Juyuwem 2:1 - Quiché Bible

¹ ¡Sibalaj nim ri royowal ri Ajawaxel, chi u k'ekumarisam ri je'lalaj Sion! U t'akim ri u je'lical ri Israel pa ulew, jacha' ri u najil ri caj ruc' ri ulew; mawi c'u ne xnataj ta che, chupam ri royowal ri u tac'alibal ri rakan.

Juyuwem 2:1 交叉參考

Ucab Samuel 1:19

“¡Oh, Israel, xsocotaj ri a juluwem paquiwi' tak ri e a juyub! ¡E ch'äctajinak ri cowilaj tak ajch'ojab!

Nabe Tzijobelil 28:2

Xutac'aba' c'u rib ri David xubij c'ut: “Chinitatabej, wachalal xukuje' nu tinimit: Ri in are ta xinwaj xinyac ta jun c'olbal ri cajeki' ta wi na ri u caxa ri Ajawaxel amak'el are ta c'u c'olbal wa' ri cuya' ta wi na ri Dios ri u tem re ajawibal, e nu mulin c'ut ri jastak che u yaquic.

Salmib 132:7

¡Jo' jawije' ri cak'ijilax wi ri Dios! ¡Chujxucul chuwäch ri u tac'alibal ri e rakan!

Salmib 89:45

xk'ip la ri junab re ri u c'aslemal nojisam c'u la che q'uixbal.

Salmib 99:5

¡Chiya' u k'ij ri Ajawaxel ri ka Dios, chixxucul xe' rakan u k'ab! ¡Ri Dios tastalic!

Ri Isaiy 64:11

Ri juluwemalaj c'olbal ri xujk'ijilan wi jawije' xk'ijilax wi la cumal ri e ka mam, xsach u wäch rumal ri k'ak'. Ronojel ri sibalaj lok' chkawäch etzelatajinak.

Ri Jeremiy 30:14

Conojel tak ri e awachil xatquisach pa qui jolom; man queboc ta chi il chawe. Xa' c'u ne xatinsoco jacha' ta ne ri in ta a c'ulel, c'ax u c'äjisaxic a wäch xinbano qui mac quech ri jumulaj awetzelal qui mac quech ri e a mac ri man e ajilatal taj.

Juyuwem 1:1

¡Sibalaj xtolobax canok ri tinimit ri nojinak can chque winak nabe! ¡U wächbal malca'n canajinak wi ri nimalaj tinimit ri qui chuch tak ri tinimit! ¡Cojom chuk'ab che, che qui banic tak chac ri man carajtaj cubano: ri mialaxel que tak ajawibal!

Juyuwem 1:12

¡Ix, ri quixbin pa ri be, chixtac'al che u chomaxic we c'o k'oxomal jacha' ri wech in, ri sibalaj in c'axc'obinak rumal! ¡Ri Ajawaxel xtakow ulok we c'axc'obic ri' panuwi' aretak xnicow ri royowal!

Juyuwem 2:17

Ri Ajawaxel xuq'uis qui banic tak ri e u chomanic, xutz'akatisaj ri u tzij ri kas u bim ulok ojer; xsachisan wächaj ma xcuyun ta c'ut; xuya' c'olbal chi ri c'ulel cutze'j a wäch xuya' u chuk'ab ri catc'ulelanic.

Juyuwem 4:1

¡E k'ekarinak c'ut ri k'an puak! ¡U tzakom ri u ruc'upinic ri coc'alaj k'an puak! ¡E jabuninak pa conojel tak ri xquina ri abaj tak rech ri tastalic k'ijilabal!

Juyuwem 4:11

Ri Ajawaxel xukasaj ronojel ri royowal xutzopij ri u c'amal ri u k'ak'al ri royowal; xut'ik k'ak' che ri Sion xusachisaj c'u u wäch c'ä chuxe'.

Ri Ezequiel 13:13

Rumal ri' ri in, ri Ajawaxel, quinbij: Pa ri woyowal quinban na chi cäpe jun quiakik' jäb; pa ri nu c'anal quinban na chi cak'ijk'ob ulok ri nimalaj jäb quekaj c'u na nimak tak sakbach jacha' ri abaj, che u sachisaxic u wäch ronojel ruc' oyowal.

Ri Ezequiel 19:12

Xbok c'ut, ruc' nimalaj oyowal xbujix c'u cho ri ulew. Ri quiakik' ri cäpe pa elebal k'ij xchak'ijirisanic xepulpub tak c'ut ri uva; xechaki'jar c'ut ri cowilaj tak u k'ab xeq'uiak c'u pa ri k'ak'.

Ri Ezequiel 24:21

‘Chabij che ri tinimit Israel: Are wa' ri cubij ri Ajawaxel: Quenwawasij ri wachoch, ri sibalaj cäkaj chiwäch sibalaj c'u quinwaj xukuje' ri qui banbej nimal, ri xukuje' cayo'w i chuk'ab; ri e i c'ojol ri e i mia'l ri e i yo'm can pa Jerusalen xa' quecämisax na.

Ri Ezequiel 30:18

Aretak chinyojij ri u cuinem ri Ejipt xukuje' chinq'uistzij puwi' ri u chuk'ab ri sibalaj cunimarisaj wi rib, ri k'ij cak'ekumar pa Tapnes, jun sutz' cäch'ukuw na ri Ejipt, ri e u winak ri e c'o pa ri tak ri u tinimit e yutuyuj quec'am bic.

Ri Joel 2:2

k'ij re k'ekumalil xukuje' raxc'anac'ojil, k'ij que tak sutz'al xukuje' tak mujal. Juk'at banal tak ch'o'j ri sibalaj quebuchuwic qui cholajim quib paquiwi' tak ri juyub jacha' ri sakil re ri u sakaric. Mawi jubik' ilom, mawi quil chi na, man c'o ta jas ri quejunamataj ta wi.

Ri Matey 11:23

Are c'u ri at, tinimit Capernaum, ¿Ri at walijisam c'ä pa ri caj? Chupam ri nimalaj siwan catrokix wi na, we ta c'u pa Sodom xeban tak wi ri mayibal ri xeban tak awuc' c'ä c'o ta ri' ri Sodom camic.

Ri Lucax 10:15

Ri at c'ut, Capernaum, ¿la cachomaj chi at walijisam c'ä chicaj? Jayi', xane' catkasax bic pa ri qui c'olbal ri cäminakib.

Ri Lucax 10:18

Ri Jesus xubij chque: “In xinwil ri Satanas, je jas jun caypa' xtzak ulok chicaj.

Nabe Samuel 4:21

xucoj c'u Icabod che u bi' ri ac'al, je c'u xubij wa': “Ri Israel man nim ta chic u k'ij, rumal rech chi xch'äcataj bic ri u caxa ri Dios.” Are c'u xubij ri u ch'äquic bic ri caxa, xukuje' ri u cämical ri ralib tata' xukuje' ri u cämical ri rachajil.