Chapletajic 6:7 - Quiché Bible

⁷ “Quinq'uis tzij paquiwi' ri winak cho ri uwächulew ri e nu winakirisam, xukuje' conojel ri awaj aj uwo tak ja, ri awaj ri cäquijururej tak quib, xukuje' ri chicop ri c'o qui xic'. ¡C'ax pa wanima' chi xebenbano!”

Chapletajic 6:7 交叉參考

Chapletajic 6:6

c'ax c'u xuna' pa ri ranima' chi xuban ri winak. Ruc' sibalaj c'axc'ol, xubij:

Chapletajic 7:21

Je u sachic qui wäch wa' conojel ri winak cho ri uwächulew, ronojel qui wäch chicop ri c'o qui xic', ri awaj ri e aj uwo ja, xukuje' ri awaj ri cäquijururej quib puwi' ri ulew.

Chapletajic 7:4

Xa c'u pa wukub k'ij quinkasaj jun k'ekal jäb re cawinak (40) k'ij, cawinak (40) ak'ab. ¡Quinsach na qui wäch conojel ri e c'aslic, ri e nu banom!”

Chapletajic 8:21

Aretak xopan ri c'oc'alaj ruxlab ri tabal tok'ob chuwäch ri Ajawaxel, xubij: “Mawi jumul quinc'okoj ta chic ri ulew u mac rech ri winak, kas c'u pa ri rac'alal ulok ri winak xuwi cuchomaj ri man utz taj. Xukuje' mawi jumul quinsach chic qui wäch conojel ri awaj, jas ri nu banom.”

Salmib 37:20

Ri banal tak etzelal quenicow na jacha' ri chaki'j k'ayes; ri qui banom qui c'ulel che ri Ajawaxel, cäsach na qui wäch jacha' ri sib.

E C'ambal tak Tzij 10:27

Ri u ya'ic u k'ij ri Ajawaxel cuyukupej ri c'aslemal, chque c'ut ri e banal tak etzelal quek'ip chque.

E C'ambal tak Tzij 16:4

Ri Ajawaxel u winakirisam ronojel che jun patanijic; xukuje' ne ri itzel winak che ri k'ij re ri c'äjisabal wächaj.

Ri Isaiy 27:11

Ri e u k'ab jun che' quek'ajic aretak quechaki'jaric quepe c'u ri ixokib quequimol bic quequicoj pa k'ak'. Jun tinimit wa' ri man c'o ta u chomanic. Rumal ri' ri Dios ri xq'uiyisanic, man cutok'obisaj ta u wäch mawi quel ta u c'u'x che.

Ri Osey 4:3

Rumal ri', cabisbob na ri ulew; quetuktub c'ut ri e jekel chupam; junam cuc' tak ri juyubal tak awaj xukuje' tak ri chicop ri e c'o qui xic' quecäm, xukuje' tak ri cär ri e c'o chupam ri plo.

Ri Amos 7:3

Xuk'il c'u rib ri Ajawaxel che ri u chomam u banic, xubij c'ut: “¡Man quec'ulmataj ta ba' wa'!”

Ri Amos 7:6

Xuk'il c'u rib ri Ajawaxel che ri u chomam u banic. Xubij c'ut ri Ajawaxel: “¡Mawi ne quec'ulmataj wa'!”

Ri Soponiy 1:18

Pa ri k'ij re ri nimalaj royowal ri Ajawaxel, man cäto'tajisax ta na ri winak mawi rumal ri u sak puak mawi rumal ri u k'an puak, ri u k'ak'al c'ut ri royowal ri Ajawaxel cäjarisan na ronojel ri uwächulew. ¡Conojel ri winak ri e jekel cho ri uwächulew cäsachisataj na qui wäch xa' pa jun jok'otaj!

Ri Soponiy 1:2

Are wa' cujiquiba' u bixic ri Ajawaxel: “Ruc' tz'akatil quinsachisaj na u wäch ronojel ri c'o cho ri uwächulew.

Ri Soponiy 1:3

Quinsachisaj na qui wäch ri winak xukuje' tak ri awaj, quinsachisaj na qui wäch tak ri chicop ri c'o qui xic' xukuje' tak ri car, quink'atij na qui wäch ri e banal tak etzelal quinsachisaj na u wäch ri winak cho ri uwächulew.” Are' wa' cujiquiba' u bixic ri Ajawaxel:

U Camulixic ri Pixab 28:63

Jacha' ri xquicot ri Ajawaxel che u banic utzil chawe xukuje' che a pok'isaxic, camic cäquicot che ri awetzeletajic xukuje' ri u sachisaxic a wäch, aninak c'ut catbok na bic pa ri ulew ri catejekel wi na.

U Camulixic ri Pixab 29:20

Ri Ajawaxel man cuya' ta ri sachbal u mac, xane' cukasaj ri u k'ak'al ri royowal puwi' we winak ri', cäkaj c'u na puwi' ronojel ri c'okonic ri u yo'm u bixic chupam we wuj ri', are c'u ri Ajawaxel cusach na qui wäch ri e u k'ab tak rachalaxic chuwäch ri uwächulew.

Nabe Samuel 15:11

“Quinbisonic chi xincoj ri Saul che ajawinel, rumal rech chi u tasom rib chwij man e u tz'akatisam ta ri nu takanic.” Ri Samuel man curik ta chic jas cubano, man xwar ta ronojel ri jun ak'ab xubochi'j c'u ri Ajawaxel.