Bakkaahit 11:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Inkoo icho farniinki Waakh cheekeene icho massicheen, binahi keleyenye ankhari dahane ieleelin kasoobaho ꞌdooꞌda lammee a diha, sooricha, bakkicha.

Bakkaahit 11:7 交叉參考

Luuka 13:32

Yeesso wihi us ilaabe, “Nyaama ꞌdowwohotaas wihi atin itadeehiin, ‘Ani maalinka ichoow saahta ba ꞌdooꞌd ginnayyo kabahcha, ꞌdooꞌd samaacha, ibeenki seyyahnaatteet ka la hili goorat an iimiy massicha.’

Luuka 8:31

Ginnayyo la inonnokhteene Yeesso hawwaasteen, uus ankhari dahane ieleelin iergine.

Yoohana 17:4

Hili goorat at dahanoheey soogelisse an massiche ka, harrata ka an a kiweynaache.

Yoohana 19:30

Chirri us farsota surrukhe ka Yeesso wihi us yidah, “Walah tuumman a massateen.” Wahaas ka matah soolugꞌde, rubey gooche.

Hilassi Ergaano 20:24

Iꞌdaasenyi jiroteey walah iche ileetahe mele. Wihi ileekhumman, a anihi weyti hol dowo, hili Waakhe Yeessohi Kamure dahanoheey soogesse massicho. Hila la a Wori Haaggane an haaggi Waakhe buurenye inno imunneynan enenyet icheeko.

2 Timooti 4:7

Dihoti an kijire mujjume kijire, oriisihi an kijire la a massiche, wori Kiriisto miinsan la mujjume kakhuufe.

Bakkaahit 11:3

Ani la ꞌdooꞌdeeyki lammeenye garti runteey laabo miig a siicha, icho la maan alifoo ichoow kud lamma ichoow lih Waákhe íyeyyeedaan. Icho la ingaꞌdaaꞌdiyyo gessataan.”

Bakkaahit 12:17

Khorojebsi ꞌdeerka makhaabál ihollowe, nyaakhuticheki addan diho kiirte. Waha la a ꞌdooꞌdi amurreti Waakh raaho, toro la runti Yeesso soobabbakkaahiche kakhuufo.

Bakkaahit 13:11

Toro binahoo addane harra goya kasoobahe arge. Binaha iꞌdi heleenkoo u, gaas lamma khabaane, iꞌdaasenyi hooyi iꞌdi ki khorojebseenye kayeede.

Bakkaahit 13:7

Binahaas la miigti us ꞌdooꞌdi Waakh kadihaane toro icho kasoorichaan a lasiiche. Binaha la toro antohi us yaafo tuumman ichoow ꞌdooꞌdi fil tuummane ichoow afaf tuumman ichoow ilal tuumman kadakhti laka lasiiche.