Chapletajic 28:5 - Quiché Bible

⁵ Jewa' ri u takic bic ri Jacob rumal ri Isaac pa Padan-aram. Xopan c'u ri Jacob cho rachoch ri Laban, u c'ojol ri Betuel aj aramib. Ri Laban are u xibal ri Rebec ri u nan ri Jacob xukuje' ri Esau.

Chapletajic 28:5 交叉參考

Chapletajic 22:23

Ri u mi'al ri Betuel are ri Rebec. E are wa' ri e wajxakib u c'ojol ri Nacor u chak' ri Abraham, ri xeralaj ri Milca.

Chapletajic 24:54

C'äte ri' ri pataninel xukuje' ri e rachil xewa'ic, xquitij cuq'uia', xewar c'u chila'. Chucab k'ij aretak xewalijic, ri pataninel xubij: “Ya' alak chwe chi quintzelej cho rachoch ri wajaw.”

Chapletajic 25:20

Ri Isaac cawinak (40) u junab aretak xc'uli' ruc' ri Rebec u mia'l ri Betuel, rana'b ri Laban, ri e aj aramib ri e jekel pa Padan-aram.

Chapletajic 27:43

Rumal ri', wal, chabana' ba' ri quinbij chawe; mabey awib jät cho rachoch ri nu xibal Laban, ri c'o pa Aran.

Chapletajic 28:2

Jät pa Padan-aram cho rachoch ri a man Betuel, chatec'ulan chila' ruc' jun chque ri u mia'l ri Laban ri u xibal ri a nan.

Chapletajic 29:1

Ri Jacob xutakej ri u be, xbe c'u pa ri culew ri aj elebal k'ij.

Chapletajic 29:12

Aretak ri Jacob xutzijoj che ri Raquel chi ri are' are ral ri Rebec, ri rana'b ri Laban, aninak xbe ri Raquel xubij che ri u tat.

Chapletajic 31:24

Ri Dios xuch'abej ri Laban ri aj aramey pa ri q'uisbal ak'ab re ri uwuk k'ij, xubij che: “Chata' ri quinbij, c'ax match'aw che ri Jacob,” xcha' che.

Chapletajic 35:27

Ri Jacob xbe che u ch'abexic ri u tat pa Mamre, ri tinimit ri xukuje' cäbix Arba che o Hebron. Chila' c'u xc'oji' wi ri Abraham xukuje' ri Isaac.

Ri Ezequiel 27:16

Ri Edom cuban c'ayinic awuc', rumal chi sibalaj c'o u wächinic ri awulew: che u q'uexwäch ri cac'ayij chque quequic'am ulok abaj re granat, quem ri e tz'ajom pa morato, e tz'otom, quem re atz'iak lino, je'lic tak abaj aj plo (coral qui bi') xukuje' je'licalaj quiäk tak abaj ri rubi.

Ri Osey 12:12

Ri Jacob xanimajic xbe pa tak ri ulew re Aram, chila' c'ut, xpatanij wi che u ch'äquic ri rixokil, xchacun che qui yuk'uxic chij.

U Camulixic ri Pixab 26:5

Quebabij c'u na we tzij ri' chuwäch ri Ajawaxel ri a Dios: ‘Ri e nu mam xak e quieb oxib aj arameyib ri xak xebinic, xecokxanij quib pa Ejipt, xejeki' c'u can chila', xebux c'u jun nim tinimit ri xc'oji' qui chuk'ab xukuje' man quebajilataj taj.