Juyuwem 2:12 - Quiché Bible

¹² Quecha' c'ut ri ac'alab chque ri qui nan: “¡Man c'o ta chic ka wa mawi u wa'l ka uva!” Quetzak c'ut je ta ne ri e socom che cämical xo'l tak ri ja re ri tinimit, cäq'uis c'u relic ri q'uisbal cuxlab pa qui k'ab ri qui nan.

Juyuwem 2:12 交叉參考

Ri Job 30:16

Man quinwaj ta chic quintakej c'aslem; in kajinak pa u k'ab ri q'uistajisabal c'uxaj;

Salmib 42:4

Aretak quinchomaj quij we jastak ri', xa cänimataj ri nu k'oxom; cänataj chwe aretak in benak junam cuc' ri winak nu c'amom qui be c'ä pa ri rachoch Dios, cäkarak ka chi' ruc' quicotemal xukuje' cuj maltioxinic. ¡Jun nimalaj nimak'ij c'u ri'!

Salmib 62:8

¡Nu tinimit, chacu'ba' a c'u'x chrij ri Dios! chixch'aw ruc', ruc' ronojel jiquibam c'uxaj. ¡Ri Dios are' ka panibal!

Ri Isaiy 51:20

At junam ruc' ri masat ri kajinak chupam ri c'amibal, ri e awal man c'o ta chi qui chuk'ab, xak apachique be chic e popoj wi, e socotajinak rumal ri royowal ri Ajawaxel, rumal ri c'äjisabal wächaj ri cuya' ri a Dios.

Ri Isaiy 53:12

Rumal ri' ri Dios cuya' na jun u c'olbal chquixo'l ri nimak qui k'ij, cuc' c'ut ri c'o qui chuk'ab cuc'am na rech ri ch'äcanic. Rumal rech chi xujach rib pa ri cämical, xya' c'u chquixo'l ri itzel tak winak, kas c'u tzij xrekaj ri qui mac e q'ui winak xukuje' xbochi'n paquiwi' ri ajmaquib.

Ri Jeremiy 5:17

Quequitij na ri e u wäch tak ri e awulew, xukuje' ri a wa, quebequitij c'u ne na ri e a c'ojol xukuje' tak ri e a mia'l. Quebequitij tak na ri e a chij, ri e a wacax, ri e a uva xukuje' tak ri e a higo. Cuc' tak ri e qui ch'ojibal quequisachisaj na qui wäch ri tinimit tak ri e c'o nimak tak tapia chquij ri a cuban wi a c'u'x.”

Juyuwem 1:11

Conojel tak ri e winak la quebok'ic, caquitzucuj tak qui wa cuq'uia'; xequiya' tak ri qui k'inomal che u q'uexwäch wa ja' rech cac'astaj qui wäch. ¡Ajawaxel, chila la, ri c'ax ri in c'o wi! ¡Choc la il che ri quiäkasakil ri nu rikom!

Juyuwem 4:4

Sibalaj cachaki'j qui chi' ri ac'alab ri c'a quetunic canaq'ui c'ut ri cak' pa qui chi'. Ri ac'alab caquitz'onoj qui wa man c'o ta c'u jachin ri cayo'w ta chque.

Ri Ezequiel 30:24

Quenya' qui chuk'ab ri e u k'ab ri ajawinel aj Babilon, quenya' ri nu ch'ich' re ch'o'j pa u k'ab ri ajawinel aj Babilon, quenya' ri nu ch'ich' re ch'o'j pa u k'ab. Quebenk'aja' ri u k'ab ri paraon, cäch'ach'at c'u na aretak cuna' rib chi socotajinak chuwäch ri c'ulel.