Nabe Samuel 15:20 - Quiché Bible

²⁰ Ri Saul xutzelej u bixic: “Ri in xebennimaj ri e u takanic ri Ajawaxel, xintz'akatisaj ri xinutak che u banic: xinyut ulok ri Agag, ri cajawinel ri aj amalesib, nu sachisam c'u qui wäch ri aj amalesib.

Nabe Samuel 15:20 交叉參考

Nabe Samuel 15:13

Xbe c'u ri Samuel jawije' c'o wi ri Saul, xubij c'u wa' che: “Ri Ajawaxel chtewichi'n la. Xtz'akat c'ut ri u takanic ri Ajawaxel wumal.”

Romanos 10:3

Man queta'm ta c'u ri suq'uil ri cuya' ri Dios. Are cäcaj cäquirik ri suq'uil rumal ri qui chac. Man cäquinimaj ta c'u ri cubij ri Dios.

Ri Lucax 18:11

Ri parisey tac'alic, xch'aw ruc' Dios, xutzijobej rib, jewa' xubij: ‘O Dios, quinmaltioxij che la chi ri in man in je taj jas ri niq'uiaj winak chic: ri eläk'omab, ri man e suc' taj, ri quekaj pa mac cuc' niq'uiaj achijab ixokib chic. Quinmaltioxij che la chi ri in man in je taj jas we jun tok'il alcabal ri'.

Ri Lucax 10:29

Are c'u ri ajtij xraj xuk'alajisaj rib chi suc', xubij che ri Jesus: “¿Jachin ri' ri wajil nu tz'akat?”

Ri Matey 19:20

Xubij c'u ri c'ojol ala che: “Ronojel wa' nu banom ulok. ¿Jas chi c'ut ri rajawaxic quinbano?”

Ri Job 40:8

¿La catzucuj nu k'alajisaxic chi man in ta suc' xukuje' chi in ajchak'mac, rech catk'alajin at chi man c'o ta a mac?

Ri Job 34:5

Ri Job cujiquiba' u bixic: ‘In man c'o ta nu mac, man caraj ta c'u ri Dios cuban suq'uilal chwe.

Ri Job 33:9

‘In in ch'ajch'oj, man c'o ta c'u nu mac, man c'o ta il chwij mawi ta macaj chwij.

Nabe Samuel 15:8

xkaj ri Agag pu k'ab c'aslic xak xuyutu ri cajawinel ri aj amalesib, xebucämisaj c'u conojel ri rajch'ojab.

Nabe Samuel 15:3

Rumal ri', jät chabana' c'ax chque; chasachisaj qui wäch junam cuc' conojel ri jastak quech, matok'obisaj qui wäch. Chebacämisaj achijab xukuje' ixokib, ac'alab pune' c'äte xil qui wäch, ama'ib tak wacax, chij tak, cameyib tak xukuje' ati'tab tak bur.’ ”

Nabe Samuel 28:18

Man xatz'akatisaj taj u banic ri xatutak wi che u sachisaxic qui wäch ri aj amalesib. Rumal ri' je u banom ri Ajawaxel wa' chawe camic.