Bakkaahit 1:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Buugga eti atin isoochiiro a Yoohana. Ururre Kiriistoti an ichiiro la a ti teebeenye ili Aassiya kijirto. Waakkhi toolla jiro, goorat laka jire, toro jirtuu tuumman soojiro, ichoow rubeyohi teebeenye kombortiisti antoot ortiis kijiro ba atin imaalaane nebey atin kakaalaan.

Bakkaahit 1:4 交叉參考

Yoohana 1:1

Uumaccho ka ki magahiis Yeed layadeeh a jire one, Yeed Waakhe leejire, Yeed la a Waakh ekkatiissa.

Hilassi Ergaano 19:10

Guꞌh lamma tuumman ba saggaas on isohte ichoowka ꞌdooꞌdi boroofenhi Aassiya kajiro tuumman ki Yaꞌhuud ichoow ki Yaꞌhuud ieheynan ba Yeedi Kamur daage.

Hilassi Ergaano 2:9

Bal yaafohi inno nahe yeya, yaafti Baaꞌdiya ichoow ti Meediya ichoow ti Eelam ichoow ti ili Messabotaamiya ichoow ti ili Yaꞌhuudiya ichoow ti ili Kabadookiya ichoow ti ili Boontus ichoow ti boroofenhi Aassiya,

Rooma 1:7

Atinhi tuummane ilkerengeetti weene Rooma taalliine, Waakh ꞌdoono, Waakh wahe ꞌdooꞌdi Waakh lakayeele, iche khadaaba isoochiira. Waakkhi Aabbaheene ichoow Yeesso Kiriistohi Kamure ba atin imaalaane nebey atin kakaalaan.

1 Koriinto 1:3

Waakkhi Aabbaheene ichoow Yeesso Kiriistohi Kamure ba atin imaalaane nebey atin kakaalaan.

2 Koriinto 1:2

Waakkhi Aabbaheene ichoow Yeesso Kiriistohi Kamure ba atin imaalaane nebey atin kakaalaan.

Ibiraaniya 13:8

Yeesso Kiriisto iꞌdaaru laka ma urgiyo. Us chele ichoow maanta ichoow jirtuu tuummamba a koo kalday on.

Yaakoobo 1:17

Siinti tuummane haaggane toro la eloo rucchul laka ikhabin, sereye katamiite toro la Waakkhi Aabbaheenenye banayhi saraat tuumman soouume iche katamiit. Banayhaas a geeddi icho urgiyaane mugꞌdi yateehiin. Iꞌdaasenyi Waakh iꞌdaaru laka ma urgiyo.

Bakkaahit 1:1

Waha a wori Yeesso Kiriisto miinsane ani liisoobabbakkaahiche. Waakh Yeesso Kiriisto waha a siiche, ꞌdee falfayyohiis wihi dowwanoha ka sooyateeh tusa. Kiriisto la hertiistoo Waakhe ilbooyiiski Yoohana layadeeh isooerge, wora icheeke.

Bakkaahit 1:11

Hooyaas la wihi us yidah, “Wihi at sooagarto khadaaboo layuubo kachiire, ururre Kiriistoti ilkerengeetohi teebee kijirto iereg. Ururreta teebee la a ururi Efeesso ichoow ki Simiriina ichoow ki Bergamum ichoow ki ꞌDiyaaꞌdira ichoow ki Sardi ichoow ki Filadeelfiya ichoow ki Lawodeechiya.”

Bakkaahit 1:17

Chirri an usu arge ka, an iꞌdi eti yumuy u, ortiis kasoodihe. Ulla dahantiisti miigeet ikorche, wihi us iyidah, “Roorro akhabin. Ani Oreyenye toro ani Salaahime.

Bakkaahit 1:20

Wihi dagsane at agarte, bakkaalleti teebeenye an dahanti miigeet kakhuccho ichoow reemassi ꞌdahabe teebeenye taa lakorcho miinsan kallaayo. Bakkaalleti teebee, herti Waakhe ururre Kiriistoti ilkerengeetohi teebee iche itoollaan. Reemassi teebeenye taa lakorcho la, ururreti teebeenye kooba ururoo itoolla.”

Bakkaahit 1:8

“Ani Uumaccheenye toro ani on ꞌDaꞌddabee. An goorat tuumman a jire, toolla la a jira, toro la a soojira, a Waakkhi Miig Tuumman leh,” iche Kamuri Waakhe essa.

