Bakkaahit 10:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Maanti herti Waakhe teebannaatteet arab sooafuufto, wihi dagsane Waakh isoobabbakkaahin, saggi us ꞌdooꞌdi Waákh íyeyyeedo falfayyohiise icheeke on u, Waakh a buuhicha.”

Bakkaahit 10:7 交叉參考

Hilassi Ergaano 3:21

Iꞌdi goorat archiiy Waakh ꞌdooꞌdiiski munyeenye usú íyeyyeedo ka cheekuu, wihi Waakh gooche, Yeesso goobi Waakhe fiddiya ichoowka ibeenki Waakh walah tuumman husubnaacho yateeh.

Rooma 11:25

ꞌDooꞌd Kiriistokaaw, runtoo dagsane an atinhi abattaan ꞌdoono iche jirta, uus ꞌdee atin wihi atin tahiin ka weyti serey isgeenne. Waha la iꞌdicho a iꞌda, ꞌdooꞌdoo Issiraayel matahenyeticho a lamiigooche, iꞌdaasenyi ꞌdee maanti ꞌdooꞌdi yaafohi Yaꞌhuud ieheynan tiricho buuhsame, matahmiigtichotaas a massatta on.

Rooma 16:25

Waakh saaꞌdno! Us kakhuufnaanki atin Kiriisto kakhuuftaan ka atin miigoon a yabuuꞌd. Ulla Wori Haaggane Yeesso Kiriisto miinsane an cheeko ka waha yeelin a yabuuꞌd. Wora Haaggan la a ki inno awteen u iabanne, Waakh kalday on inno isoofura. Runta la a ti Waakh guꞌhassi ittaawe dagche.

Bakkaahit 14:6

ꞌDeerka hertoo Waakhe addane serey katariꞌd arge. Iche la Wori Haaggane jirtuu imassanne khabte, ꞌdee weeli enenyete harra kijiro, ilal tuumman ichoow yaafo tuumman ichoow afaf tuumman ichoow fil tuummane icheekta.

Bakkaahit 17:17

A mehe Waakh karnatoha maliissa uurassicho gesse, ꞌdee malaas ka wihi us ꞌdoono yeelaan. Karnatoha a isleegoochaane, antohichoki icho yaafo kadakhtaan binahi oraat siichaane, ichoowka yeedassi Waakh labuuhicha.