Efesios 3:1 - Quiché Bible

¹ Rumal ri', in Pawl, in c'o pa che' rumal rech ri Crist Jesus che iwutzil ix ri man ix aj judeyib taj.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Rumal kꞌu waꞌ, in in Pablo, in kꞌo pa cheꞌ rumal iloqꞌaxik ix ri man ix aꞌj Israel taj.

K'iche'

¹ Xa rumal wa', ri in Pablo, chanim ri' in c'o pa che' xa rumal chi xintzijoj ri Utzalaj Tzij chrij ri Cristo Jesús chiwe ix, ri man ix aj Israel taj. Tajin c'u quinban orar pi wi' cho ri Dios.

K'iche' (New Orthography)

¹ Xa rumal wa', ri in Pablo, chanim ri' in k'o pa che' xa rumal chi xintzijoj ri Utzalaj Tzij chrij ri Cristo Jesús chiwe ix, ri man ix aj Israel taj. Tajin k'u kinb'an orar pi wi' cho ri Dios.

Efesios 3:1 交叉參考

Ri Lucax 21:12

Nabe c'u na chquiwäch wa', ri winak quixquichap na, caquiban na c'ax chiwe rumal ri i cojonic, quixquijach na pa tak ri ja ri cäquitijoj wi quib ri aj judeyib che ri pixab, quixquijach na pa tak che'. Quixquic'am na bic chquiwäch ri ajawinelab xukuje' ri k'atal tak tzij rumal rech ri nu bi'.

Hechos 21:33

Ri qui nimal ri ajch'ojab xopan ruc' ri Pawl, xuchapo, xtakan che u yutic cuc' quieb tikom ch'ich'. Xc'otow c'u chi'aj jachinok xukuje' jas ri xubano.

Hechos 23:18

Xuc'am c'ut, xuc'am bic chuwäch ri qui nimal ri jun mil ajch'ojab, xubij che: “Ri Pawl ri c'o pa che' xinusiq'uij, xuta' tok'ob chwe chi quinc'am ulok we ala ri' chwäch la. C'o jas ri cutzijoj na che la.”

Hechos 26:29

Ri Pawl xubij che: “Quintz'onoj ri' che ri Dios chi we xa' cumal quieb oxib tzij o cumal q'ui tzij, man xuwi ta ri lal, xane' xukuje' conojel ri cäquitatabej ri nu tzij camic, quebux ta ne je jas ri in, ma ta c'u e c'o we tikom tak ch'ich' ri' chque.”

Hechos 9:15

Xubij ri Ajawaxel che: “Jät. Nu cha'om c'ut we achi ri' rech quinuk'alajisaj chquiwäch ri winak ri e re jule' nimak tak tinimit chic, chquiwäch ri ajawinelab xukuje' chquiwäch ri aj israelib.

2 Corintios 1:6

We cäkarik c'axc'olil uj, are wa' che u cu'bisaxic i c'u'x ix xukuje' rech quixcolotajic. We c'u cäcu'bisax ka c'u'x uj, are wa' che u cu'bisaxic i c'u'x ix. Jeri' quixcuinic quik'i' ri c'axc'olil jas ri c'axc'olil ri cäkarik uj.

2 Corintios 10:1

In Pawl quixinbochi'j pa ri u bi' ri Crist, ri ch'uch'uj ranima', ri man cunimarisaj ta rib. Cäbixic chi aretak in c'o iwuc' quinna' wib, aretak c'u man in c'o ta iwuc' quinbij ronojel chiwe, man quinxe'j ta wib.

2 Corintios 11:23

¿La e pataninel re ri Crist? Ri in sibalaj quinpatanij na ri Crist chquiwäch ri e are'. (Cätajin quintzijon je ta ne jun conalaj winak.) Sibalaj nu banom c'axalaj tak chac chquiwäch ri e are'. Q'ui mul in ch'ayo'm, q'ui mul in cojom pa che', are c'u ri e are' xa jubik'. Q'ui mul ri winak cäcaj quinquicämisaj.

Gálatas 5:11

Wachalalib, we ta quintakej u bixic chiwe ri cojonelab chi quekopix ri u wi' ri qui tz'umal ri achijab wi che retal ri qui cuerp, ri aj judeyib ma ta cäcan c'ax ri chwe. Jeri' ri u tzijoxic ri u ripibal ri Crist ma ta cuya' latz' ri' chque.

Gálatas 5:2

In Pawl quinbij chiwe achijab we cakopix ri u tz'umal ri u wi' ri ix achijab wi che iwetal che i suq'uirisaxic chuwäch ri Dios, man c'o ta cupatanij ri' ri Crist chiwe.

