڒْمُوْمِنِين يِنِّي يتحْكَامن مْلِيح أُو لَابُد اَثن تْوقَّرم ذ ضُوْبْلِي، خَاصَّتَان يِنِّي يخدّْمن اَطَّاس ذݣ وحدّث ذ وسڒْمذ.

1 تيموتاوس 5:19

وَار قبّڒ شَا تُّوْهْمث ضد إِ ؤُمقّْرَان ن جْمَاعث ن ڒْمُوْمِنِين إِلَّا مڒَا ذِنِّي ثْنَاين نِغ ثْڒَاثَا ن ڒشْهُوْذ تَهَامن-ث.

1 تيموتاوس 5:22

ئِفَاسّن نّش وَار تْقدْجِيق شَا اَثن تْسرْسذ خ شَان حَدّ، وَار شَرّش شَا ذِي ڒْمُعْصِيَاث ن مِيدّن. قِّيم شك ثصْفِيذ.

1 تيموتاوس 6:12

مْنغ اَمنْغِي نِّي اَصبْحَان ن لْإِيمَان، طّف ذِي ثُوْذَارْث نِّي وَار يفنِّين شَا اَڒ ذَاش د يڒَاغَا أَربِّـي وَامِي ثْشهْذذ شْهَاذث نِّي ثَصبْحَانْت زَّاث إِ وَاطَاس ن ڒشْهُوْذ.

2 تيموتاوس 1:6

خ مَانَايَا اَش فكَّرغ بَاش اَذ تْسنْهزّذ لْقُدْرَا نِّي إِي ذَايش يدْجَان زِي أَربِّـي عْلَاحْسَاب وَامِي خَاش سرْسغ يفَاسّن ينُو.