Bakkaahit 12:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ ꞌDeerka girmohoo addan sereyta daayan ka soobaheen. Waha la a khorojebsihoo buurenye guuꞌddane, matah teeba ichoow gaas tomon khabo, matah ba la ꞌduuboo khabo.

Bakkaahit 12:3 交叉參考

Bakkaahit 12:1

Girmohoo buure sereyta daayan kasoobaheen. Makhaabassoo orrahe kaankubantahe soobahte. Iche la yeyyahe katolossa, ꞌduubi bakkaal tomon ichoow lamma khabo la matah kakhabta.

Bakkaahit 12:13

Khorojebsi inkoo us saggi harra liikasoolugꞌde kase ka, makhaabassi kootte inankoo desse kalooꞌde.

Bakkaahit 12:17

Khorojebsi ꞌdeerka makhaabál ihollowe, nyaakhuticheki addan diho kiirte. Waha la a ꞌdooꞌdi amurreti Waakh raaho, toro la runti Yeesso soobabbakkaahiche kakhuufo.

Bakkaahit 12:4

ꞌDubiis ka, yiyyihimohi saraat goonan seyyah goyaka goonankoo soojiite, harra isookhube. Khorojebsiha weeli makhaabassi kootte soodesso orche tolossate, ꞌdee weel uus dessi yaham.

Bakkaahit 12:7

Goobi Waakh ka la diho a jirte. Herti Waakhe weene Miikayel layadeeh ichoow herticheti Waakhe addan khorojebsi isjaheen. Khorojebsi ichoow hertiis diho geleen.

Bakkaahit 12:9

Khorojebsiha buure il liisooseye, ulla a ki goorat archiiy jire, magahiis la ki ꞌdooꞌd hanti ommos Seytaan iche layadeeh. Usu ꞌdooꞌdi harra tuummane jit buucha. Ulla hertiis khabaayi harra liisooseye.

Bakkaahit 13:1

Khorojebsi la bey afiche tolossate. Anna binahoo bey goya kasoobaho arge. Binaha matah teeba ichoow gaas tomon iche khabaan. Gaas ba la ꞌduube fuula. Matah ba la magahoo Waakh igafo kachiiran.

Bakkaahit 13:2

Binaha an arge kabbile iyoogyahiine, iꞌdaasenyi luhlo a iꞌdi luhlohi binahoo weyti buurenye goffanneti derdeer khabo, af la a iꞌdi afi bahassi. Khorojebsi miigtiis ichoow kombortiis ichoow antohiis binahane siiche.

Bakkaahit 13:4

Jeenteti khorojebsi anto binaha isiichuu, weeli enenyet tuumman khorojebsi wahte. Toro binaha laka wahteene, wihi icho worsateen, “Etoo maanta iꞌdi binahee jiraayi? Ayyo kan diho kiiran yabuuꞌd?”

Bakkaahit 15:1

Goobi Waakh ka toro wohoo buurenye girmeenye miigti Waakh tuso arge. Herti Waakhe teebeenye sinayyohi teebeenye harra yaham sookhaatto arge. Waha a sinayyohi ꞌdaꞌddaboot, a mehe sinayyohaas ka holi Waakh a massata.

Bakkaahit 16:13

Ani la ꞌdeerka ginna seyyah rah iyoog arge. Too afi khorojebsi goya kasoobahte, too la afi binahi oraate goya kasoobahte, ti addan la afi eti eti Waákh íyeyyeedo iskaayyeelo goya kasoobahte.

Bakkaahit 17:12

“Gaasohi tomonenye at agarte, karnatohi tomonenye uliba ilassi icho dakhtaan iꞌheline itoollaan. Iꞌdaasenyi karnatoha antohi icho sahaꞌddoo kalday binahaas harra leedakhtaan a ꞌhelaan.

Bakkaahit 17:16

Binaha at agarte ichoow gaasohi tomone la malaaya a nibhaataan. Icho la wihi iche khabto tuumman a kakhaataane, murukh katabaane, jidiche yamhiine, toro la iche ꞌdab ka gubaan.

Bakkaahit 17:7

ꞌDeerka herti Waakh wihi iche ani itidah, “A iꞌdoh igirmeysatta? Wihi dagsane makhaabassa ichoow binahi iche koorromatte matah teeba ichoow gaas tomon khabo miinsan, a kisoobabbakkaahicha.

Bakkaahit 19:12

Indohiis la iꞌdi ꞌdab u a bildiikhaane, matakkiis ka la ꞌduubassi ittaawenye khaba. Sartiis magahoo kachiirane, iꞌdaasenyi usu on garta, et addane wihi magahaas tahe garti mele.

Bakkaahit 20:2

Herta Waakh la khorojebsihi archiiy jire magahiis ki ꞌdooꞌd hanti ommos Seytaan layadeeh khabatte, guꞌh alifoo hidde.