1 تيموتاوس 3:6 - ثريفيث 2020

⁶ أَرَّايس-أَ، مَاشِي يَالَّاه إِي يسْڒم اَذ يُوْفّ س تَّكبُّر خ ڒْخذْمث-أَ اَذ يوْضَا ذِي لْعُقُوْبَا نِّي ن إِبْڒِيس.

1 تيموتاوس 3:6 交叉參考

لوقا 10:18

ينَّا-ٱسن عِيْسَى: "تُوْغَا تْوَاڒِيغ شِيطَان يوْضَا-د زݣ وجنَّا مَامش د يوطَّا ڒْبَرْق.

1 أيث-كورينث 3:1

آي اَيثْمَا، نش تُوْغَا وَار زمَّرغ شَا اَكِذْوم سِّيوْڒغ اَم يِوْذَان يتݣّن اَرَّاي إِ اَرُّوْح ن أَربِّـي. لَّا، سِّيوْڒغ اَكِذْوم اَم يِوْذَان إِݣ يتݣّن اَرَّاي إِ نّفْس نْسن، أَم يسيْمَان وَاهَا إِي د يخڒْقن ذِي لْمَسِيح.

1 أيث-كورينث 8:1

فَا لْمَكْلَا يتْقدَّامن إِ لْأَصْنَام. نشِّين مَارَّا إِذْنغ غَارْنغ ثُوْسْنَا، يعْنِي نسّن ثِمسْڒَايِين. ثُوْسْنَا-يَا إِي نسّن تْسُوْفَّا يوْذَان س تَّكبُّر، وَلَكِن ڒمْحِبّث تَرْنِي ذَايْنغ جّْهذ.

22 أيث-كورينث 12:7

إِذن يمُّوْش-اَيِي يجّن ن وسنَّان ذݣ ويْسُوْم ينُو، مَايمِّي؟ حمَا وَار سمْغَارغ شَا يخف ينُو عْلَاحْسَاب ثِمسْڒَايِين-أَ يسْتْعجِّيبن إِي ذَايِي د يسْبيّن أَربِّـي ذِي لْوَاحِي. أَسنَّان-أَ ونِّي إِي د يسّكّن شِّيطَان يتْعدَّاب-اَيِي بَاش وَار سمْغَارغ شَا يخف ينُو.

1 تيموتاوس 3:7

أُو لَابُد عَاوذ اَث وقَّرن يِنِّي يدْجَان ن بَارَّا وَار يدْجِين شَا ذ ڒْمُوْمِنِين بَاش وَار خَاس تْعيِّيبن شَا يِوْذَان وَار يوطِّي شَا ذِي ثخْشبْث نِّي ن إِبْڒِيس.

1 تيموتاوس 6:4

اَتَاف نتَّا يُوْفّ س تَّكبُّوْر وَار يفهّم وَالُو قَاع. ئِهْڒش يرزُّو غِير اَمْخَرْوَاض ذ ؤُمْنَقَار خ وَاوَاڒن إِي زِي د يتَاس ڒحْسذ ذ ؤُمنْغِي ذ ڒْبَاطڒ ذ لْأَفْكَار ذ ثِعفَّانِين.

2 تيموتاوس 3:4

أَذ زّنْزن اَيثْمَاثْسن، أَذ ݣّن ثِمسْڒَايِين بْڒَا ڒَعْقڒ، أَذ ؤُفّن س نْفَاخث، أَذ حِبّن شهْوث نْسن وَار تْحِبِّين شَا أَربِّـي،

1 بطرس 2:2

إِڒِيث اَم يحْضِيضن، سْغُوْيِوث خ ؤُغِي نِّي يصْفَان ن أَرُّوْح يقدّْسن بَاش اَزَّايس ثمْغَرم ذِي لْإِيمَان نْوم إِݣ يسنْجَامن.

1 بطرس 5:5

آي يحنْجِيرن، كنِّيو طَاعث عَاوذ إِ يِنِّي يدْجَان ذ يمقّْرَانن. سْوجْذث يخف نْوم مَارَّا كنِّيو س يِجّن ن اَرَّاي اَك وَايَاوْيَا وَار ذَايس بُو تَّكبُّر مِينْزِي <أَربِّـي اَقَاث ضد ن يِنِّي يسمْغَارن يخف نْسن، يِنِّي يسمْزَاين يخف نْسن يتِيشّ-اَسن اَرْضَا نّس.>

2 بطرس 2:4

إِيوَا شُوْف، قَا أَربِّـي وَار يحِنّ شَا خ لْمَلَائِكَاث وَامِي ث عْصَانْت، ئِرُوْح يقنّ-يثنْت س سْنَاسڒ ينْضَر-يثنْت ذݣ يِجّن ن ثَادْجسْت ذ ثَبرْشَانْت ذِي لْأَخِيرَا مَانِي غَا رَاجَانْت يُوْم لْحِسَاب ذ لْعِقَاب.

ثبرات زي يهوذا 1:6

أَمُّو عَاوذ يوقْعن إِ لْمَالَائِكَاث نِّي إِي يُوْݣِين اَذ قِّيمنْت ذِي لْمَرْطَابَا نْسنْت ن سُّلْطَا سمْحنْت عَاوذ ذِي ثْزدِّيغْث نْسنْت. مِين ذَاسنْت يݣَّا؟ ئِقّن-يثنْت س سْنَاسڒ نِّي وَار يفنِّين شَا عمَّارْص، ئِبلّع خَاسنْت ذݣ يِجّن ن ثَادْجسْت ذ ثَبرْشَانْت اَڒ لْعِقَاب ن نْهَار نِّي اَمقّْرَان.