Gálatas 2:3 - Quiché Bible

³ Mawi ri Tit ri c'o wuc', pune' are aj grieg, man xcoj ta c'u chuk'ab che chi cäkopix ri u tz'umal ri u wi' ri achi wi che retal.

RI KꞌAKꞌ TESTAMENTO PA TZIJOBꞌAL KꞌICHEꞌ

³ Ri e kꞌamal taq bꞌe kꞌut, man xkitaqchiꞌj ta ne ri Tito ri bꞌenaq wukꞌ, chukojik ri retal ri chꞌekom tzij pa ri utyoꞌjal, pune ketaꞌm chi man aj Israel taj.

K'iche'

³ ¡Utz ba' xquita ri xinbij! Che ri Tito ri c'o wuc' man xquicoj tä qui chuk'ab chubixic chi rajwaxic coc retal ri ojer trato che ru cuerpo, pune ri are' man aj Israel taj.

K'iche' (New Orthography)

³ ¡Utz b'a' xkita ri xinb'ij! Che ri Tito ri k'o wuk' man xkikoj tä ki chuq'ab' chub'ixik chi rajwaxik kok retal ri ojer trato che ru cuerpo, pune ri are' man aj Israel taj.

Gálatas 2:3 交叉參考

Hechos 15:24

Ka tom c'ut chi jujun ri e elinak bic chkaxo'l ri man c'o ta takanic ka yo'm bic chque ri e qui yo'm latz' chiwe cumal tak ri e qui tzij, xqueblaj c'ut i c'u'x cumal.

Hechos 16:3

Ri Pawl xraj chi cäbe ri Timotey ruc'. Xuc'amo, xucoj ri etal che u kopixic ri u tz'umal ri u wi' ri achi wi xa' rumal quech ri aj judeyib ri e c'o pa tak ri c'olbal ri'. Conojel c'ut queta'm chi ri u tat are aj Gres.

2 Corintios 2:13

Man xuxlan ta c'u ri wanima', rumal rech chi man xinrik ta ri Tit ri kachalal. Rumal wa', xinbij can chque chi quinbe na pa Masedon.

Gálatas 2:1

E oc'owinak chi cajlajuj junab, xinbe chi jumul pa Jerusalen wachil ri Bernabe, xukuje' xinc'am bic ri Tit.

2 Timoteo 4:10

Xinuya' c'u can ri Dems. Ri are' utz xeril na ri jastak re ri uwächulew, benak pa Tesalon. Ri Cresent benak pa Galas, xukuje' ri Tito pa Dalmas.

Ri Tit 1:4

Quintz'ibaj we wuj ri' chawe, Tit, kas at nu c'ojol pa ri cojonic, xa' junam c'ut ri ka cojonic uj quieb. Are ta ri Dios Tataxel xukuje' ri ka Colonel Jesucrist cuban tok'ob chawe, cuya' jamaril chixo'l ruc'.