Bakkaahit 1:9

Ani a Yoohanahi iꞌdiin u ani ichoow Kiriisto wohoo kalday nahe. Sina inno loomhicha. Inno a garrahsanna. Inno tuumman la dakhi Waakh a iskaleejirra. Wahaas dakkhan a isleegisanna. ꞌDeerka jeenteti an Yeedi Waakh ichoow runti Yeesso miinsan icheeko, iche kurti bey goya kijirto Baatimos layadeeh liigeeche.

Bakkaahit 16:5

ꞌDeerka herti Waakhe bicche itolosso ichehi waha elatti daage, “Atihi Munyee, ki toolla jiro, goorat tuumman laka jire, at a fissantahe jeenteti sinayyoha at ꞌdooꞌdi ati kigaran ikagoosse u.

Bakkaahit 2:12

“Herti Waakhe keleyenye urur Kiriistoki Bergamum itolosso waha ichiir. Waha a farniinki ki birlabi af leh khabo.

Bakkaahit 2:18

“Herti Waakhe keleyenye urur Kiriistoki ꞌDiyaaꞌdira itolosso waha ichiir. Waha a farniinki Weeli Waakh kayamiit. Indohiis a iꞌdi ꞌdabi weyti bolkho, luhlohiis la iꞌdi birtoo boorane lasiguu a bildiikhaan.

Bakkaahit 2:8

“Herti Waakhe keleyenye urur Kiriistoki Simiriina itolosso waha ichiir. Waha a farniinki ki Oreyenye toro la Salaahime, ki yumuyye toro omoot kasookahe.

Bakkaahit 22:16

“Anihi Yeessee herteeytoo a kisooerge, ꞌdee iche la wahanyeyyoha tuummane rummaat ururreteey icheekta. Ani a Hiiy ichoow weel weel Dawuude toro la a Bakkaali Baryo weyti ababo.”

Bakkaahit 22:8

Ani a Yoohana, anna waha tuumman a daage, toro la a arge. Inkoo an waha daage toro arge ka, herti Waakhe waha itusse orche ka jilbo il kaguꞌdde, wahan leheet!

Bakkaahit 3:1

“Herti Waakhe keleyenye urur Kiriistoki Sardi itolosso waha ichiir. Ki rubeyohi Waakhe teebee khuccho toro la bakkaalleti teebee khuccho farniinkiis a kan. Wihi atin yeessaan a garda. ꞌDooꞌd kol atin jiro khabtaane koogyahe, iꞌdaasenyi atin a tuunteen.

Bakkaahit 3:14

“Herti Waakhe keleyenye urur Kiriistoki Lawodeechiya itolosso waha ichiir. Ki farniinka sooergo, a ki Aamiin layadeeh. A ki lakakhuufo, garti runti Waakh laabo. A uumacchoti wihi Waakh soouume tuumman.

Bakkaahit 3:7

“Herti Waakhe keleyenye urur Kiriistoki Filadeelfiya itolosso waha ichiir. Waha a farniinki ki munyeenye toro rum leh. A usuhi furoti antoote too karnati Dawuude khuccho. Wihi us furo et hidin yabuuꞌd mele, wihi us hido la et furin yabuuꞌd mele.

Bakkaahit 4:5

Kombortaas antoot la ankhad ichoow borooꞌd ichoow karkaraho kasoobahe. Kombortaas orche ka la oor teeba ꞌdab kabolkho jirta. Oorassa la a rubeyohi Waakhe teebee.

Bakkaahit 4:8

Wahanyeyyoha affarenye lasoouume rubey khabo, kooba barbar lihe khaba. Indo la sar tuumman ichoow barbarre iliche ka laka a kakhabaan. Icho la maalim ichoow ibeen ba koloo kalday laka ma nasaane, Waakh on saaꞌdaane, wihi icho essaan, “Kamuri Waakhenye Miig Tuumman Leh, at a munya, at a munya, at a munya! At a Waakkhi goorat tuumman jire, toolla jiro, jirtuu tuumman la soojiro.”

Bakkaahit 5:6

ꞌDeerka komborti Waakhe antoot orche ka Heleenki wahanyeyyohi affarenye lasoouume rubey khabo ichoow ewweenki tomon lamma ichoow affare ba khaaricheen arge. Heleenka ki lasoorriyooche iyoogyahe. Ulla gaas teeba ichoow il teeba khaba. Indoha teebee la, a rubeyohi Waakhe teebeenye harra tuumman liierge.

Bakkaahit 8:2

Ani la herti Waakhe teebeenye Waakh ortiis tolosso arge, icho la arab teeba lasiiche.