Chapletajic 3:1 - Quiché Bible

¹ Ri cumätz are c'o na u no'j chquiwäch conojel ri juyubal tak awaj ri e u banom ri Ajawaxel Dios, xuc'ot c'u u chi' ri ixok: “¿La u bim ri Dios chiwe chi man quitij taj ri qui wäch ri che' ri e c'o pa ri ticonijibal?”

Chapletajic 3:1 交叉參考

Ri Tzijonel 4:10

We jun chque cätzakic ri jun chic cuyaco. ¡Tok'ob c'u u wäch ri cätzakic ri xak u tuquiel c'olic, man c'o ta ba' jachin ta cäwalijisanic!

Ri Isaiy 27:1

Pa ri k'ij ri' ri Ajawaxel cuc'äjisaj na u wäch ruc' ri u ch'ich' re ch'o'j ri xibibal, ri sibalaj nim ri xukuje' c'o u chuk'ab, ri Lebiatan, ri cumätz ri sotolic, ri Lebiatan, ri cumätz ri c'osq'uic rij, xukuje' cucämisaj na ri dragon ri c'o pa ri plo.

Ri Matey 10:16

“Chiwilampe'. Quixintak bic je jas ri chij chquixo'l ri utiw. Chicojo' ri i chomabal chichajij iwib je jas ri caquiban ri cumätz. Chixux jacha' ri palomax ri man c'o ta c'ax cubano.

Ri Matey 4:3

Xopan c'u ri itzel ruc' ri Jesus che u c'ambejexic. Xubij che: “We at u C'ojol ri Dios, chabana' chi we abaj tak ri' chebux caxlanwa.”

Ri Matey 4:6

Xubij c'u che: “We at u C'ojol ri Dios, chaq'uiaka' bic awib iquim; rumal rech chi tz'ibatalic: ‘Chi quebutak ri e u tako'n aj caj rech catquichajij, catcuc'aj na bic pa qui k'ab, rech man cachak'ij ta ri awakan cho abaj.’ ”

Ri Matey 4:9

Ri itzel xubij che: “Conojel wa' quebenya' chawe we catxuqui' chnuwäch, quinak'ijilaj c'ut.”

2 Corintios 11:14

Man jalan ta c'u wa'. Are c'u ya' ri Satanas cujaluj rib che jun tako'n aj chicaj re sakil.

2 Corintios 11:3

Quinxe'j c'u wib chi je jacha' ri cumätz xusub ri Eva ruc' ri u nawinic, xukuje' ri ix quiya' iwib pa subic, quequitas ta c'u quib ri e i chomanic che ri ch'ajch'oj xukuje' ri jicalaj u k'ijilaxic ri Crist.

1 Pedro 3:7

Xukuje' ri ix achajilaxelab chixjekel cuc' ri e wixokilab ruc' no'jibal, chiya' u k'ij ri iwixokil rumal rech chi man junamataj taj ri u cuerp ruc' ri rech ri rachajil, jacha' xukuje' chi e i wäch echbenelab che ri tok'ob aj c'aslemal, rech ri e i ch'awem ruc' Dios man curik ta k'atibal.

Apocalipsis 12:15

Ri cumätz xresaj ulok ja' pa u chi' je jas jun nima', xuq'uiak bic chrij ri ixok, rech cäc'am bic rumal ri nima'.

Apocalipsis 12:9

Xq'uiak c'u bic ri nimalaj dragon, ri ojer cumätz, ri cäbix itzel xukuje' Satanas che, ri quebusub conojel ri winak. Xq'uiak bic cho ri uwächulew. Xukuje' ri u tako'nib xeq'uiak bic ruc'.

Apocalipsis 20:2

Xuchap ri awaj dragon, ri ojer cumätz, are' ri itzel ri Satanas. Jun mil junab c'ut xuximo.