Efesios 3:3 - Quiché Bible

³ Ri Dios xuc'ut jastak chnuwäch ri man etamatal ta can nabe, xuya' retamaxic chwe, jas ri xintz'ibaj chiwe pa quieb oxib tzij.

RI KꞌAKꞌ TESTAMENTO PA TZIJOBꞌAL KꞌICHEꞌ

³ Ri Dios are xkꞌutuw chinuwach ri awatal loq, jetaq ri nutzꞌibꞌam kan chiꞌwe.

K'iche'

³ Ri Dios xuc'ut chnuwäch ri u chomam lok, ri man etamtal tä nabe. Nu tz'ibam chi c'u wa' chiwe ruc' quieb oxib tzij.

K'iche' (New Orthography)

³ Ri Dios xuk'ut chnuwäch ri u chomam loq, ri man etamtal tä nab'e. Nu tz'ib'am chi k'u wa' chiwe ruk' kieb' oxib' tzij.

Efesios 3:3 交叉參考

Hechos 22:17

“Aretak c'u xintzelej ulok pa Jerusalen, cätajin quinban ch'awem pa ri rachoch Dios, xinwil jun c'utwächinic.

Hechos 22:21

Xubij c'u ri Ajawaxel chwe: ‘Jät, catintak na bic naj pa nimak tak tinimit.’ ”

Hechos 23:9

Conojel xquirak qui chi'. Xetaq'ui' c'u jujun ajtijab re ri pixab chquixo'l ri pariseyib, xquibij: “Man c'o ta jun itzelalaj jasach cäkarik chrij we achi ri'; we ne xch'abex rumal jun uxlabal o rumal jun tako'n aj caj.”

Romanos 11:25

Wachalal, quinwaj chi quich'ob we awatalic ri', rech man quichomaj taj chi ri ix nim na ri i no'j. Xcowirisax na apan jubik' ri canima' ri aj israelib, c'ä aretak queboc na conojel ri man aj israelib taj ri quecojon na.

Romanos 16:25

Chkanimarisaj ba' u k'ij ri Dios ri cäcuin che i tac'abaxic, jas ri cubij pa ri tzij re colobal ib ri quintzijoj, jas cubij ri tzij chrij ri Jesucrist, jas ri xketamaj aretak xec'ut chkawäch ri jastak ri man etamatal ta can nabe, ri man tzijom ta ulok kas aretak majok cätiquiritaj ri uwächulew.

2 Corintios 12:1

Rajawaxic quinnimarisaj wib, pune' man c'o ta quechbex che. Quinchaplej c'u qui tzijoxic ri c'utwächinic xukuje' ri niq'uiaj jastak chic ri e c'utum chnuwäch rumal ri Ajawaxel.

Gálatas 1:12

Man xinc'am ta ri utzalaj tak tzij che jun winak, mawi xintijox rumal jachin jun, xane' are ri Jesucrist xk'alajisan chnuwäch.

Efesios 1:17

Quintz'onoj che ri u Dios ri Kajaw Jesucrist, ri juluwemalaj Tataxel Dios, chi chuya' ri no'j aj uxlabal chiwe che u ch'obic ri cuc'utunisaj xukuje' che ri utzalaj retamaxic u wäch.

Efesios 3:4

Aretak quisiq'uij u wäch ri wuj ri', quiwetamaj chi ri in weta'm ri jastak re ri Crist ri man etamatal ta can nabe.

Efesios 3:6

che u bixic wa': chi rumal ri tijonic aj colobal ib, ri man aj judeyib taj cäquic'am na ri junam echbal cuc' ri aj judeyib, e u tz'akatil c'ut ri junam cuerp, junam c'ut cäquic'am que ri chi'nic ri xuban ri Dios rumal ri Crist Jesus.

Efesios 3:9

Yo'm pa nu k'ab chi quink'alajisaj chquiwäch conojel, ri jastak re ri Dios ri e c'u'tal ulok kas aretak xtiquiritaj ri uwächulew. Je u chomanic ri Dios wa' ri xebanow conojel ri jastak.

Efesios 6:19

Xukuje' chibana' ch'awem panuwi' in, rech aretak quinch'awic, ri Dios cuya' ri tzij chwe, rech man quinxe'j ta wib aretak quintzijoj ri tzij re colobal ib ri man etamatal ta can nabe.

Colosenses 2:2

Quintij nu k'ij rech ri e are' caquic'am chajin anima' chupam ri canima', rech quejunataj chupam ri lok'ok'ebal c'uxaj quek'inomar c'ut ruc' jun tz'akatalaj etamanic ri cuya' chque chi cäquich'ob ri awatalic rech ri Dios, ri kas are' ri Crist,

Colosenses 4:3

Xukuje' chibana' ch'awem pakawi' uj, rech ri Dios cujak jun ka be che u tzijoxic ri tzij, rech cuya' cäkatzijoj ri Crist, ri man etamatal ta can nabe. Rumal c'u rech ri are' in c'o pa che'.

Hebreos 13:22

Quixinbochi'j, wachalal, chicoch'o ri tzij re pixbenic. Xa' c'u jubik' ri nu tz'ibam bic iwuc'.

1 Pedro 5:12

Nu tz'ibam xa' jubik' chiwe rumal ri Silban, are jicalaj kachalal pa ri nu chomanic in. Nu tz'ibam chiwe che i pixbexic, che u k'alajisaxic chi are wa' ri kas u tok'ob ri Dios. Co chixtac'al pa ri u tok'ob.

2 Pedro 3:15

Chichomaj ba' chi colobal ri u coch'onic ri Kajaw; je jas xutz'ibaj ri lok'alaj kachalal Pawl chiwe, jas ri no'j ri yo'm che.