Bakkaahit 15:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Wahanyeyyohi affarenye lasoouume rubey khabo kichekoo herti Waakhe teebee kooba baakhuuli ꞌdahabe, holi Waakkhi jirtuu tuumman jiro buuho idiibte.

Bakkaahit 15:7 交叉參考

Bakkaahit 16:2

Herti Waakhe oraat la iratte, wihi baakhuliche kijire harra kakhubte. Jiisohoo uskule weyti bolokhe ꞌdooꞌdi sumatti binaat khabo toro iyookkoti binahaas wahte sar kasoofoofeen.

Bakkaahit 10:6

Magahi Waakkhi jirtuu tuumman jiro, sereyta daayan ichoow harra ichoow bey ichoow wihi tuummane goya kijiro soouume kadaatatte, mehe tidah ya, “Waakh kola wihi goorat us yeelin gooche ka ma malmalo.

Bakkaahit 5:8

Chuꞌus khaate ka, wahanyeyyohi affarenye lasoouume rubey khabo ichoow ewweenki tomon lamma ichoow affare ba Heleem ortiis ka il guꞌddeen. Kooba la reenkoo ꞌhaab layadeehe chirri geeyo ladowo laguꞌddo ichoow baakhuuli ꞌdahabe uyuuggi lagubo kajiro iche khaba. Uyuugga la weysihi ꞌdooꞌdi Waakhe itoolla.

Bakkaahit 21:9

Herti Waakhe teebeenye baakhuulleti teebeenye sinayyohi yomboot buuhaan khabte kichekoo yimiyye ileeyeede wihi us iyidah, “Kaale, nyarnyaar a kituso, iche a makhaabassi Heleem.”

Bakkaahit 15:1

Goobi Waakh ka toro wohoo buurenye girmeenye miigti Waakh tuso arge. Herti Waakhe teebeenye sinayyohi teebeenye harra yaham sookhaatto arge. Waha a sinayyohi ꞌdaꞌddaboot, a mehe sinayyohaas ka holi Waakh a massata.

1 'Dessaloonika 1:9

Iꞌdi tahe icho rubeycho saggi atin goorat nah imartisatteen ichoow saggi atin iyookkoyyohi beenaate Waakh lakayeessi atin orey wahatteen ikasoonokhatteene, ꞌdee atin Waakkhi jiro toro rummaat ikafassaan a cheekaan.

Bakkaahit 1:18

An a Ki Jiro Leh. Ani a umuyye, yeya jirtuu tuumman la a jira. Ani omoot anto a kakhaba, toro fureyyohi meessi ꞌdooꞌdi tuume kijiro a khaba.

Bakkaahit 4:10

ewweenki tomon lamma ichoow affare Waakh ortiis ka jilbo il kaguꞌdda, Waakkhi jirtuu tuumman jiro wahtaan. ꞌDuubassicho komborti antoot orche yassilliine, wihi icho dowtaan,

Bakkaahit 14:10

ullaka farsoti sabiibe holi Waakh itolosso soodama. Hola la, farsoti sabiibe miigenye bicchehoo rucchul laka liikakhayine kokkoob lakachibo liiokkanaache. Waakh eta herti Waakhe munyee ichoow Heleem ortiis ka dagahti bolokhto ka weyti bolokh tusa.

Bakkaahit 17:1

Herti Waakhe teebeenye baakhuulle khabto goyaka, too itimiyye wihi iche ani itidah, “Kaale, hukkunki Waakh malaayata weene bicchehi ittaawe kafiddiito igoocho a kituso.