Efesios 1:11 - Quiché Bible

¹¹ Pa ri are' c'ut uj uxinak echbenelab, uj c'utum ulok jas ri u cholajil ri u chomanic ri quebuban conojel ri jastak jas ri kas u beya'l ri u rayibal.

RI KꞌAKꞌ TESTAMENTO PA TZIJOBꞌAL KꞌICHEꞌ

¹¹ Pa Cristo xuqujeꞌ xqakꞌamawaꞌj ri echabꞌal, rumal cher ojer xujchaꞌ loq, jacha ri uchomanik ri kakwin chubꞌanik ronojel ri jastaq, jeꞌ jas ri kurayibꞌej ukꞌuꞌx.

K'iche'

¹¹ Tzojer lok uj cha'tal rumal ri Dios, uj ri uj c'o pu k'ab ri Cristo rech cäkarik ke ri echbal junam ruc' ri Are'. Are ri u chomam lok chi cuya na chke. Je wa' xuban ri Dios ri cuban ronojel. Are je' jas ru chomam petinak lok, ri utz cärilo.

K'iche' (New Orthography)

¹¹ Tzojer loq uj cha'tal rumal ri Dios, uj ri uj k'o pu q'ab' ri Cristo rech käqariq qe ri echb'al junam ruk' ri Are'. Are ri u chomam loq chi kuya na chqe. Je wa' xub'an ri Dios ri kub'an ronojel. Are je' jas ru chomam petinaq loq, ri utz kärilo.

Efesios 1:11 交叉參考

Romanos 8:28

Keta'm c'ut chi conojel ri jastak quetoban che utzil chque ri quelok'ok'en ri Dios, chque wa' ri e siq'uim jas kas u chomanic ri Dios.

1 Pedro 1:4

rech cuya' jun kechbal ri man cäsach ta u wäch, man tz'ajtajinak taj, ri man cächaki'jar taj, ri c'olom chiwe pa ri caj.

Efesios 1:14

Ri Ruxlabal ri Dios are' ri u cu'lbal ka c'u'x chi cäkac'am na ri echbal ri cuya' na ri Dios chke aretak u tz'akatisam chic ri qui torotajic ri e rech, rech cak'ijilaxic rumal ri u nimalil.

Efesios 3:11

Jas ri u chomam ulok ojer aretak c'ä majok cätiquiritaj ri uwächulew, xuban wa' ronojel rumal ri Kajaw Crist Jesus.

Efesios 1:5

Ri Dios cujulok'ok'ej, u chomam c'u ulok ojer chi cujoc che ralc'ual ri are' rumal ri Jesucrist, are wa' ri u rayibal, xkaj c'u chuwäch chi je cubano.

Gálatas 3:18

We ta cäc'am ri echbal ri cuya' ri Dios rumal ri u nimaxic ri pixab, ma ta cäc'am ri' rumal ri chi'm. Are c'u ri xubij ri Dios pa ri u chi'm chi cuya' na che ri Abraham, xak xusipaj che.

Hebreos 6:17

Rumal ri' ri Dios xch'aw ruc' ri chi'nic ri kas cäban na, che u c'utic chquiwäch ri quechben na ri u bim, chi man cuq'uex ta na ri u chomanic.

Ri Tit 3:7

Jeri' k'alajisam chic chi uj suc' chuwäch rumal ri u tok'ob, cu'l c'u ka c'u'x chi cäkechbej na ri junalic c'aslemal.

Romanos 8:17

We c'u uj alc'ualaxelab, xukuje' uj echbenelab che ri c'aslemal ri cuya' ri Dios. Cujechben na junam ruc' ri Crist, we junam cäkarik c'ax ruc' ri Crist, rech xukuje' junam cuje' c'ol na pa ri u juluwem.

Colosenses 1:12

Ruc' quicotemal quinmaltioxin che ri Tataxel, rumal rech chi u yo'm chke chi cäkac'am ke ri echbal ri cuya' chque ri tastalic tak cojonelab ri e c'o pa ri sakil.

Colosenses 3:24

Iweta'm c'ut chi ri Ajawaxel cuya' na ri echbal che tojbal iwe, rumal rech chi are' quipatanij ri Crist ri Ajawaxel.

Hechos 26:18

rech quebajak ri qui bak'wäch; rech quebel pa ri k'ek'um, quek'ax pa ri sakil; rech quebel chuxe' ri u cuinem ri Satanas, quek'ax ruc' ri Dios; rech cäquic'am jun quechbal cuc' ri banom tastalic tak winak chque rumal cojonic chwe in.’ ”

Hechos 20:32

Camic c'ut, wachalal, quixinjach pa u k'ab ri Dios. Are' cäcuin che i yaquic xukuje' pa ri u tzij re lok'obal c'u'x. Cuya' ronojel ri u chi'm che ri tastalicalaj u tinimit.

Hechos 2:23

Ri are' xjach pa k'ab alak je jas ri u chomam ulok ri Dios, rumal ri u bim ulok ojer chi rajawaxic cäbantaj na. Ri alak xk'at alak tzij puwi', xcämisaj alak, xrip cho jun ripibal cumal itzel tak winak.

Hechos 20:27

Nu tzijom c'u ronojel ri u chomanic ri Dios chiwe. Man c'o ta jas ma ta xinbij chiwe.

Hechos 4:28

Xquimulij quib che u banic ronojel ri c'utum ulok ojer rumal ri k'ab la xukuje' ri chomanic la, chi cäbantaj na.

Ri Jeremiy 32:19

Lal nim banic la pa tak ri e chomanic la c'o c'u cuinem la pa tak ri e chac la. Lal quil la ronojel ri caquiban ri winak caya' c'u la chque chquijujunal jachique ri takal chque tak ri e qui banoj.

