Hilassi Ergaano 6:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Saahka maanti tiri abatti Kiriisto kasookhayme ka, ꞌdooꞌdi Yaꞌhuude afi Giriig daago yaafohi Yaꞌhuude afi Ibiraaniya daago leeiriire. Wihi tahe muunkhoyyohicho gololi maan dakkhan enenyet lagiso ma ꞌhelaan.

Hilassi Ergaano 6:1 交叉參考

Hilassi Ergaano 4:35

ergaano ikeena. Ebba la chilimme geeddi sinatiis tahe lasiicha.

Hilassi Ergaano 2:41

ꞌDooꞌdi yeediis khaatte labaattissiye. Maalinkaas ꞌdooꞌdi ururicho isookhaye, a geeddi et elif seyyah.

Yaakoobo 5:9

ꞌDooꞌd Kiriistokaaw, taba iiskaannyuwina, uus Waakh uskeel atin igoonne. Waakkhi enenyet hukkumo min khariissa sootoolla.

Hilassi Ergaano 9:39

Beetero la icho raahe. Chirri us sooeleele ka, lakhaate goonankaas saraat lageeche. Deyyehoti ittaawenye muunkheyyee la intaase tolossa ooyta. Ubbaarreti derdeer ichoow kabuuꞌddeti iche geeddi iche jirte tosse, Beetero tuseen.

Hilassi Ergaano 6:7

Yeedi Waakh ꞌdeerka taaꞌhe orey isohte. Tiri abatti Kiriisto ilkerengeetti weene Yeerusaleem ka weyti kakhayme, kuhaaniyyohi ittaawe laka Wori Haaggan kakhuufeen.

Hilassi Ergaano 2:47

Waakh koolichaan. ꞌDooꞌd tuumman la icho jilhaate. Maan dakkhan la Kamur ꞌdooꞌdi us ribo a ikasookhaye.

Fiiliffi 3:5

Inkoo an delde, an ibeen siyyeet barye, iche liikhandiye. ꞌDooꞌdi idele a Issiraayele, yaaf Beenjameene kayimiy. Hiiyyeey tuumman la Ibiraaniya kasoouummame. An rabitti Farissaayo weyti amurreti Yaꞌhuud raahto kijire.

Hilassi Ergaano 11:20

Iꞌdaasenyi gaasichokoo ili Kuuburo ichoow ilkerengeetti Kureene kayimiyye, ilkereengeetti Antiyookhiya irte, ꞌdooꞌdi yaafohi Yaꞌhuud ieheynan Wori Haaggane Yeessohi Kamure miinsan icheekeen.

Hilassi Ergaano 9:41

Ulla dahan sookhabte toolliche. ꞌDeerka muunkheyyo ichoow ꞌdooꞌdi Kiriisto rummeeste soowahe, ichehi nool dahanticho gesse.

Hilassi Ergaano 9:29

Ulla ꞌdooꞌdi Yaꞌhuude afi Giriig daago leeyyeede toro leeiriire, iꞌdaasenyi usu ogoos yowteen.

Hilassi Ergaano 5:14

Eheetteey laka, enenyeti buurenye Kamur rummeeste, mejel ichoow deyyeho liikasookhaye.

Hilassi Ergaano 4:4

Iꞌdaasenyi ꞌdooꞌdi ittaawenye yeedicho daage, Yeesso rummeeste. Tiri ꞌdooꞌdi Kiriisto rummeeste geeddi elif chan yitah.

Ibiraaniya 13:1

ꞌDooꞌdi Kiriisto rummeeste tuumman la orey a isohti, a isꞌdoono giꞌde.

2 Koriinto 11:22

Icho a ꞌdooꞌdi Ibiraaniya? Ani laka. Icho saggi ꞌdooꞌdi Issiraayele Waakh iwahtaan? Ani laka. Icho hiiy Aburaahame kayimaateen? Ani laka.

Hilassi Ergaano 2:45

ꞌDooꞌdaas hoolahicho ichoow meehichooda ororicheene, ebba geeddi sinatiis tahe u, chilimme lasiiche.

Mattaayo 23:13

“Atinhi tagaammeti amurree ichoow Farissaayo ba, iskaayyeessooy, sinati atin sugto eenna a buure! Atin aritti dakhi goobi Waakhe ꞌdooꞌd kahiddaane, atin rubeytiin la goobi Waakh ma gessaane, toro la ꞌdooꞌdi gelin ꞌdoono kajeyissaan.

Yaakoobo 4:5

Ommos Chiirnaanneti Waakhe, “Rubeyti Waakh goyteen gesse inaafe leetahe,” elatti a immarah on a?

Yaakoobo 1:27

Jitaas inno Waakkhi Aabbaheene mujjum karaahno us khaatti uruftoo rucchul laka ikhabine toro wohoo ikaankhaneynan, a ki nyaakhuti abar ichoow ooyo laa ichoow muunkhoyyo sinayyohicho ka mujjum lawoywoyo. Toro la wahanyeyyohi harratane sussuujenye enenyet biꞌdirroocho islakalaabo.

1 Timooti 5:9

Muunkhoti magahiche ꞌdooꞌdi lagargaaro goya lakachiiro a ti guꞌh tomon lih ꞌdirihiche khabto, goorat makhaabaloo kalday on khabte,

1 Koriinto 10:10

ꞌDooꞌdaas gaasoo a nyunnyuwe, herti Waakhe walah uskulaasso icho bakkisse. Uus inno iꞌdichuu nyunnyuwin giꞌde.

Hilassi Ergaano 5:28

“Nah goorat a katirriinsanne, amur atin ibihinne, uus atin magahi reenkaas ichoow yeediis enenyet abin. Iꞌdaasenyi wori Yeesso miinsan ilkerengeetti weene Yeerusaleem tuumman a kataaꞌhisseene, toro diiggiis nahe nah korin ꞌdoontaan.”

Hilassi Ergaano 6:2

ꞌDeerka ergaanoti tomon ichoow lammee abatti tuumman isiwahte, wihi iche itidah, “Ma haaggan chirri nah Yeedi Waakh cheeknaan ꞌdiinno, ꞌdee nah golol ꞌdooꞌd gisno.

Hilassi Ergaano 11:26

Chirri us Saawulo ꞌhele ka, sookhaate ilkerengeetti Antiyookhiya keene. Barnaba ichoow Saawulo guꞌhoo tuumman urur Kiriisto isꞌheleene, toro la ꞌdooꞌdi ittaawe wori Waakh mujjum abcheen. Ilkerengeetti Antiyookhiya iche abatti kolooraat ꞌdooꞌd Kiriisto lakiidah.

Hilassi Ergaano 11:29

Abatti ebba gargaar geeddi us yabuuꞌd ꞌdooꞌdi Kiriisto rummeeste ili Yaꞌhuudiya ibihin gooche.

Rooma 12:7

Chirri siinti Waakh kisiiche ti enenyet liihilo tahe, enenyet ihil giꞌde. Chirri siintaah ti enenyet walah laabcho tahe, enenyet mujjum wihi rummaat abi giꞌde.

1 Timooti 5:3

Muunkhoyyohi walah ikhabin mujjum inkaanyite wihi icho laayahin sii.