Gálatas 5:24

Ri e rech ri Crist Jesus qui ripom chic ri qui banic aj winak re mac, ruc' ronojel ri man utz taj ri cäraj xukuje' ruc' ri itzel u rayinic.

Efesios 3:11

Jas ri u chomam ulok ojer aretak c'ä majok cätiquiritaj ri uwächulew, xuban wa' ronojel rumal ri Kajaw Crist Jesus.

Efesios 3:13

Rumal ri' quixinbochi'j chi mäq'uistaj i c'u'x rumal rech ri c'axc'olil ri in c'o wi rumal iwech, ri e are i juluwibal.

Efesios 3:8

In ri man nim ta nu banic chuwäch ri man nim ta u banic chquixo'l ri e aj u tinimit ri Dios, are' c'ut ri are' yowinak we nimarisabal ib ri' chwe chi quinya' u tzijoxic chque ri man aj judeyib taj ri utzalaj tzijol che qui k'alajisaxic tak ri e u k'inomal ri Crist ri man e ch'obel taj.

Efesios 4:1

In c'ut, in ajpache' rumal ri Ajawaxel, quixinbochi'j chi quibano jas ri takal chque ri winak ri e siq'uim rumal ri Dios, jas ri ix xixsiq'uixic.

Efesios 6:20

Ri Dios in u takom che u tzijoxic we utzalaj tzij ri'. Rumal c'u wa' in c'o pa che'. Chibana' ch'awem panuwi' rech man quinxe'j ta wib, quintzijoj jas ri takal u banic wumal.

Filipenses 1:7

Suc' ri nu chomanic chiwe iwonojel, rumal rech chi ix c'o pa wanima'. Aretak in c'o pa che', aretak quintzijoj chque ri winak jasche quincojon che ri tzij re colobal ib xukuje' quink'alajisaj chquiwäch chi are' ri kastzij, ix wachil pa ri u tok'ob ri Dios.

Colosenses 1:24

Quinquicot c'u pa tak ri c'axc'olil ri nu rikom rumal iwech, c'ä c'ax c'u que che ri Crist rumal ri qui c'axc'olil ri comon cojonelab, are wa' ri u cuerp. Quinc'am c'u we we c'axc'olil ri' pa ri nu cuerp. Quinrik c'u c'ax rumal quech ri comon cojonelab.

Colosenses 4:18

In wa' in Pawl xintz'ibaj chiwe ruc' ri nu k'ab, quinya' rutzil i wäch. Chnataj ba' chiwe chi in c'o pa che'. Ri Dios cuban tok'ob chiwe.

Colosenses 4:3

Xukuje' chibana' ch'awem pakawi' uj, rech ri Dios cujak jun ka be che u tzijoxic ri tzij, rech cuya' cäkatzijoj ri Crist, ri man etamatal ta can nabe. Rumal c'u rech ri are' in c'o pa che'.

2 Timoteo 1:16

Chel ta u c'u'x ri Ajawaxel chque ri e aj uwo rachoch ri Onesipor. Q'ui mul c'ut ri are' xuya' uxlanem chwe, man xq'uix ta c'u chwe chi ri in, in c'o pa che', in ximom ruc' tikom ch'ich'.

2 Timoteo 1:8

Matq'uix ba' che u k'alajisaxic jas ri u banom ri Kajaw o jas nu banom in ri in c'o pa che' rumal rech ri Are'. Xane' chach'ija' awe ri c'ax wuc' in rumal rech ri tzij re colobal ib, ruc' ri chuk'ab ri yo'm rumal ri Dios,

Filemón 1:1

In Pawl, in c'o pa che' rumal rech ri Crist Jesus, junam ruc' ri kachalal Timotey quintz'ibaj we wuj ri' chawe, lok'alaj Pilemon, at kach ajchac,

Filemón 1:23

Ri Epapras cuya' rutzil a wäch, are wachil pa che' rumal rech ri Crist Jesus.

Filemón 1:9

xak c'u quitz'onoj tok'ob chawe, rumal rech chi catinlok'ok'ej. In wa' in, Pawl, in nim winak chic, camic in c'o pa che' rumal rech ri Crist Jesus,

Apocalipsis 2:10

Maxe'j awib chquiwäch ri c'ax ri carika' na. Chawilampe', ri itzel chanim quebuya' na jujun chiwe pa che', che c'ambejenic catoc'ow c'u na pa lajuj k'ij c'axc'ol. Chatux jic c'ä pa ri a cämical. Quinya' c'u na ri corona' re c'aslemal chawe.