Bakkaahit 17:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Binaha at agarte ichoow gaasohi tomone la malaaya a nibhaataan. Icho la wihi iche khabto tuumman a kakhaataane, murukh katabaane, jidiche yamhiine, toro la iche ꞌdab ka gubaan.

Bakkaahit 17:16 交叉參考

Bakkaahit 12:3

ꞌDeerka girmohoo addan sereyta daayan ka soobaheen. Waha la a khorojebsihoo buurenye guuꞌddane, matah teeba ichoow gaas tomon khabo, matah ba la ꞌduuboo khabo.

Bakkaahit 16:12

Herti Waakhe lihnaatteet wihi baakhuuliche kajire hawti buurenye ꞌdusso Yuufereet kakhubte, bicchehiche angageene, ꞌdee karnatohi beri kayamiit jit iyeessa.

Bakkaahit 17:10

Matahenyeta teebee toro karnat teeba itoollaan. Karnatoha teebee, chane a tuunte, koo uliba a karnate, ki addan uliba ma imaatan. Iꞌdaasenyi maanti us yamiit, geeddoo rucchul on karnat yateeh.

Bakkaahit 18:19

Icho la a ooyaane uuwwichaane toro ebeer matah iskachibaane, wihi icho yadeehiin, “ ‘Uuwwiy! Uuwwiy! Ilkerengeetta weenoow, kamurroonkicheeda ꞌdooꞌdi koobano khabo, bey ka bacchaarti kamurrowe. Sahaꞌddoo kalday goya on ka walah dakkhan bar latire!

Bakkaahit 18:8

Maantaka ibeenkoo kaldach on sinayyohiche iche kahataataane, omoot ichoow oytim ichoow abaár ikeena. Iche ꞌdabe yaham, a mehe Kamuri Waakhenye ween iche a hukkuma.”

Bakkaahit 19:18

ꞌdee sarti karnatoot ichoow ti ꞌdooꞌdi iskar iwewween ichoow ti iskarti mimmiige ichoow ti faraꞌdeet ichoow ti iskarti faráꞌd fuusso amha. Sarti bowꞌdayyoot ichoow ti ꞌdooꞌdi bowꞌdayyo ieheynan ichoow sarti ꞌdooꞌdi wewween ichoow ti ꞌdooꞌdi ꞌdaꞌddaran amha.”