Elem 10:3 - Quiché Bible

³ Ri Moises rachilam ri Aaron xebe che u ch'abexic ri ajawinel, xquibij c'u che: “jewa' cubij ri Ajawaxel ri qui Dios ri aj hebreyib: ‘¿C'ä jampa' ri camach' ta na awib chnuwäch? Chatzokopij bic ri nu tinimit rech cäbe che nu k'ijilaxic;

Elem 10:3 交叉參考

Nabe Ajawinelab 18:21

Xkeb c'u ri Eliy cuc' conojel ri tinimit, xubij: “¿C'ä jampa' lo ri quitakej na c'olem chquixo'l we quieb chomanic ri'? We ri Ajawaxel are' ri kas Dios, chiterenej ba' ri are, we c'u are ri Baal, rajawaxic are chiterenej wa'.” Ri tinimit man c'o ta jas xutzelej u bixic.

Nabe Ajawinelab 21:29

“¿La awilom jas ri u mach'ic rib ri Acab u banom chnuwäch? Rumal c'u rech chi u mach'om rib chnuwäch, man quinc'am ta ulok ri etzelal paquiwi' ri rachalal joropa' k'ij cac'asi'c, xane' pa ri u c'aslemal ri u c'ojol.”

Ucab Ajawinelab 22:19

rumal c'u rech chi slabetajinak ri awanima' xatkeb c'u wuc' aretak xatatabej ri k'alajisanic ri nu yo'm chrij we c'olbal ri' xukuje' ri winak ri e c'o chupam, chi quejocoq'uex na bic e c'okotajinak c'ut, rumal rech chi xajis ri awatz'iak chawij xukuje' chi xatok' chnuwäch, ri in xatintatabej. In, ri Ajawaxel, quinbij chawe.

Ucab Tzijobelil 33:12

Aretak xuna' ri rib chi c'o pa ri nimalaj c'ax xutz'onoj elebal c'u'x che ri Ajawaxel, xumach'irisaj c'u rib ruc' ronojel ranima' chuwäch ri qui Dios ri e nabe tak u mam.

Ucab Tzijobelil 33:19

Ri u ch'awem ruc' Dios xukuje' ri tzelebal u wäch ri xuc'amo, ronojel ri u tzijoxic ri u mac xukuje' ri u jech'balil xukuje' tak ri c'olbal ri xebuyac wi tak ri porobal ri quek'ijilax wi diosib, xukuje' ri xebuya' wi tak ri e u wächbal ri Asera xukuje' tak ri diosib, c'ä majok chumach'irisaj rib chuwäch ri Dios, e tz'ibatal pa ri qui tzijobelil ri e k'axal u tzij.

Ucab Tzijobelil 34:27

rumal c'u rech chi xatslabetajic xamach'irisaj c'u awib chnuwäch aretak xatatabej ri k'alajisanic chrij we c'olbal ri' xukuje' ri winak ri e c'o chupam, rumal c'u rech chi xamach'irisaj awib chnuwäch, xajis c'u ne ri awatz'iak xukuje' chi xatok' chnuwäch, xatintatabej c'ut in xukuje'. In, ri Ajawaxel, quinbin chawe.

Ucab Tzijobelil 7:14

we c'u ri nu tinimit, ri tinimit ri cojom ri nu bi' chrij, cumach'irisaj c'u rib, cuban ch'awem wuc', quinutzucuj cuya' c'u canok ri itzel u c'aslemal, ri in quintatabej na ulok kas chicaj, quebensach c'u na ri e u mac quintzelej c'u na ri telechinic che ri winak pa ri rulew.

Ri Job 42:6

Rumal ri' quintzelej wib chwij nu q'uexom nu c'u'x, in t'uyul chupam puc'uc' ulew xukuje' chaj.”

Elem 10:4

we c'u catakej qui k'atixic ri nu tinimit, chwek quebentak ulok sac' puwi' ri awulew,

Elem 16:28

Xubij c'ut ri Ajawaxel che ri Moises: “Ri ix, ¿c'ä jampa' lo quitakej na ri man quinimaxic taj ri e nu takomal xukuje' ri e nu tijonic?

Elem 4:23

Nu bim chic chawe chi catzokopij bic ri nu c'ojol, rech cäbe che nu k'ijilaxic; u mac c'u rech chi man a tzokopim ta bic, ri in quincämisaj na ri nabeal a c'ojol.’ ”

Elem 5:1

Oc'owinak chi c'u wa', ri Moises rachilam ri Aaron xebe che u bixic che ri ajawinel ri paraon xquibij c'u che: “Jewa' u bim ri Ajawaxel ri u Dios ri Israel: ‘Chatzokopij bic ri nu tinimit pa ri chaki'j uwo sak, rech cubana' jun nimak'ij chila' che u ya'ic nu k'ij.’ ”

Elem 9:17

Pune' c'u jewa', ri at a takem u k'atixic ri nu tinimit man caya' ta c'u che chi cabec.