Salmib 37:18

Ri Ajawaxel quebuchajij na ri man c'o ta mac cäriktaj pa qui c'aslemal, ri quechbal cäjeki' na chbe k'ij sak.

1 Pedro 3:9

Mitoj etzelal che u q'uexel etzelal. Aretak quixyok'ic, mitoj u q'uexel ri yok'obal iwe. Xane' chitewichi'j ri quixyok'owic. Che wa' xixsiq'uix wi, che rechbexic tewichibal.

Romanos 11:34

¿Jachin ta cäch'obow ri u chomanic ri Ajawaxel? ¿Jachin ta xyo'w u no'j?

Ri Zacariy 6:13

Cuban na u banic ri rachoch ri Ajawaxel cuc'am c'u na ri kas nimarisabal u k'ij jun ajawinel. Cat'uyi' na chupam ri u tem re ajawibal che u k'atic tzij, pa u xcut c'ut ri u tem re ajawibal cat'uyi' wi na ri cojol tabal tok'ob, cac'oji' c'u na jamaril chquixo'l qui cabichal.

Ri Jeremiy 23:18

¿Jachin ta quec'oxoman ri e awatalic ri e c'o ruc' ri Ajawaxel?, ¿xril ta c'ut, xuta' ta c'ut ri u tzij?, ¿jachin ri xtataben ri u tzij xuxiquinaj ta c'ut?

Ri Isaiy 28:29

Je c'u cuban ri Ajawaxel wa' ri c'o ronojel u cuinem che u banic ri cuchomaj. Ri are' e c'o mayibalalaj tak u chomanic, quebuban c'u na ruc' nimalaj no'j.

Ri Isaiy 5:19

Ix ri quibij: “Chanim chubana' ri Dios ri jastak ri cubij, rech quekilo; chi ri Tastalicalaj u Dios ri Israel chutz'akatisaj chanim ri e u chomam qui banic rech cäketamaj qui wäch.”

U Camulixic ri Pixab 4:20

Are c'u ri ix xixuc'am ri Ajawaxel, xixresaj chupam ri jorno ri cäjarisax wi ch'ich', are wa' ri Ejipt, rech quixux u tinimit jas ri i banom camic.

E C'ambal tak Tzij 8:14

Wuc' in e c'o wi ri chomanic xukuje' ri u tz'akatisaxic in ri utzalaj chomanic xukuje' ri chuk'ab.

Santiago 2:5

Lok'alaj tak wachalal, chitatabej ri nu tzij: Ri Dios e u cha'om ri mebayib re we uwächulew ri', chi e are' ri k'inomab che cojonic, cäquechbej na ri ajawibal ri u bim ri Dios chi cuya' na chque ri winak ri cäquilok'ok'ej ri are'.

Efesios 1:8

Ri Dios u c'utunisam chkawäch ri nimalaj u lok'ok'ebal c'u'x ri xuya' chke ruc' ronojel no'jinic, ruc' ronojel ch'obonic.

Ri Job 12:13

Are' c'u ri Dios aj no'j xukuje' c'o u cuinem; ri are' quebuban chomanic, quebutz'akatisaj c'u qui banic.

Ri Job 33:29

Jewa' cuban ri Dios che ri winak, jumul xukuje' camul;

Ri Isaiy 25:1

Ajawaxel, lal ri nu Dios in quinya' k'ij la xukuje' quintewichi'j ri bi' la, rumal rech chi esam la ri mayibalalaj tak chomanic la chi sak, e jic xukuje' co e jekelic kas e ojer ulok.

Hechos 13:48

Ri man aj judeyib taj, aretak xquita' wa', xequicotic, xquibij chi sibalaj utz ri u tijonic aj Ajawaxel. Xecojon c'u conojel ri u chomam ulok ri Dios chi cäc'oji' junalic qui c'aslemal.

Romanos 8:29

E are c'ut ri xetamax ulok qui wäch rumal ri Dios, xebucha' ulok ojer rech quebux na junam ruc' ri u C'ojol, rech are' cux nabeal ri u C'ojol chquixo'l q'ui achalaxelab.

Romanos 8:30

Ri winak ri xebucha' ulok ri Dios ojer are wa' xebusiq'uij, xukuje' ri xebusiq'uij, are wa' ri xebuk'alajisaj chi e suc' chuwäch. Ri xebuk'alajisaj chi e suc' chuwäch, are wa' xunimarisaj qui k'ij.

Romanos 9:11

Ri Dios xch'aw ruc' ri Rebec aretak c'ä majok queralaj ri ral, c'ä majok cäquiban utzil o etzelal. Jeri' cäkil ri u chomanic ri Dios chi quebucha' ri winak man rumal ta ri chac ri qui banom, xane' nabe quebusiq'uij.

Efesios 1:9

Xuya' retamaxic chke ri u rayibal ri man etamatal ta can nabe, ri utzalaj u rayibal ri u chomam ulok pa re wi chi je cuban na.

Efesios 1:18

Quintz'onoj che ri Dios chi cuya' ri i chomanic pa sak, rech kas quiwetamaj jachique ri cu'lbal c'uxaj re ri i siq'uixic rumal, xukuje' quiwetamaj ri u k'inomal ri u juluwem ri echbal ri cuya' chque ri winak ri e rech ri Dios,

Ri Tit 2:14

Ri Jesucrist xuya' ri u c'aslemal rumal kech, che kesaxic pa u k'ab ronojel etzelal xukuje' che ka josk'ixic, rech cujux rech are' xukuje' cäkacoj ka chuk'ab che u banic utzalaj tak chac.