Juyuwem 1:6 - Quiché Bible

⁶ Xsach u wäch ronojel ri u je'lical ri je'lalaj Sion; ri e c'amal tak u be e jacha' masat, ri quequitzucuj tak quecha'; xak c'u alicha' chic quebinic, quebanimaj chquiwäch ri e tzucul tak quech.

Juyuwem 1:6 交叉參考

Ucab Ajawinelab 19:21

E are tak tzij wa' ri e u bim ri Ajawaxel ri cuc'ulmaj na ri ajawinel re Asiriy: “Ri tinimit Sion, jacha' jun ali, cutze'j a wäch, Senaquerib. Ri Jerusalen cusutusa' ri u jolom che retz'bexic a wäch aretak cattzelej chawij.

Ucab Ajawinelab 25:4

Xquic'ot c'u jun jul chuxe' ri nimalaj u tapia ri tinimit, pune' c'u sutital rij cumal ri aj caldeyib are' c'u ri ajawinel xukuje' conojel ri ajch'ojab xebanimaj bic chak'ab xquiya' can ri tinimit. Xebel bic pa ri oquibal ri c'o chquixo'l ri quieb nimak tak tapia, chupam ri be ri c'o chquipam tak ri u tiquibal tak u cotz'i'j ri ajawinel, are' c'u xquimajij ri be ri cäbe pa ri beya' re ri Jordan.

Ucab Ajawinelab 25:5

E are' tak c'ut ri ajch'ojab aj caldeyib xquiterenej ri ajawinel Sedequiy pa rakan, xequik'i' c'ut pa ri lianic re Jerico. Conojel ri rajch'ojab xquiya' can u tuquiel xquijabuj c'u quib.

Salmib 50:2

Ri Dios cächuplin ulok pa ri Sion, ri tinimit ri sibalaj tz'akat ri u je'lal.

Salmib 96:9

chik'ijilaj ri Ajawaxel pa ri je'lalaj c'olbal ri cak'ijilax wi. ¡Conojel ri winak cho ri uwächulew quina' quib chuwäch!

Ri Isaiy 1:21

¡Jicalaj tinimit, jasche xatux junam ruc' jun ixok re nim ch'utin! Nabe canok conojel ri awinakil cäquiban ri suc' xukuje' utz ri qui c'aslemal, are c'u ri camic xuwi cämisanelab chic e c'olic.

Ri Isaiy 12:6

Chebiya' rakoj tak chi'aj re quicotemal ri ix jekel pa Sion, rumal rech chi ri Tastalicalaj u Dios ri Israel c'o pa i niq'uiajil ruc' ronojel ri u nimalil.”

Ri Isaiy 4:5

Puwi' ronojel ri juyub Sion xukuje' paquiwi' conojel ri winak ri qui mulin quib chila', ri Ajawaxel cuq'uiyisaj na jun k'ekalaj sutz' pa k'ij, are c'u ri chak'ab jun juluwem xukuje' jun k'ak' ri canicowic. Paquiwi' conojel cac'oji' wi na ri u juluwem ri Ajawaxel,

Ri Jeremiy 13:18

“Chabij che ri ajawinel xukuje' che ri ajawinel ixok nanaxel: ‘Chixkaj ulok chiya' can ri tem re ajawibal chixt'uyul c'u cho ri ulew, tzakinak c'ut ri corona ri c'o che ri i jolom ri quixwikowic.’

Ri Jeremiy 29:4

“Je' wa' cubij ri Ajawaxel ri c'o ronojel u cuinem, ri u Dios ri Israel, chque conojel ri xuban wi chi xebesax bic pa Jerusalen xec'am c'u bic pa Babilon:

Ri Jeremiy 47:3

Aretak quequita' ri e qui poc'opetem tak ri u pa cakan tak ri quiej, ri qui tininem tak ri carwaj xukuje' ri qui wojojem tak ri quetet, quetuktub ri tataxelab quequitzak c'u can tak ri calc'ual.

Ri Jeremiy 48:41

Tinimit tak xukuje' to'bal tak ib quekaj na pa u k'ab ri c'ulel. Chupam ri k'ij ri' ri e banal tak u ch'o'j ri Moab quebirbit na jacha' jun yawab ixok.

Ri Jeremiy 52:11

Xtakan c'u che resaxic ri quieb u bak'wäch xukuje' chi chcoj tza'm tikom ch'ich che u c'amic bic pa Babilon, ri xcoj wi pa che' c'ä xcäm na.

Ri Jeremiy 52:13

xut'ik c'u k'ak' che ri rachoch ri Dios, ri rachoch ri ajawinel xukuje' conojel ri ja ri e c'o pa ri tinimit, kas c'u e are xeranej ri cachoch conojel ri nimak tak qui k'ij,

Ri Ezequiel 24:21

‘Chabij che ri tinimit Israel: Are wa' ri cubij ri Ajawaxel: Quenwawasij ri wachoch, ri sibalaj cäkaj chiwäch sibalaj c'u quinwaj xukuje' ri qui banbej nimal, ri xukuje' cayo'w i chuk'ab; ri e i c'ojol ri e i mia'l ri e i yo'm can pa Jerusalen xa' quecämisax na.

Ri Ezequiel 24:25

Camic quinwesaj na ri cäyo'w qui chuk'ab ri aj israelib, ri are' ri wachoch ri ruc' ri u je'lical sibalaj quixquicotic, ri sibalaj cäkaj chiwäch quiwilo xukuje' sibalaj quiwaj. Xukuje' quebenwesaj na ri iwalc'ual chiwe chi alabom chi alitomab.

U Camulixic ri Pixab 28:25

xukuje' catxak'alex na cumal ri e a c'ulel. Sibalaj utz u cholajixic awib cabano aretak catbe chquij ri a c'ulel che u banic ch'o'j cuc', catanimaj c'u na chquiwäch, at yojyobinak catjabutaj c'u na pa conojel ri ajawibal ri e c'o cho ri uwächulew.

U Camulixic ri Pixab 32:30

¿Jas c'u che chi xa jun xcuin che cokataxic jun mil? ¿Jas c'u che chi xa e quieb xecuin che cokataxic lajuj mil? Xa rumal rech chi ri Ajawaxel, ri to'l iwech, xuchomaj qui jachic ri c'ulel pa i k'ab.