Bakkaahit 2:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Geeddi atin sookufteen kasooꞌhela! Uskeeliin kasoonokhda, wihi atin uumaccho ka yeesseen yeela. Chaꞌatin uskeeliin ikasoonokhan, an a atin iamiite, reenkiinki taa lakorcho meessiis kabahcha.

Bakkaahit 2:5 交叉參考

Mattaayo 5:14

“Atin iꞌdi banay u, enenyeti harratane jiti Waakh tussaan, ilkerengeetti hal sartiis kadisan la ma ladabo.

Mattaayo 5:15

Toro la et taa bolkhicho baakhuul kaankubo mele. Taa a labolkhicha kombor lakorcha, ꞌdee eti tuummane min goya kajiro il kaarga.

Marko 12:9

“Kamalda bal, eti gosi sabiib leh ꞌdeerka mehe yeela? A yamiite ꞌdooꞌdaas yagiise, ꞌdee gos ꞌdooꞌdoo addan gessa.

Luuka 1:17

Ulla miig ichoow rubeyti eti goorat Waákh íyeyyeedo Eliiya layadeeh khabe iche khaba, Kamúr ortiis sohta. Ulla ooyenye ichoow nyaakhutichooda isineybicha, ꞌdooꞌdi yeed idaagin kharati ꞌdooꞌdi fiffissan ilaaba, ꞌdee ꞌdooꞌd emeetti Kamur itannabicha.”

Luuka 20:16

A yamiite, ꞌdooꞌdaas gos kireeste bakkicha ꞌdee gos ꞌdooꞌdoo addan gessa.” Chirri ꞌdooꞌd ayta daage ka wihi us yidah, “Waakh meesseen bujiiy!”

Galaatiya 5:4

Atinhi amurre raahin ꞌdoontaane ꞌdee Waakh ꞌdooꞌdi fiffissan atin iekkaacho, Kiriisto a atin lakagooche, toro la haaggi Waakhe buure a rogteen.

Fiiliffi 2:15

Iꞌda ka nyaakhuti Waakhe wohoo rucchul laka liikacheekanne toro la eloo rucchul laka ikhabine tateehiin. Atin ꞌdooꞌdi iꞌdeenye khollokkhane toro ꞌdooꞌdi addan baabiicho goycho ka, a iꞌdi yiyyihimohi harrata ka mugꞌdi goya kabildiikho,

Ibiraaniya 10:32

Bal saggi atin dowwanohi atin Yeesso Kiriisto rummeysatteen ijirteen kasooꞌhela. Sinati buurenye atin tuhuyye, iꞌdaasenyi atin a garrahsatteen one, yombo ma inokhan.

2 Beetero 3:17

Maantaka aalasseeyki an weyti ꞌdoono, waha orey on garatteen gone taba isyaakhicha. Uus suujoonki ꞌdooꞌdi hugumme iraahin atin ekkeysanne luhlo atin kakhaatin. ꞌDooꞌda iꞌdane atin yeela ꞌdee kakhuufnaanki atin Waakh kakhuuftaane isesseehin ka kuftaan.

Yuuda 1:24

Toollaka weynaan tuumman a ti Waakkhi tarraantarran atin kaholin yabuuꞌde, toro la atinhi wohoo rucchul laka atin liikacheekan hamaadi buure khabtaani ortiisti ababto atin keeno.

Bakkaahit 1:20

Wihi dagsane at agarte, bakkaalleti teebeenye an dahanti miigeet kakhuccho ichoow reemassi ꞌdahabe teebeenye taa lakorcho miinsan kallaayo. Bakkaalleti teebee, herti Waakhe ururre Kiriistoti ilkerengeetohi teebee iche itoollaan. Reemassi teebeenye taa lakorcho la, ururreti teebeenye kooba ururoo itoolla.”

Bakkaahit 16:9

Kuleeli weyti buure enenyet gube, icho la magahi Waakkhi sinayyoha khuccho igafeen. Iꞌdaasenyi icho uskeelicho kasoonokhan ichoow Waakkhi icho weynaachaan ꞌdiiꞌdeen.

Bakkaahit 2:16

Maantaka uskeel kasoonokhda. Chiꞌiche iꞌdaas ieheynan, a amiite birlabi afeey kasoobaho ka ꞌdooꞌdaas diha.

Bakkaahit 2:19

Wihi atin yeessaan ichoow ꞌdooninti atin isꞌdoontaan ichoow kakhuufnaanki atin Waakh kakhuuftaan ichoow saggi atin isihissaan ichoow garrahsihiin a garda. Toro la saggi atin toolla wihi goorat atin yeesseen rumanka ꞌdirihicho iyeessaan a garda.

Bakkaahit 2:2

Wihi atin yeessaan ichoow holi atin dowtaan ichoow saggi atin igarrahsattaan a garda. Saggi atin ꞌdooꞌdi uskeel leh iꞌdiiꞌddaan a garda. ꞌDooꞌda ergaano Kiriisto iskaayyeelo iꞌdaasenyi ieheynan a kajjeene, beenticho agarteen.

Bakkaahit 3:19

ꞌDooꞌdi an ꞌdoono a leejaakha toro sirbi gessa. ꞌDeerka taba uurassiin tuumman ka ichoow walah tuumman ka tuum uskeel kasoonokhda.