Chapletajic 48:14 - Quiché Bible

¹⁴ Ri Jacob aretak xuyuk ri u k'ab paquiwi', xebujalc'atij ri u k'ab, ri u wiquiak'ab xuya' puwi' ri u jolom ri Eprain ri chak'axel, are c'u ri u mox, xuya' puwi' ri u jolom ri Manases pune' are nabeal.

Chapletajic 48:14 交叉參考

Chapletajic 41:51

Ri nabe u c'ojol xucoj Manases che u bi', xubij c'ut: “Ri Dios u banom chi man cänataj ta chic chwe ri c'ax ri nu rikom xukuje' conojel ri e wachalaxic.”

Chapletajic 41:52

Ri ucab u c'ojol xucoj Eprain che u bi', xubij c'ut: “Ri Dios u banom chi quec'oji' nu c'ojol pa ri ulew ri xinrik wi c'ax.”

Chapletajic 46:20

Ri e u c'ojol ri Jose ri xeralaj ri Asenat, e are wa': ri Manases, ri Eprain, ri xil qui wäch pa Ejipt. Ri Asenat u mia'l ri Potiper ri cojol tabal tok'ob pa On.

Chapletajic 48:13

Xebuc'am qui cabichal ri Eprain ruc' ri u k'ab u wiquiak'ab, ri Manases ruc' ri u mox, xebukebisaj chuwäch ri u tat. Jeri' ri Eprain xcanaj pa ri u mox ri Jacob, are c'u ri Manases xcanaj pa ri u wiquiak'ab.

Chapletajic 48:17

Man utz ta c'u xril ri Jose chi ri u tat, are xuya' ri u wiquiak'ab puwi' ri u jolom ri Eprain xuc'am ri u k'ab ri u tat xresaj puwi' ri u jolom ri Eprain xuya' puwi' ri u jolom ri Manases.

Chapletajic 48:18

Xubij c'u che: “¡Man je taj ri cäban la, tat! Are nabeal wa'. Puwi' wa' ya' wi la ri iquiak'ab la.”

Salmib 110:1

Ri Ajawaxel xubij che ri wajaw: “Chatt'uyul pa ri nu wiquiak'ab, c'ä quinban na chque ri qui banom qui c'ulel chawe chi quebux e u tac'alibal ri e awakan.”

Salmib 118:16

¡Ri u cuinem ri Ajawaxel man c'o ta cäjunamataj ta wi! ¡Ri u cuinem ri Ajawaxel xyo'w ri ch'äcanic!”

Elem 15:6

Oh, Ajawaxel, ri icak'ab la ri sibalaj nim u chuk'ab, are xsachow qui wäch ri ka c'ulel.

Ajilanic 2:18

Pa ri u kajebal k'ij quekaj wi na ri ajch'ojab ri quebin chuxe' ri retal ri Eprain. Ri e rajch'ojab ri ramak' ri Eprain are' c'amal qui be ri Elisam (ri u tat ri Elisam are' ri Amihud),

Ajilanic 8:10

C'äte ri' caban c'ut chi ri aj levitib chebopan chnuwäch e are tak c'ut ri aj israelib che quiya' la' tak ri qui k'ab puwi' ri qui jolom.

Ajilanic 8:18

Che c'u ri qui q'uexwäch ri e are' xebenc'am ri aj levitib.

Ri Matey 16:18

In quinbij chawe, chi at Lu'. Puwi' c'u we nimalaj abaj ri' quinyac wi na ri nu comon cojonelab chi nimalaj conojel. Mawi c'u ne ri u cuinem ri cämical cäch'äcan ta na puwi'.

Ri Matey 19:13

Xec'am ulok jujun ac'alab chuwäch ri Jesus, rech quebuya' ri u k'ab paquiwi', cuban c'u ch'awem ruc' Dios paquiwi'. E are c'u ri u tijoxelab xequiyaj ri winak ri xec'amow ulok.

Ri Matey 19:15

Xuya' c'u ri u k'ab paquiwi' ri ac'alab xel c'u bic chila'.

Ri Matey 6:5

“Aretak ri ix quiban ch'awem ruc' Dios, je mibano jas ri quieb qui wäch, utz cäquil ri e are' cäquitac'aba' quib pa tak ri ja ri cäquitijoj wi quib ri aj judeyib che ri pixab, cäquitac'aba' quib pa tak ri qui ch'u'c ri c'ayibal, rech quebil cumal ri winak. Kastzij quinbij chiwe chi c'o chic ri tojbal quech.

Ri Lucax 13:13

Xebuya' ri u k'ab puwi'. Chanim ri ixok xucolomisaj rib, xunimarisaj u k'ij ri Dios.

Ri Lucax 4:40

Aretak xkaj ri k'ij, conojel ri c'o yawabib cuc' re ronojel u wäch yabil, xequic'am ulok chuwäch ri Jesus. Ri are' xuya' ri u k'ab paquiwi' chquijujunal, xebucunaj.

Hechos 13:3

Aretak c'ut, bantajinak chic ri ch'awem ruc' Dios xukuje' bantajinak chic ri man u tijowic ta wa, xequiya' ri qui k'ab paquiwi', xequijach bic.

Hechos 6:6

Xequic'am c'u bic chquiwäch ri takomxenlab. Xquiban ch'awem ruc' Dios, xquiya' ri qui k'ab paquiwi'.

U Camulixic ri Pixab 34:9

Ri Josue (u c'ojol ri Nun), xuc'am ri u no'j pa u k'ab ri Moises, ri Moises xuya' can ri u k'ab puwi' ri Josue; jeri' ri aj israelib xeniman che, je xquibano jas ri takanic ri u yo'm ri Ajawaxel che ri Moises.

1 Timoteo 4:14

Chatoc il che ri xsipax chawe rumal ri Dios. Are yo'm chawe rumal ri u tzij ri Dios ri xk'axex chawe aretak ri tatayib ri quetakan chque ri cojonelab xquiya' qui k'ab pawi'.

1 Timoteo 5:22

Aretak caya' ri a k'ab puwi' jun ri coc che c'amal qui be ri cojonelab, maban wa' xak ruc' aninakil. Maban awe ri mac ri cuban jun chic. Chabana' ronojel rech ch'ajch'oj ri a c'aslemal.