Ucab Samuel 1:10 - Quiché Bible

¹⁰ Xinkeb c'u chuxcut xincämisaj, xinch'ob c'ut chi man cäcuintaj cäc'asi'c nim c'ut ri c'ax ri xuriko. Xinwesaj c'ut ri u corona che ri u jolom xukuje' ri wikbal u k'ab, rech quinc'am ulok che la, wajaw.”

Ucab Samuel 1:10 交叉參考

Ri Matey 7:2

Je c'ut jas quiban ix che u k'atic tzij paquiwi' jule' chic, je cäban na chiwe ix, cak'at na tzij piwi', jas ri pajbal xicoj ix, je cäcoj na chiwe.

K'atal tak Tzij 9:54

Ri Abimelec chanim xusiq'uij ri to'l rech, xubij che: “Chajusij ri a ch'ich' re ch'o'j chinacämisaj c'ut, man quinwaj ta c'ut quel u tzijol chi xa jun ixok xincämisanic.” Ri to'l re xujut ri ch'ich' re ch'o'j chupam ri Abimelec, xcäm c'ut.

Ucab Ajawinelab 11:12

Xresaj c'u ulok ri Joiad ri u c'ojol ri ajawinel xucoj ri corona che ri u jolom xukuje' ri niq'uiaj wikbal chic che jun ajawinel, aretak c'u k'ijitajinak chic ri aseit puwi' ri u jolom xquiya' k'alajisanic chrij chi are' ajawinel. Conojel xquipak'apa ri qui k'ab xukuje' xquirakala' c'u qui chi': “¡Kaya' u k'ij ajawinel!”

Juyuwem 5:16

Xtzak ri ka corona ri c'o che ri ka jolom; ¡tok'ob ka wäch, chi uj macuninak!

Ucab Samuel 12:30

Xresaj c'ut ri u corona ri ajawinel ri re k'an puak ri c'oche ri u jolom ri e c'o abaj che ri sibalaj pakal cajil ri capajan oxc'al oxlajuj (73) libra, xcoj c'u pa u jolom ri David. Xukuje' xebuc'am ri David q'ui tak jastak ri sibalaj nim cajil,

Nabe Samuel 22:18

Rumal c'u ri', ri ajawinel xutak ri Doeg, ri aj edom, xubij che: “Chebacämisaj at.” Xuchap c'u qui cämisaxic ri e cojol tabal tak tok'ob, pa ri k'ij ri' xecämisax jumuch' job (85) achijab ri qui cojom ri atz'iak nim u k'ij re lino chquij.

K'atal tak Tzij 1:7

Ri are' c'ut xubij: “Ri in ojer, xebenk'at ri nimak u wi' qui k'ab e oxc'al lajuj (70) ajawinelab xukuje' ri nimak u wi' cakan, xebenya' c'u chuxe' ri nu mexa rech are cäquisic' ri cätzakic. Are c'u ri camic je u banom ri Dios chwe jas ri xinban chque ri winak ri'.” Xquic'am bic pa Jerusalen, ri xcäm wi.

Ucab Samuel 1:9

Xutz'onoj c'u chwe chi chinkeb ruc', chinq'uisa' c'u u cämisaxic, camic chi c'u cubano c'ä c'asal c'ut.

Ucab Samuel 1:16

xubij c'u ri David che: “Chawij cäkaj wi ri kas a cämic, at xatk'alajisan ri a mac aretak xabij chi xacämisaj ri ajawinel ri cha'om rumal ri Ajawaxel.”