16 Tagaammeti amurre iche laka Farissaayee la, Yeessohi ꞌdooꞌdi iꞌdaase leegolossati agarte. Wihi iche abatti Yeesso worsatte, “Yeesso a iꞌdoh ꞌdooꞌdi kooddi goocho ichoow ki uskeel leh ileegolossata?”
A mehe Ínam Aadam a yimiyye ꞌdooꞌdi baabe yowta, riba.”
Ki Farissaayee tolossate, awtiissa on Waakh wahte wihi us yidah, ‘Okkhoow weyti kalaꞌd kisoolaaba ani iꞌdi ꞌdooꞌdi addane hatto lehe ommos iꞌdi ꞌdooꞌdi uskeel kajiro ommos eti makhaabassi tiis ieheynan leeurꞌdo ommos laka iꞌdi eta kooddi goocho menye.
Eti Rubeyti Munyee woyto walah tuumman icho haaggan ommos icho suuje a goocha. Iꞌdaasenyi eta etoo addan wahaas ma igoocho.
Riirit weyti buuraate ichoowka tagaammetoo amurre Muusa Farissaayee kahte, “Eta suujoon nah kaagarro mele,” tidah. “Eemba hertoo Waakhe leeyeedde, ommos wahanyeyyohoo Waakhe jiro khabo liiargine usu leeyeedde?”
ꞌDooꞌd dakkhan la chirri us waha arge ka, nyunnyuwe wihi us yidah, “Eta goobi eti uskeel lehe irta.”
Bal saggi us ꞌdooꞌdi uskeel khabe usu weyti ꞌdiiꞌddan us ikagarrahsate kamalda. Iꞌda yeela ꞌdee akurmina, toro la rubey iiche atin jebin.
“Eta mehe iꞌdaas kayadeeh? Wahaas gaf menya? Ayyo addane enenyet uskeeliis ikakuta, Waakh on menye?”
Chirri us ꞌdooꞌdaas sookute, urur Kiriisto icheek. Chirri us urur Kiriisto laka sookute, iꞌdi eti Waakh igaran ommos iꞌdi eti suujenye kooddi goocho iekkaacha.
Farissaayo chirri iche waha agarte ka, wihi iche abattitiis worsatte, “Eti atin iween a iꞌdoh ꞌdooꞌdi kooddi goocho ichoow ki uskeel leh ileegolossata?”
Chirri atin ꞌdooꞌdi atin ꞌdoono kalday on ꞌdoontaan, kalaꞌd atin sugtaan mele. A mehe ꞌdooꞌdi kooddi goocho laka iꞌdaas on yeela.
Saahka Yeesso min Laawi kagolossataayi, ꞌdooꞌdoo kooddi goocho ittaawe ichoow ꞌdooꞌdoo ꞌdooꞌdi uskeel leh liiekkaacho ittaawe yimiyye, Yeesso ichoow abattitiis ba leegolossate. A mehe ꞌdooꞌdi buurenye usu sooraahe.
Iꞌdaasenyi Farissaayo ichoow tagaammeti amurre iche laka Farissaayee nyunnyuute wihi iche abatti Yeesso itidah, “Atin a iꞌdoh ꞌdooꞌdi kooddi goocho ichoow ki uskeel leh ileegolossattaan?”
