Nabe Samuel 8:3 - Quiché Bible

³ Man je ta' c'u xquibano jacha' ri xuban ri qui tat, man xebux ta jic, are xkaj chquiwäch chi cäban u pa qui k'ab, man xquiban ta c'u ri suq'uilal.

Nabe Samuel 8:3 交叉參考

Ucab Samuel 15:4

Cutik chi c'ut: “¡C'o ta banom wi in ta k'atal tzij puwi' we ulew ri', rech quepe ta conojel ri c'o qui ch'o'j che wilic, ri takal qui colomisaxic quinban ta c'u ri suq'uilal chque!”

Salmib 15:5

ri cuya' u rajil pa jalomal ri man cutok'ij ta kajebal rech, ri man cuc'am ta u pa k'abaj che u banic c'ax che ri man c'o ta u mac. Ri je u c'aslemal wa' mawi jumul catzak ta na.

Salmib 26:10

ri quinojisam ri qui k'ab che etzelal xukuje' banoj u pa k'abaj.

Elem 18:21

Chebacha' achijab chquixo'l ri winak ri c'o qui no'j, ri cäquina' quib chuwäch ri Dios, ri ch'ajch'oj canima', achijab ri man quequitzucuj taj chäcoj ruc' subunic, chaya' takanic pa qui k'ab paquiwi' jujun mil winak, jujun sient, cawinak lajuj, xukuje' lajujitak.

Elem 23:6

Majech'obisaj ri suq'uilal ri ya'tal che ri meba' aretak cak'at tzij puwi',

Elem 23:8

Mac'am u pa k'abaj, ri u pa k'abaj cubano chi ri k'atal tak tzij cäquiban ri man suc' taj cubano chi cäc'äjisax qui wäch ri man c'o ta jubik' qui mac.

Ri Tzijonel 2:19

Jun jasach c'ut kas jic: chi jun we are' ri ajno'j, we man ajno'j taj, cubana' na rech che ronojel ri ruc' sibalaj chac xukuje' no'j xinticar che u rikic cho we uwächulew ri'. ¡Xukuje' c'u wa' xa cawächibal xak lok'!

Ri Isaiy 1:23

Ri e a takanelab man e tal ta tzij, e junam qui wäch cuc' ri eläk'omab. Conojel cäquic'ayij quib rumal puak xukuje' cäquitzucuj chi c'o cäsipax chque. Man cäquiban ta tok'ob che ri minor, mawi c'o cubij qui c'u'x che u to'ic ri malca'n ixok.

Ri Isaiy 33:15

Ri cuban ri suq'uil pa ronojel xukuje' cubij ri kastzij, ri man cuk'inomarisaj ta rib rumal ri qui chuk'ab niq'uiaj chic mawi cuya' rib pa lok'ic rumal ri cäsipax che, ri man cuya' ta u xiquin che itzel tak cojbal c'uxaj, xukuje' cutz'apij ri u bak'wäch rech man cuca'yej ta ri man utz taj,

Ri Miquey 3:11

Ri k'atal tak tzij rech ri tinimit caquiya' quib cäban u pa qui k'ab, ri e cojol tabal tok'ob xuwi quetijonic we quetojic are c'u ri e k'axal tzij quequic'ayij tak ri quequiya' u bixic caquicoj c'u pa qui tzij chi e takom rumal ri Ajawaxel, je c'u caquibij wa': “Ri Ajawaxel c'o kuc'; man c'o ta lawaloyil cakataklebej ta na.”

U Camulixic ri Pixab 16:19

Mijech'ba' ri suq'uil; jalan mebiwil wi ri winak, mic'am u pa k'abaj, ri u pa k'abaj cuban moy chque ri c'o qui no'j, xukuje' cujech'ba' ri qui tzij ri suc'alaj tak winak.

1 Timoteo 3:3

man u nak'atisam ta rib che k'abaric mawi yacal ch'o'j, xane' banal utzil, aj jamaril xukuje' man benak ta ranima' che u lok'oxic puak.

1 Timoteo 6:10

Ruc' ri u lok'ok'exic ri puak cäq'uiy wi ulok ronojel etzelal. E c'o jujun ri sibalaj xquirayij ri puak, xesach c'ut, xquiya' can ri cojonic, xquiban q'uialaj c'ax chbil quib.

Nabe Samuel 12:2

Are ajawinel wa' ri cäc'amow na i be. Ri in in ri'jobinak chic xukuje' nojinak chic ri sak pa nu jolom ri e nu c'ojol e c'o chixo'l. C'ä in ac'al aretak xinmajij u c'amic i be, nu c'amom c'u i be c'a pa tak ri k'ij camic,

Nabe Samuel 2:35

Quincoj c'u na jun cojol tabal tok'ob ri ya'tal u jiquibaxic c'uxaj chrij cuban na jas ri nu rayinic xukuje' ri nu chomanic, ri quinya' jun rija'lil ri cataken na quinban c'u na che chi cac'oji' che u patanixic ri ajawinel ri quincha' na.