27 Are utz na che ri winak we cucoj rib chuxe' ri eka'bal pa ri u ch'utinal.
Utz xuban chwe chi xc'äjisaj la nu wäch, rumal rech wa' xebenwetamaj tak ri pixab la.
C'utu' la chkawäch ri tz'akatalaj cajilaxic tak ri ka k'ij, rech ri ka chomabal curik no'j.
Oh Ajawaxel, utz rech ri winak ri capixbej la, xukuje' queya' la ri tijonic la che
Chnataj chawe ri a winakirisanel camic ri c'ä at ac'al c'ä maja' c'u ne quepe tak ri k'ijol ri e rech c'axc'olil, quepe c'u na tak ri junab aretak cabij na: “Man quinna' ta chi quicotemal che coc'owisaxic c'aslemal.”
Are utz na cakeyej ri u to'banic ri Ajawaxel man ruc' ta ch'ach'atem.
Ri winak rajawaxic cacanaj u tuquel mach'ach'at c'ut aretak cätak che u banic rumal ri Ajawaxel;
