Marko 4:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Gaasoo la inti harrati haaggan khabto kadiheene, mujjum baheene, weynaateene, gurnaan deleen. Gaasoo kol tomon seyyah deleene, gaasoo kol tomon lih deleene, gaasoo laka kol kudoo deleen.”

Marko 4:8 交叉參考

Mattaayo 13:23

ꞌDooꞌd gaasoo a iꞌdi inti harrati haaggan khabto. Ilmohi harrata kadiho a iꞌdi eti Yeedi Waakh daago toro abti. Ulla gurnaan kol kudoo ommos kol tomon lih ommos kol tomon seyyah geeddi il lakachibe ꞌdirihiissa dela.”

Mattaayo 13:8

Gaasoo la inti harrati haaggan khabto kadiheene, gurnaan deleen. Gaasoo kol kudoo deleene, gaasoo kol tomon lih deleene, gaasoo la kol tomon seyyah deleen.

Marko 4:20

ꞌDooꞌd gaasoo a iꞌdi ilmohi harrati haaggan lakachibe. Icho Yeedi Waakh a daagaane toro khaattaane, gurnaanki buure delaan. Gaasoo kol tomon seyyah delaane, gaasoo la kol tomon lih delaane, gaasoo la kol kudoo delaan.”

Marko 4:7

Gaasoo laka inti geeyohi rurrucchule kudah khabo kadiheen. Geeyohaas la geeyohi soobahe afcheene ꞌdeerka gurnaan icho deleen mele.

Marko 4:9

Yeesso ꞌdeerka wihi us yidah, “Eti dogo khabo, a daago giꞌde!”

Luuka 8:15

Iꞌdaasenyi ilmohi harrati haaggan lakachibe a ꞌdooꞌdi hahhaaggane, uuri haaggan khabo Yeedi Waakh daago uuricho gessati, jeenteti us igarrahsatuu gurnaan delo.

Luuka 8:8

Gaasoo la inti harrati haaggan khabto kadiheen. Soobaheene gurnaan deleen. Geey ba kol kudoo geeddi il lakachibe ꞌdirihiis dele.” Chirri us yeediis massiche ka, riire wihi us yidah, “Eti dogo khabo, a daago giꞌde!”

Yoohana 15:5

“An a iꞌdi geeyi sabiibe, atin la a iꞌdi liikhimohaaya. Eti tuummane goyteey fiddiyo, anna goytiis fiddiyo, gurnaanki buurenye dela. Laanteey walah atin ꞌduuꞌddaan mele.

Yoohana 7:17

Eti tuummane wihi Waakh ꞌdoono yeelin ꞌdoono, usú waha an atin abcho Waakh kayimaateen ommos usú yeedeey on tahe a abta.

Hilassi Ergaano 17:11

ꞌDooꞌdi ilkerengeetti Beeroya la iꞌdi ꞌdooꞌdi ꞌDessaloonika menye, a ꞌdooꞌdoo mujjum dogo khabo, weyti wihi liidowo dagansati, Chiirnaanneti Waakh soomo usu wihi Baawulo illeh idoween rum yahiin yeyo.

Efeesso 2:21

Kiriisto ka min tuumman a iskhuccha, toro la buuraacha, ichoowka minki Waakhe buurenye lagane Kamur yateeh.

Fiiliffi 1:11

Iꞌda ka Yeesso Kiriisto ka gurnaanki fiffissane jirotiin goya buuhicha. Waha la Waakh weynaan ichoow koolo ikeenaan.

Kolossaay 1:6

Wora Haaggan a atin iyimiyye, ꞌdooꞌdi ittaawenye harra tuumman laka a kataaꞌha toro gurnaan dela. Waha la a wihi goytiin ka laka yitah, uus maanti kolooraat atin Wora rummaat daagteene, toro haaggi Waakhe buure runtiis tuum abatteen.