Bakkaahit 10:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Magahi Waakkhi jirtuu tuumman jiro, sereyta daayan ichoow harra ichoow bey ichoow wihi tuummane goya kijiro soouume kadaatatte, mehe tidah ya, “Waakh kola wihi goorat us yeelin gooche ka ma malmalo.

Bakkaahit 10:6 交叉參考

Bakkaahit 1:18

An a Ki Jiro Leh. Ani a umuyye, yeya jirtuu tuumman la a jira. Ani omoot anto a kakhaba, toro fureyyohi meessi ꞌdooꞌdi tuume kijiro a khaba.

Bakkaahit 12:12

Maantaka, goobassi Waakh ichoow atinhi kajirtaan ba, weyti hamaada! Iꞌdaasenyi atinhi harra ommos bey goya taalliin, sinati atin sugto eenna a buure! Iꞌdi tahe Seytaan a atin isookhubte. Ulla holi buurenye khaba, a mehe us saggi ibeennetiis igaabatte a garta.”

Bakkaahit 16:17

Herti Waakhe teebannaatteet wihi baakhuuliche kijire, hafar kakhubte. Hooyoo buure minki Waakhe buure goyaka komborti antoote Waakhe ka usuhi sooyeedo daage, wihi us yidah, “Walah tuumman a massateen.”

Bakkaahit 21:6

Ulla wihi us ani iyidah, “Walah dakkhan a layeele! Ani Uumaccheenye toro ani on ꞌDaꞌddabee. An walah tuumman orcho a jire, walah tuumman ꞌdubicho laka a jira. Eti subgaate, an iꞌdaanu bicchehi issi jiro kayamiit siicha.

Bakkaahit 4:10

ewweenki tomon lamma ichoow affare Waakh ortiis ka jilbo il kaguꞌdda, Waakkhi jirtuu tuumman jiro wahtaan. ꞌDuubassicho komborti antoot orche yassilliine, wihi icho dowtaan,

Bakkaahit 4:11

“Kamuraanyaaw ichoow Waakkhaanyaaw, saaꞌdo ichoow inkaanyit ichoow miigti at ꞌhesso a kimaleen. A mehe ati on walah tuumman soouunte, ꞌdoonintaah ka walah tuumman a soouunte, toro la walah tuumman jiro a khabaan.”

Bakkaahit 4:9

Chirbaaw wahanyeyyoha affarenye lasoouume rubey khabo Waakkhi jirtuu tuumman jiro komborti antoot kafiddiyo saaꞌdaane, inkaanyit tusaane, toro la kalaꞌd ilaabaan,

Bakkaahit 6:11

Kooba ꞌdeerka kabuuꞌdoo dakhan lasiiche, iꞌdaaru nasa ichoowka tiri ilbooyyeti wahalhicheenye toro Kiriisto rummeysatte iꞌdichuu lasoobakkicho a labuuhicho liidah.