Juyuwem 5:14 - Quiché Bible

¹⁴ Man e c'o ta chi nimak tak tatayib che tak ri e u chi' ri tinimit; man quetataj ta chic ri qui bixonic tak ri c'ojolab.

Juyuwem 5:14 交叉參考

Ri Job 30:1

“Are' c'u ri camic caquitze'j nu wäch ri alabom ri sibalaj c'ä e c'ojolab na chnuwäch in, ri e qui tat wa' mat xebenc'am ri' rech xec'oji' cuc' tak ri e nu tz'i' ri xechajin tak ri wawaj.

Ri Job 30:31

Ri trompet quech ri arp xukuje' tak ri su' xebux juyuwibal re c'axc'ol chwe.”

Ri Jeremiy 16:9

Rumal rech chi ri in, ri Ajawaxel, ri c'o ronojel u cuinem, ri u Dios ri Israel, quink'alajisaj: In quinban na chi quebetanabax pa we ulew ri' ri bix tak que nimak'ij xukuje' quech quicotemal, xukuje' tak ri bix quech tak c'ulanem. We jastak ri' quebec'ulmataj na chquipam tak ri kas qui k'ij, kas c'u ix quixilow na.

Ri Jeremiy 25:10

Quenbana' chi chquixo'l chi man quetataj ta chic bixonic quech nimak'ij xukuje' jajatem, mawi tak bixonic re c'ulanem, mawi ri u juc'uq'uem ri quiebal, mawi quilitaj ta chic ri chäj tzijitalic.

Ri Jeremiy 7:34

Quebenwetzelaj na qui wäch tak ri bix re nimak'ij xukuje' re jajatem ri queban chquipam tak ri tinimit re Juda xukuje' xo'l tak ri ja pa Jerusalen, xukuje' tak ri bix quech c'ulanem; ronojel ri ulew cäq'uextaj na pa jun chaki'j uwo sak.”

Juyuwem 1:19

Xintz'onoj to'banic chque tak ri e wach ch'abem e are' tak c'ut ri e are' quieb qui wäch e jachinelab chwe. Ri e nu e cojol tabal tok'ob xukuje' tak ri e nu nimak tak tatayib xecäm chupam ri tinimit: ¡Quebinicat che u tzucuxic qui wa cuq'uia' rech cäc'astaj qui wäch!

Juyuwem 1:4

¡Sibalaj e bisobal tak ri be ri quebe pa Sion! ¡Man c'o ta jachin ta jun ri cäpe ta pa tak ri nimak'ij! Ri e oquibal tak pa ri tinimit e tolonic, ri e cojol tabal tok'ob quebok'ic, ri c'ojolab quech'ibatajic ri Jerusalen c'o pa tak c'ayil.

Juyuwem 2:10

Ri e u ri'jab tak tatayib ri je'lalaj Sion quet'uyi cho ri ulew man quech'aw taj, quequiq'uiakala' ulew pa qui jolom quequicoj wakwoj tak atz'iak chquij. Ri c'ojolab aj Jerusalen quequipachba' ri qui jolom c'a cho ri ulew.

Ri Ezequiel 26:13

Je quinban wa' rech caq'uis tzij paquiwi' tak ri e qui wojojem tak ri e a bixonic, man catataj ta chi c'u na jumul ri cok'ibal tak ri e a arp.

Ri Osey 2:13

Quenc'äjisaj na u wäch rumal che ri k'ijol ri xoc'owic xuchi'j c'u c'oc' k'ol chque tak ri diosib, aretak quebuwik rib c'uc' tak mulk'ab xukuje' tak chachal che qui ternexic tak ri rachijab, xinusach c'u pa u jolom. In ri Ajawaxel, nu jiquibam u bixic.”

U Camulixic ri Pixab 16:18

“Chebicojo' k'atal tak tzij xukuje' takanelab paquiwi' conojel ri tinimit tak ri cuya' ri Ajawaxel ri i Dios chiwe chque jujun tak amak', rech cäquik'at tzij paquiwi' ri tinimit ruc' kas suq'uilal.

Apocalipsis 18:22

Man quetataj ta chic ri cok'ebal ri arp xukuje' ri ajk'ojomab, ri cok'ebal ri su' xukuje' tak ri trompet. Man c'o ta chi winak awuc' ri quena'w ta che tak chac. Xukuje' ri u juc'uq'uic ri ca' man cätataj ta chic awuc'.