Ucab Samuel 2:16 - Quiché Bible

¹⁶ Chquijujunal c'ut xequimajila' ri qui c'ulel che ri qui jolom xquijut c'ut tak ri qui ch'ich' re ch'o'j pa ri qui c'alc'a'x, conojel c'ut xecämic. Rumal ri' we c'olbal ri', ri c'o pa Gabaon xcoj Helcat-azurim che u bi'.

Ucab Samuel 2:16 交叉參考

Ucab Samuel 2:14

Ri Abner xubij che ri Joab: “Chebel ulok ri alabom che u tijic qui chuk'ab chkawäch.” “Utz ri cabij,” xcha' ri Joab.

Ucab Samuel 2:15

Je c'u ri' che u tijic qui chuk'ab ri e aj Benjamin, ri e aj Is-boset (u c'ojol ri Saul), xek'ax cablajuj alabom, cablajuj chi c'ut chque ri e rajch'ojab ri David.

Ucab Samuel 2:17

Ri ch'o'j ri xban pa ri k'ij ri' sibalaj c'ax xelic, ri Abner xukuje' ri e rajch'ojab ri Israel xech'äcataj cumal ri e rajch'ojab ri David.

Ucab Samuel 2:26

Ri Abner xurak u chi' che ri Joab: “¿La man c'o u q'uisic we cämisanic ri'? ¿La ma ta cach'obo chi xa c'ayil cuc'am ulok wa' chke? ¿Jampa' caya' takanic chque ri a winak chi chiquitanaba' cokataxic ri cachalal?”

Nabe Ajawinelab 20:20

Chquijujunal c'ut xucämisaj jun c'ulel, xebanimaj c'ut ri aj siriyab. Xebokatax c'ut cumal ri aj israelib, are' c'u ri Ben-adad ri cajawinel ri aj Siriy, xuquiejej ri u quiej xanimajic jun xerachilaj niq'uiaj ajch'ojab ri e c'o qui quiej.

Hechos 1:19

Conojel ri e aj Jerusalen xquetamaj wa'. Jeri' chi ri ch'akap ulew ri' ‘Aseldama’ u bi', pa ri qui ch'abal. Je quel cubij wa', ‘Ulew re Quic'’.

Ri Josue 19:25

e c'o tak ri tinimit chupam re Helcat, Hali, Beten, Acsap,