Chapletajic 9:23 - Quiché Bible

²³ Are c'u ri Sem xukuje' ri Japet xquic'am jun atz'iak xquiq'uiak chquij ri kas qui teleb che u ch'ukic ri qui tat. Rech man cäquil taj chi ch'analic, xa chquij xebinic xebec, chquiwäch c'u xeca'y wi.

Chapletajic 9:23 交叉參考

Chapletajic 9:22

Aretak ri Cam, ri u tat ri Canaan, xrilo chi ch'anal ri Noe ri u tat, xel bic, xbe che u bixic chque ri quieb rachalal.

Chapletajic 9:24

Aretak xoc'ow ri u k'abaric, ri Noe xretamaj c'ut ri xban che rumal ri Cam ri ch'i'p u c'ojol,

Elem 20:12

Nim chawila' wi ri a tat xukuje' ri a nan, rech naj catc'asi' cho ri ulew ri cuya' ri Ajawaxel ri a Dios chawe.

Aj Levitib 19:32

Chatwalij che u to'ic ri sak u jolom, nim chebawila' wi ri nimak tak winak, amak'el chana' awib chuwäch ri a Dios. In ri' ri Ajawaxel.

Romanos 13:7

Chitojo' ri i c'as cuc' conojel. Chitojo' ronojel u wäch ri cuchuj che ri tok'il cuchuj. Nim chiwila' wi ri winak ri rajawaxic nim quil wi. Chiya' u k'ij ri winak ri rajawaxic cäya' u k'ij.

Gálatas 6:1

Wachalalib, we c'o jun quiriko chi c'o pa jun mac, ix ri utz ri i c'aslemal aj Uxlabaxel, chito' ri je u banom wa' ruc' u ch'uch'ujil iwanima' rech cätzelej pa suq'uil. Chawila' awib, mattakchi'x ne at che mac xukuje'.

1 Timoteo 5:1

Co mach'abej jun nim tata', xane' chapixbej je jas ri a tat. Chebapixbej ri alabom je jas ri e awachalal.

1 Timoteo 5:17

Ri tatayib ri quetakan pa ri comon cojonelab ri utz ruc'axic ri qui chac cäquibano, takal chque chi sibalaj nim quebiwil wi, puwi' ronojel ri cäquitzijoj ri u tzij ri Dios xukuje' ri quetijonic.

1 Timoteo 5:19

Macojo we cäban tzij chrij jun chque ri tatayib ri quetakan chque ri cojonelab, we man xilitaj ri xubano cumal quieb oxib winak.

1 Pedro 2:17

Nim chebiwila wi conojel. Chebilok'ok'ej ri kachalal. Chixe'j iwib chuwäch ri Dios. Nim chiwila' wi ri ajawinel.

1 Pedro 4:8

Puwi' ronojel, chicojo' i chuk'ab che u lok'ok'exic iwib, rumal rech chi ri lok'ok'ebal c'u'x cubano chi quesachtaj q'ui mac.