Bakkaahit 13:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Binahaas la geeddi nool Waakhe igafaane toro magahi Waakh ichoow fiddiitoti Waakh ichoow ꞌdooꞌdi tuummane goobi Waakh kijiro abaara.

Bakkaahit 13:6 交叉參考

Mattaayo 12:34

Dessi toof! Saggoh wihi haaggan itadeehiin chirri atin uskeel kajirtaan? Iꞌdi tahe wihi uuraah goya buuho iche afaah leeyamiit.

Mattaayo 15:19

A mehe enenyet uuriis goya iche mali suuje kayamiit iꞌdi maanta ogoossi dubunuunu lagelo, mejeli makhaabassi tiis ieheynan leeurꞌdo ichoow sohoꞌddarri ichoow hatto ichoow garti beenaat ichoow ham.

Yoohana 1:14

Ki magahiis Yeed layadeeh weeli enenyet yitahye, harrata ka goyteen furte. Inno la weynaantiisti weyti haaggan a agarre, weynaanti weeli keleyenye Waakh. Ulla usuhi haaggi Waakhe buure ichoow rume buuhaane Aabbaheen kayimiy.

Rooma 3:13

“Yeedi aficho kasoobaho omoote keena, harrabbeticho la yeedi beenaat on yeyyeedda.” “Ayti furuurohicho leetamiit a iꞌdi hadaadohi toof.”

Kolossaay 1:19

Iꞌdi tahe wihi Waakh kahamaadiche, a buuhiiski tuum weeliis goya fiddiyo,

Kolossaay 2:9

A mehe tuunki Waakh sarti enenyete Kiriisto kayaal.

Ibiraaniya 9:2

Eemati Waakhe ladise, meel lamma seley liigooche. Goonanki oraat la Meessi Lagan iche layadeeh. Meessa la reenki taa lakorcho ichoow kombortoo ballaaddane makaateyyohi kuhaaniyyo Waakh ibahcheen fuuleen, iche kijirte.

Ibiraaniya 9:24

Iꞌdi tahe Kiriisto Meessi Lagane weeli enenyet haaggiche iyookkoti ti rummaate ma gelin. Usu goobi Waakh rubeytiissa gele. Ulla toolla Waakh ortiissa kajira, inno iyeyyeeda.

Bakkaahit 11:12

ꞌDooꞌda lammee ꞌdeerka hooyoo buurenye goobi Waakh ka icho leeyyeedo, “Inta saraat amiita,” idowo daage. Icho la chiiyticho ꞌdeyꞌdoossaayi, mirisoo ka goobi Waakh ikoreen.

Bakkaahit 12:12

Maantaka, goobassi Waakh ichoow atinhi kajirtaan ba, weyti hamaada! Iꞌdaasenyi atinhi harra ommos bey goya taalliin, sinati atin sugto eenna a buure! Iꞌdi tahe Seytaan a atin isookhubte. Ulla holi buurenye khaba, a mehe us saggi ibeennetiis igaabatte a garta.”

Bakkaahit 15:5

Anna waha ꞌdubicho ka yeye, minki Waakhe buure usuhi goobi Waakh ka fahan arge. Minka la a eemati saggi Waakh ileejiro tusso.

Bakkaahit 18:20

Atinhi goobi Waakh kajirtaan, taba giꞌde ilkerengeetta weyti kahamaada! ꞌDooꞌdi Waakh ichoow ergaano ichoow ꞌdooꞌdi Waákh íyeyyeedo, taba hamaada. Jeenteti wihi iche atin yeessuu, Waakh iche sina a igooche.’ ”

Bakkaahit 21:3

Hooyi buurenye komborti antoot kasooyeedo daage, wihi us yidah, “Yeya, Waakh kola weeli enenyet goya furta. Ulla icho a leefiddiya, icho la ꞌdooꞌdiis yateehiin. Waakh rubeytiis la icho a leejira, ulla Waakkhichooda yateeh.

Bakkaahit 4:1

Waha ꞌdubicho ka toro fooltabchotoo afafhi goobi Waakhe furan arge. Hooyi kootte saggi arabi laafuufo iyeedo an daage toro ileeyeede, wihi us iyidah, “Inta saraat amiite, wihi Waakh gooche inkoo waha kuteen sooyateeh a kituso.”

Bakkaahit 4:4

Toro kombortaas antoot komborohoo addane antoote tomon lamma ichoow affarenye, tooba la ewweenkoo kafiddiyo iche kamarsan. Ewweenka la gaaddi daddakhan ichoow ꞌduubi ꞌdahab lakahaaggiche iche matahenye kakhaba.

Bakkaahit 5:13

ꞌDeerka wihi lasoouume serey kajiro ichoow wihi harra sarche kijiro ichoow wihi harra iliche kajiro ichoow wihi beyohi burbuure goya kijiro tuumman la ichohi waha dowti daage, “Waakkheenki komborti antoot kafiddiyo ichoow Heleem ba, a lasaaꞌdo, a liinkaanyito, a laweynaacho, miig ticho a titaahe jirtuu tuummamba.”

Bakkaahit 7:15

Maantaka, “icho komborti Waakhe antoote ortiis toollaane, maalim ichoow ibeen minkiiski buure ka usu ihilaan. Waakkhi kombor kafiddiyo la eematiis ka icho a ogooga.

Bakkaahit 7:9

Waha ꞌdubicho ka an yeye, orteey ka ururi weyti buurenye ekkees liiubaaꞌdane ilal tuumman ichoow yaafo tuumman ichoow ꞌdooꞌdi fil tuummane ichoow afaf tuumman kayimiyye komborti Waakhe antoot ichoow Heleem ortiis ba toollo arge. Icho la kabuuꞌddeti daddakhane gessateene toro la seytohi geeyi baare dahanohicho ka khucchaan.