3 chatc'ol quieb oxib k'ij pa we c'olbal ri'. Quinc'oji' c'u awuc', catintewichi'j na, chawe c'u at xukuje' chque ri e awija'lil quinya' wi na conojel tak we ulew ri'. Je quintz'akatisaj ri chi'nic ri xinban che ri a tat Abraham.
Chila' xuc'ut wi rib ri Ajawaxel chuwäch ri Abram, xubij che: “We ulew ri' quinya' na chque ri e awija'lil.” Ri Abram xuban jun porobal chila' ri xuk'ijilaj wi ri Ajawaxel, rumal rech chi chila' xuc'ut wi rib chuwäch.
Kas pa ri k'ij ri' ri Ajawaxel xuban jun c'ulwächinic ruc' ri Abram: “We ulew ri' quinya' na chque ri e awija'lil cächapletaj ulok chuchi' ri nima' re Ejipt copan c'ä chuchi' ri nimalaj nima' Euprats.
Ri Dios xubij che ri Abraham: “Ri nu bim chi ri awixokil Sara cäralaj na jun a c'ojol, ri cäcoj na Isaac che u bi'. Ruc' ri are' quinjiquiba' wi na ri nu c'ulwächinic quincanajisaj c'u na amak'el cuc' tak ri e rija'lil.
Chawe at, xukuje' chque ri e are' quinya' wi na ronojel ri ulew Canaan ri at c'o wi camic, quinya' na che quechbal re chbe k'ij sak; are c'ut ri in quinux na i Dios.”
Ri Ajawaxel xuc'ut rib chuwäch ri Isaac pa ri ak'ab ri', xubij c'u che: “In ri' ri u Dios ri a tat Abraham. Maxe'j awib, in in c'o awuc'. Rumal rech ri Abraham ri pataninel wech catintewichi'j, sibalaj c'u quebenpokisaj na ri e awija'lil.”
Xukuje' cärilo chi tac'al ri Ajawaxel pa u xc'ut, xubij c'u che: “In ri' ri Ajawaxel ri u Dios ri a mam Abraham xukuje' ri a tat Isaac. Chawe at xukuje' chque ri e awija'lil quinya' wi na ri ulew ri at k'oyol wi.
In c'o awuc'; catinchajij na apawije' ta ne ri catbe wi, kas c'u catintzelej na ulok pa we ulew ri'. Man catinwonoba' ta canok we ta ma ta quinban na awuc' jas ri nu bim chawe.”
Xubij c'u che ri Jose: “Chawilampe', ri in xa pa quieb oxib k'ij quincämic, are' c'u ri Dios c'o iwuc' amak'el, cuban c'u na chiwe chi quixutzelej na pa ri culew ri e i mam.
Xpe c'u jun k'ij aretak xubij ri Jose chque ri rachalal: “Xa quieb oxib k'ij chic in c'aslic, cäpe c'u na ri Dios che i to'ic, quixresaj c'u na bic chupam we ulew ri', che i c'amic bic chupam ri ulew ri xuchi'j chque ri Abraham, ri Isaac xukuje' ri Jacob.”
Ajawaxel, tatabej la ri nu ch'awem ri quiban chwäch la, ¡chetatabej la ri e nu juyuwem!, ¡xak mail la ri u wa'l nu wäch! Ri in in uxinak che la xa in oc'owel jun chicop ri c'o u xic', e jacha' ri e nu mam.
Xubij ri Dios che ri Moises: “Jät, quinc'oji' c'u awuc', are etal wa' chi kas in catintak bic: aretak awesam chi ulok ri nu tinimit pa Ejipt, iwonojel quinik'ijilaj na pa we juyub ri'.”
Quixinc'am na ix jacha' che nu tinimit, are c'u ri in quinux na i Dios. Jeri' quiwetamaj na chi in ri' ri Ajawaxel ri i Dios, ri cätajin quixresaj chuxe' ri c'axalaj tak chac ri ix takom che qui banic cumal ri aj ejiptib.
We rajawaxic catk'ax pa ri ja', ri in quinc'oji' na awuc', we rajawaxic catk'ax pa tak ri nima' man catjik' ta na, we rajawaxic catoc'ow pa ri k'ak', man catc'at ta na, ri rak' ri k'ak' man quenicow ta na chawij.
Ri Dios man junam ta cuc' ri e cämel: man cuban ta tzij mawi cuq'uex ri u chomam u banic. Aretak ri are' cubij jun jasach, cutz'akatisaj u banic. Aretak cuban jun chi'nic, cutz'akatisaj.
Ri in nu jachom we ulew ri' pa i k'ab; chic'ama' xukuje' chiwechbej ri ulew, ri in, ri Ajawaxel xinban ri chi'nic ri kas cäban na che u ya'ic chque ri e i mam, e are wa' ri Abraham, ri Isaac xukuje' ri Jacob, xukuje' chque ri e quija'lil.’ ”
Xubij c'ut ri Ajawaxel che: “Are' ulew wa' ri xincha' chi quinya' che ri Abraham, ri Isaac xukuje' ri Jacob ri quinya' na chque ri e rija'lil, ri in xinban ri chi'nic ri kas cäban na. Quinwaj c'ut chi quebawil apan cuc' ri e a bak'wäch, pune' man catopan taj chupam.”
Ronojel ri nu c'utum can chiwäch, ri nu bim can chiwe, ri nu tzij ri i tom, xukuje' ri iwilom chi quinbano, ronojel wa' chibana'; are c'u ri Dios aj jamaril cäc'oji' na iwuc'.
Rumal ri cojonic, xc'oji' pa ri ulew ri u bim ri Dios chi cuya' na che, xc'oji' chila' pa tak lic'om ja, je jas pa jun ulew man rech taj. Je xukuje' xquiban ri Isaac xukuje' ri Jacob, ri xa' junam ruc' ri Abraham ri xbix ri chi'nic chque.
