Chapletajic 7:13 - Quiché Bible

¹³ Kas pa ri k'ij ri' xoc ri Noe pa ri jucub e rachil ri Sem, Cam, Japet ri e u c'ojol, ri rixokil xukuje' ri e oxib ralib.

Chapletajic 7:13 交叉參考

Chapletajic 10:21

Ri Sem, ri nabeal chuwäch ri Japet, xukuje' xc'ojolanic. Conojel ri e ralc'ual ri Heber e rija'lil ri Sem.

Chapletajic 10:6

Ri e u c'ojol ri Cam are' ri Cus, ri Mizraim, ri Pot, ri Canaan.

Chapletajic 5:32

Job sient (500) chic u junab ri Noe aretak xebalax ri Sem, Cam, Japet ri e u c'ojol.

Chapletajic 6:10

Ri Noe xec'oji' oxib u c'ojol, e are wa': Sem, Cam, Japet.

Chapletajic 6:18

Awuc' c'u at quinjekeba' wi ri nu c'ulwächinic, queboc na ri e a c'ojol pa ri jucub, ri awixokil, ri e awalib xukuje' ri at.

Chapletajic 7:1

Chwi' chi c'ut ri Ajawaxel xubij che ri Noe: “Chquixo'l conojel ri winak re we k'ijol ri', xuwi ri at a banom ri nu rayibal. Rumal ri' chatoc chupam ri jucub quebawachilaj ri e awachalal.

Chapletajic 7:14

Ronojel qui wäch juyubal tak awaj xeboc cuc' pa ri jucub, xukuje' ronojel qui wäch tak awaj ri e aj uwo ja ronojel qui wäch awaj ri cäquijururej quib xukuje' ronojel qui wäch chicop ri c'o qui xic'.

Chapletajic 8:14

Pa ri juwinak wukub (27) rajilabal ri ucab ic', sibalaj chaki'j chic ri ulew.

Hebreos 11:7

Rumal ri cojonic, ri Noe aretak ri Dios xubij apan jastak che ri c'ä majok quebilitajic, xniman che ri Dios, xuban c'u ri jucub che qui colic ri e aj uwo rachoch. Rumal ri cojonic, xuk'alajisaj chi c'o qui mac ri winak ri e c'o cho ri uwächulew, xrechbej c'u ri suq'uil ri cäpe rumal ri cojonic.

1 Pedro 3:20

E are wa' e uxinak man e nimanelab taj pa ri e ojer tak k'ijol, pa tak ri e u k'ij ri Noe, aretak ri Dios xeye'm ruc' coch'onic joropa' k'ij xbeytaj u banic ri jucub, ri Dios xebuto'tajisaj jujun winak puwi' ri ja' e wajxakib c'ut chi conojel.

2 Pedro 2:5

Xukuje' man xusach ta qui mac ri winak ri e c'o cho ri uwächulew ojer, xane' xuwi xucol ri Noe, tzijol re ri suq'uil, e rachil e wukub winak chic, aretak xutak ulok ri nimalaj k'ekal jäb paquiwi' ri winak re ri uwächulew ri man xquiya' ta u k'ij ri Dios.

K'atal tak Tzij 21:22

Are c'u we ri qui tat o ri qui xibal ri alitomab quepe che u ch'aic chke, cäkabij na chque: ‘Ri uj quixkabochi'j, chibana' tok'ob, chisacha' qui mac, rumal rech chi ri uj man xekarik ta ixokib chque conojel, pa ri ch'o'j ruc' ri Jabes. Man c'u ne ix ta xixyo'w chque, i tz'akatisam c'ut ri chi'nic ri kas cäban na.’ ”