E C'ambal tak Tzij 1:22

“C'ojolab ri man c'o ta iwetamanic, ri quiwetz'bej u wäch ronojel, ri man c'o ta i no'j, ¿c'ä jampa' lo quitanaba' u lok'ok'exic ri conil ri c'o iwuc', quirik c'u na quicotemal pa ri etz'ben wächaj, quiwetzelaj c'u u wäch ri etamanic?

E C'ambal tak Tzij 1:24

Ix nu siq'uim, ix wulam rech quixpetic, are c'u ri ix man i yo'm ta i xiquin chwe.

E C'ambal tak Tzij 18:12

Chrij ri banoj nimal cäpe ri tzakmajic; chrij ri mach'ibalil ri pok'otajic.

Ri Isaiy 1:5

We c'u ri ix quicoj i chuk'ab rech man quixniman taj, man c'o ta chi c'u cac'äjisax wi i wäch che ri i cuerp. Socotajinak ronojel ri i jolom, e i tzakom ronojel ri i chuk'ab.

Ri Isaiy 2:11

Ri e banal tak nimal, queyuxi na ri cäquiban quib chi nimak qui k'ij quemach'irisax na. Xuwi ri Ajawaxel cuc'ut na ri u nimalil pa ri k'ij ri',

Ri Jeremiy 13:10

We itzel tinimit ri' cuk'il rib che qui nimaxic tak ri e nu takanic are c'u u takem ri tacalaj u chomanic ri ranima'. Benak che qui terenexic qui diosib winak, che qui patanixic xukuje' che qui k'ijilaxic. Xak junam ruc' ri pas ri', ri man c'o ta chi u patan.

Ri Jeremiy 13:18

“Chabij che ri ajawinel xukuje' che ri ajawinel ixok nanaxel: ‘Chixkaj ulok chiya' can ri tem re ajawibal chixt'uyul c'u cho ri ulew, tzakinak c'ut ri corona ri c'o che ri i jolom ri quixwikowic.’

Ri Jeremiy 50:29

“¡Chebisiq'uij tak conojel ri e ajq'uiakal tak ch'ab rech quech'ojin ruc' ri Babilon! ¡Chisutij rij ri tinimit rech man c'o ta jun canimajic! ¡Chiya' rajil u q'uexel che jacha' ri takal che! ¡Junam chi bana' che jacha' ri xuban ri are'! Amak'el c'ut u walijisam rib chwij, chrij ri Ajawaxel, ri Tastalicalaj u Dios ri Israel.

Ri Ezequiel 5:6

Are c'u ri are' xebuc'ulelaj tak ri nu pixab xukuje' tak ri e nu takanic, nim c'u na ri etzelal ri u banom chquiwäch tak ri tinimit xukuje' ri nimak tak tinimit ri e c'o tak che u c'ulja, man quequinimaj ta c'ut ri e nu pixab mawi quitakem qui banic tak ri e nu takomal.

Ri Daniel 5:22

Are' c'u ri camic ri lal, ri Belsasar, u c'ojol we achi ri' ri xukuje' reta'm ri xuc'ulmaj, mawi c'u ne u mach'irisam ta ib la.

Ajilanic 14:27

“¿C'ä jampa' lo ri quintakej na qui coch'ic ri qui ch'ach'atem we itzel tak aj israelib ri'? Xetataj wumal chi itzel quech'aw chwij.

Romanos 2:4

At cawetzelaj u wäch ri rutzil ri man q'uisel taj ri u cuyunic, xukuje' ri u coch'onic ri Dios, man c'u cach'ob taj chi kas are' ri rutzil cätajin catc'amow bic che a k'axexic ruc'.

Hebreos 12:25

Rumal ri' chixoc il mixutuj ri cujch'abenic. E are' tak c'ut ri xquixutuj ri Dios aretak xepixbex rumal waral cho ri uwächulew, man xeto'tajtaj. Mawi c'u ne ri uj man cujto'tajtaj, we are cakaya' ri uwo kachak chuwäch ri cujpixben kas pa ri caj.

Santiago 4:10

China' pa iwanima' chi man c'o ta i banic chuwäch ri Ajawaxel, ri are' c'ut cunimarisaj na i k'ij.

1 Pedro 5:6

Chimach'a' ba' iwib chuxe' ri u k'ab ri Dios ri sibalaj c'o u cuinem, rech ri are' cunimarisaj i k'ij aretak cäpe ri k'ij.